Gas Cylinder: గ్యాస్ కస్టమర్లకు బిగ్ అలర్ట్.. ఇలా చేయకుంటే అక్టోబర్ 1 నుంచి అదనపు ఛార్జీలు!
Gas Cylinder: సిలిండర్ కనెక్షన్ కోసం ఇప్పటికే బయోమెట్రిక్ ఆధార్ ధృవీకరణ పూర్తి చేసుకున్న వారికి ఈ అదనపు రుసుము వర్తించదు. వారు యధావిధిగా గ్యాస్ సిలిండర్లను బుక్ చేసుకోవచ్చు. బయోమెట్రిక్ ఆధార్ ధృవీకరణ పూర్తి చేసుకోని వారికి మాత్రమే ఈ..
Updated on: Sep 22, 2026 | 10:28 AM
Gas Cylinder: భారతదేశంలో ప్రభుత్వ సహాయం, సేవలు సరైన వ్యక్తులకు చేరేలా చూడటానికి, అనర్హులైన వినియోగదారులకు చేరకుండా నిరోధించడానికి ప్రభుత్వం వివిధ చురుకైన చర్యలు తీసుకుంటోంది. ఆ విషయంలో అన్ని సేవల కోసం కేవైసీ వ్యవస్థను ప్రవేశపెట్టింది. రేషన్ కార్డు నుండి గ్యాస్ సిలిండర్ వరకు ప్రతిదానికీ ఈ కేవైసీ (నో యువర్ కస్టమర్) ధృవీకరణ తప్పనిసరి. ఈ నేపథ్యంలో గ్యాస్ సిలిండర్ బుకింగ్కు సంబంధించిన నిబంధనలలో కొన్ని ముఖ్యమైన మార్పులు చేశారు. అవేంటో చూద్దాం.
గ్యాస్ సిలిండర్ బుకింగ్ నిబంధనలలో ప్రధాన మార్పులు:
ఈ కొత్త నిబంధనల ప్రకారం.. ఇప్పటివరకు బయోమెట్రిక్ ఆధార్ ధృవీకరణ ప్రక్రియను పూర్తి చేయని ఎల్పిజి గ్యాస్ సిలిండర్ కనెక్షన్ హోల్డర్లందరూ వెంటనే ఆ ప్రక్రియను పూర్తి చేయడం తప్పనిసరి అయింది. ఒకవేళ గ్యాస్ సిలిండర్ కనెక్షన్ హోల్డర్లు ఈ ప్రక్రియను పూర్తి చేయకపోతే అక్టోబర్ 01, 2026 నుంచి గ్యాస్ సిలిండర్లను బుక్ చేసుకునేటప్పుడు వారు అదనపు రుసుము చెల్లించవలసి వస్తుందని జాతీయ గ్యాస్ మంత్రిత్వ శాఖ తెలిపింది.
ఇది కూడా చదవండి: DMart: డీమార్ట్లో ఈ వస్తువులు కొంటే డబ్బు ఆదా.. MRP కంటే తక్కువ ధరకు లభించే బెస్ట్ ఐటమ్స్ ఇవే!
వారికి సమస్య లేదు:
సిలిండర్ కనెక్షన్ కోసం ఇప్పటికే బయోమెట్రిక్ ఆధార్ ధృవీకరణ పూర్తి చేసుకున్న వారికి ఈ అదనపు రుసుము వర్తించదు. వారు యధావిధిగా గ్యాస్ సిలిండర్లను బుక్ చేసుకోవచ్చు. బయోమెట్రిక్ ఆధార్ ధృవీకరణ పూర్తి చేసుకోని వారికి మాత్రమే ఈ అదనపు రుసుము వర్తిస్తుంది. అందువల్ల అక్టోబర్ 01, 2026 లోపు ఈ బయోమెట్రిక్ ఆధార్ ధృవీకరణ పూర్తి చేసుకోవడం మంచిది.
89.9 శాతం మంది ప్రజలు కేవైసీని పూర్తి చేశారు:
2026 సెప్టెంబర్ 19 వరకు ఉన్న గణాంకాల ప్రకారం, దాదాపు 89.9 శాతం మంది ప్రజలు తమ గ్యాస్ సిలిండర్ కనెక్షన్ల కోసం కేవైసీ (KYC) పూర్తి చేశారు. అందువల్ల మిగిలిన ప్రజలు కూడా త్వరగా బయోమెట్రిక్ ఆధార్ ధృవీకరణ చేయించుకోవాలని నొక్కి చెప్పడానికే ప్రభుత్వం ఈ అదనపు రుసుమును ప్రవేశపెట్టడం గమనార్హం.
ఇది కూడా చదవండి: Gold Loans: గోల్డ్ లోన్లకు ఎందుకంత క్రేజ్? ఇప్పుడు వాళ్లు కూడా బంగారం తాకట్టు పెడుతున్నారట..!
ఇది కూడా చదవండి: Banks Strike: కస్టమర్లకు అలర్ట్.. వరుసగా బ్యాంకులు బంద్.. ఎప్పటి నుంచి అంటే..
మరిన్ని బిజినెస్ వార్తల కోసం ఇక్కడ క్లిక్ చేయండి
