Nokia XR20: కింద పడినా పగలని.. నీటిలో తడిచినా పాడవని స్మార్ట్ ఫోన్ ని రిలీజ్ చేసిన నోకియా.. ధర ఎంత అంటే

Nokia XR20: ఒకప్పుడు సెల్ ఫోన్ రంగంలో రాజులా వెలిసిన నోకియా.. సరికొత్త ఫీచర్స్ తో మార్కెట్లోకి అడుగు పెట్టింది. వినియోగదారులను ఆకట్టుకుని.. మళ్ళీ సత్తాచాటాలని భావిస్తోంది. తాజాగా నోకియా తన లేటెస్ట్ స్మార్ట్ ఫోన్ ను భారత్ లో రిలీజ్ చేసింది. ఈ స్మార్ట్ ఫోన్ మిలిటరీ గ్రేడ్ ఫీచర్స్, IP68 రేటింగ్ సర్టిఫికేషన్ తో మార్కెట్లో అడుగు పెట్టింది. దీంతో ఈ స్మార్ట్ ఫోన్ .. కిందపడినా పగలదు.. వర్షంలో తడిచినా.. నీటిలో పడినా పాడుకాదు. నోకియా ఎక్స్ ఆర్ 20 పేరుతో భారత్ లో రిలీజ్ చేసిన ఈ 5G స్మార్ట్ ఫోన్ ఎటువంటి కఠినమైన పరిస్థితులైనా తట్టుకుని పనిచేస్తుంది. దీని నిర్మాణం ఆల్-రౌండ్ ప్రొటక్షన్ ఇస్తుంది. ఇది 1.8 మీటర్ల ఎత్తునుండి కింద పడినా స్మార్ట్ ఫోన్ కు ఏమీ కాదు.

నోకియా ఎక్స్‌ఆర్20 ఫోన్ డిస్ప్లే మరింత ఆకర్షణీయంగా ఉంది. ఈ ఫోన్ 6. 67 ఇంచ్ FHD+ (2400×1080) రిజల్యూషన్ డిస్ప్లే ని కలిగి ఉంది. ఈ డిస్ప్లే పంచ్ హోల్ కటౌట్ నోచ్ డిజన్ తో రూపొందించారు. ఈ స్క్రీన్ పగలకుండా సురక్షితంగా ఉండడం కోసం గొరిల్లా గ్లాస్ విక్టుస్‌ అందించింది. ఈ నోకియా ఫోన్ క్వాల్కమ్ స్నాప్ డ్రాగన్ 480 5G ప్రోసెసర్తో నడుస్తుంది. 6GB ర్యామ్, 128GB ఇంటర్నల్ స్టోరేజ్ తో రిలీజైన 48MP మైన్ కెమెరాతో పాటు 13MP అల్ట్రా-వైడ్ కెమెరా ఈ ఫోన్ వినియోగదారులను ఆకట్టుకుంది. దీని ధర రూ.46,999. ఈ ఫోన్ అల్ట్రా బ్లూ మరియు గ్రానైట్ అనే రెండు కలర్ లలో లభిస్తుంది. Nokia XR20 అన్ని ప్రముఖ రిటైల్ స్టోర్స్, e-కామ్ ప్లాట్ఫారమ్స్ , నోకియా అధికారిక వెబ్సైట్ nokia.com ల్లో లభ్యమవుతుంది.

Also Read:  అందమైన ఇంద్ర ధనుస్సు రంగులున్న కొండచిలువ.. మైలవ్.. పేరుతో పెంచుకుంటున్న వైనం..