Ola Electric Scooter: భారత్‌లో ప్రారంభమైన ఓలా ఎలక్ట్రిక్‌ స్కూటర్ కొనుగోళ్లు.. ఫీచర్స్‌, ధరల వివరాలు ఇలా..!

Ola Electric Scooter: ప్రస్తుతం పెరుగుతున్న పెట్రోల్‌, డీజిల్‌ ధరల కారణంగా ఎలక్ట్రిక్‌ వాహనాలు అందుబాటులోకి వస్తున్నాయి. పలు వాహనాల కంపెనీలు కూడా..

Subhash Goud |
Updated on: Sep 15, 2021 | 11:35 AM

Ola Electric Scooter: ప్రస్తుతం పెరుగుతున్న పెట్రోల్‌, డీజిల్‌ ధరల కారణంగా ఎలక్ట్రిక్‌ వాహనాలు అందుబాటులోకి వస్తున్నాయి. పలు వాహనాల కంపెనీలు కూడా ఎలక్ట్రిక్‌ వాహనాల వైపు మొగ్గు చూపుతున్నాయి. ఇప్పటికే పలు ద్విచక్ర వాహనాలు సైతం అందుబాటులోకి రాగా, ఇంకొన్ని వాహనాలు త్వరలో మార్కెట్లో విడుదల కానున్నాయి. చమురు ధరలు కూడా పెరిగినే నేపథ్యంలో వినియోగదారులు కూడా ఈ వాహనాల వైపే చూస్తున్నారు. ఇక ఎప్పుడెప్పుడా అని ఎదరుచూసిన ఓలా స్కూటర్‌ ఆగస్టు 15 మార్కెట్లో విడుదలైన విషయం తెలిసిందే. అయితే సెప్టెంబర్‌ 15 నుంచి కొనుగోళ్లు ప్రారంభం అయ్యాయి. రైడ్‌ అగ్రిగేటర్‌ కొనుగోలు ప్రక్రియను తన బ్లాగ్‌లో పోస్టు ద్వారా వివరించింది. విడుదల కాకముందే ఈ స్కూటర్‌పై ఎన్నో అంచనాలు హల్ చల్ చేసిన సంగతి తెలిసిందే. వీటితోపాటు ఎలక్ట్రిక్‌ వెహకిల్స్‌ బుకింగ్‌లోనూ సరికొత్త రికార్డ్‌లను నెలకొల్పింది. ఓలా ఎలక్ట్రిక్ స్కూటర్ ఫీచర్లను, ధరతోపాటు ఎప్పుడు అందుబాటులోకి వస్తాయో భవీస్ అగర్వాల్ వెల్లడించారు కూడా. కేవలం రూ. 499లతో బుకింగ్ చేసుకునే సదుపాయాన్ని అందించడంతో విడుదలైన రోజే దాదాపు 1000 నగరాల్లో లక్ష ఫ్రీ బుకింగ్‌లతో రికార్డు నెలకొల్పింది.

రెండు వేరియంట్లలో ఓలా స్కూటర్స్‌..

ఓలా ఈ -స్కూటర్ రెండు వేరియంట్లలో అందుబాటులో ఉంది. అవి ఓలా ఎస్1, ఎస్1 ప్రో. ఇక ఓలా ఎస్ 1 ధర రూ. 1,41,400- ఎక్స్‌-షోరూమ్‌ ధర) ఉండగా, సబ్సిడీ రూపంలో.99,999లతో అందుబాటులో ఉంది. ఓలా ఎస్1 ప్రో రూ .1,29,999లలో లభించనుంది. కేంద్రం అందించే సబ్సిడీలతో పలు రాష్ట్రాల్లో ధరల్లో మార్పులుంటాయి.

అందుబాటులోకి..

ఓలా ఎస్1, ఎస్1 ప్రో సిరీస్ సెప్టెంబర్ నుంచి కొనుగోలు కోసం అందుబాటులో ఉంటాయి. అయితే షిప్పింగ్ మాత్రం అక్టోబర్‌ నుంచి ప్రారంభమవుతుంది.

ఓలా ఎలక్ట్రిక్ ఎస్1 గరిష్ట వేగం..

ఓలా ఎస్1 కేవలం 3 సెకన్లలో 0kmph నుంచి 40kmph వరకు వెళ్లగలదు. అలాగే గరిష్టంగా 115 కి.మీ. వెళ్లగలదు. ఒక్కసారి ఛార్జ్ చేస్తే ఎలక్ట్రిక్ స్కూటర్ 181 కిమీల వరకు వెళ్తుందని కంపెనీ వెల్లడించింది.

ఓలా ఫీచర్స్‌..

ఓలా ఎస్1 ఎలక్ట్రిక్ స్కూటర్ రివర్స్ మోడ్‌తో వస్తుంది. ఇది రైడర్‌కి కఠినమైన ట్రాఫిక్ పరిస్థితుల నుంచి సులభంగా బయటపడేందుకు సహాయపడుతుంది. అలాగే హిల్ హోల్డ్ ఫీచర్‌తో ఎత్తుపైకి వెళ్లేటప్పుడు ఏమంత కష్టంగా ఉండబోదు. ఈ-స్కూటర్ కూడా క్రూయిజ్ కంట్రోల్ మోడ్‌తో కూడిన పవర్ లేదా బ్యాటరీ లైఫ్‌కు ప్రాధాన్యత ఇచ్చేందుకు మూడు మోడ్‌లతో పనిచేయనుంది. ఇందులో మూడు డ్రైవింగ్ మోడ్స్ అందుబాటులో ఉన్నాయి. నార్మల్, స్పోర్ట్, హైపర్‌ మోడ్స్‌లో పనిచేస్తుంది.

ఫుల్ ఛార్జ్‌తో ఓలా S1 డ్రైవింగ్ రేంజ్ 181 కి.మీ:

ఓలా ఎలక్ట్రిక్ సీఈవో భవీష్ అగర్వాల్ వెల్లడించిన వివరాల మేరకు S1 స్కూటర్ పూర్తిగా ఛార్జ్ చేసినప్పుడు 181 కి.మీ. చేరుకోగలదు. అలాగే S1 స్కూటర్ కేవలం 3 సెకన్లలో 0 kmph నుంచి 40 kmph వరకు వెళ్లగలదని అగర్వాల్ తెలిపారు. ఎలక్ట్రిక్ వాహనం గరిష్టంగా 115 కి.మీ వెళ్లగలదని ఆయన వెల్లడించారు.

ఛార్జింగ్ సమయం:

ఫాస్ట్ ఛార్జర్‌ను ఉపయోగించడం ద్వారా కస్టమర్‌లు కేవలం 18 నిమిషాల్లో 50శాతం వరకు ఈ-స్కూటర్‌ను ఛార్జ్ చేసుకోవచ్చని ఓలా కంపెనీ తెలిపింది. రెగ్యులర్ ఛార్జింగ్ స్టేషన్‌లో, ఎలక్ట్రిక్ స్కూటర్ 0 నుంచి ఫుల్ ఛార్జ్ కావడానికి 2.5 గంటలు పడుతుంది. ఇంట్లో ఒక సాధారణ ప్లగ్‌తో 5.5 గంటల సమయం పడుతుంది.

ఓలా ఎలక్ట్రిక్ ఈ-స్కూటర్ సబ్సీడీ:

ఓలా ఈ-స్కూటర్ 50శాతం ఛార్జ్‌తో 75 కిమీ వరకు ప్రయాణం చేయగలదని వెల్లడించింది. ఇది ఫుల్‌గా ఛార్జ్ చేసినప్పుడు ఎలక్ట్రిక్ స్కూటర్ 150 కిమీ ప్రయాణం చేయగల సామర్థ్యాన్ని కలిగి ఉంది. ఈ వాహనం 3.4kWh బ్యాటరీని కలిగి ఉంది. దీంతో ప్రభుత్వ FAME-II సబ్సిడీకి అర్హత పొందుతుంది.

ఓలా ఎలక్ట్రిక్ ఈ-స్కూటర్ కలర్స్:

ఓలా ఎలక్ట్రిక్ స్కూటర్ 10 కలర్ ఆప్షన్లలో లభిస్తుంది. నీలం, నలుపు, ఎరుపు, గులాబీ, పసుపు, తెలుపు, సిల్వర్ షేడ్స్‌లో మ్యాట్, గ్లోస్ ఎంపికల్లో ఉండనున్నాయి.

ఓలా ఎలక్ట్రిక్ ఈ-స్కూటర్ వేరియంట్లు:

కస్టమర్ల అవసరాలకు అనుగుణంగా మెరుగైన సేవలందించేందుకు ఓలా ఈ-స్కూటర్ మూడు విభిన్న వేరియంట్లలో లభించనుంది. ఎలక్ట్రిక్ స్కూటర్ మొదటి వేరియంట్ 2kW మోటార్ కలిగి ఉంటుంది. ప్రాథమిక మోడల్ గరిష్ట వేగం గంటకు 45 కి.మీ. రెండవ మిడ్ వేరియంట్ 4kW మోటార్ కలిగి ఉంటుంది. గరిష్టంగా 70 kmph వేగాన్ని పొందగలదు. ఓలా ఎలక్ట్రిక్ ఈ-స్కూటర్ టాప్-ఎండ్ వేరియంట్ 7kW మోటార్ కలిగి ఉంటుంది. అలాగే గరిష్టంగా 95 kmph వేగాన్ని కలిగి ఉంటుంది.