Petrol Price: అక్కడి వాహనదారులకు షాకింగ్‌ న్యూస్‌.. పెట్రోల్‌, డీజిల్‌పై రూ.15 పెంపు!

Nepal Fuel Price Hikes: పాల్ ఆయిల్ కార్పొరేషన్ (ఎన్‌ఓసి) నెలలో రెండోసారి పెట్రోల్, డీజిల్, కిరోసిన్ ధరలను రూ.15 పెంచింది. మధ్యప్రాచ్యంలో కొనసాగుతున్న యుద్ధం అంతర్జాతీయ మార్కెట్లో చమురు ధరలు పెరగడానికి దారితీసింది. వివిధ నగరాల్లో పెట్రోల్ ధరలు లీటరుకు రూ.184.50 నుంచి రూ.187 కు చేరుకున్నాయి. ఇండియన్ ఆయిల్ కార్పొరేషన్ నుండి అందిన తాజా రేట్ల జాబితా ఆధారంగా ధరలను నిర్ణయించినట్లు, అంతర్జాతీయ ధరలు తగ్గినప్పుడు దేశీయ ధరలు కూడా తగ్గుతాయని కార్పొరేషన్ పేర్కొంది. నేపాల్ తన 100% చమురు అవసరాల కోసం భారతదేశంపై ఆధారపడి ఉంది. ఈ చమురు పైప్‌లైన్‌లు, ట్యాంకర్ల ద్వారా సరఫరా అవుతుంది.

నేపాల్ ఆయిల్ కార్పొరేషన్ (ఎన్‌ఓసి) ఒక నెలలో పెట్రోలియం ఉత్పత్తుల ధరలను రెండోసారి పెంచింది. పెట్రోల్, డీజిల్, కిరోసిన్ ధరలను ఏకకాలంలో 15 రూపాయల చొప్పున పెంచింది. ఈ కొత్త ధరలు మార్చి 25వ తేదీ నుండి అమల్లోకి వచ్చాయి. పశ్చిమ ఆసియాలో కొనసాగుతున్న యుద్ధం కారణంగా, గత నెల రోజులుగా అంతర్జాతీయ చమురు ధరలు నిలకడగా పెరుగుతున్నాయి. దీని కారణంగా మార్చి 16 నుంచి 31వ తేదీ మధ్య సుమారు 5 బిలియన్ రూపాయల నష్టాన్ని అంచనా వేస్తున్నట్లు కార్పొరేషన్ పేర్కొంది. ఇదే రేటుతో ధరలు పెరుగుతూ ఉంటే, రాబోయే 15 రోజుల్లో అదనంగా సుమారు 15 బిలియన్ రూపాయల నష్టం వాటిల్లవచ్చని తెలిపింది.

ఇది కూడా చదవండి: Energy Lockdown: ఎనర్జీ లాక్‌డౌన్ అంటే ఏమిటి? ఇప్పుడు ఇదే ట్రెండింగ్‌.. ప్రపంచాన్ని వణికిస్తోంది!

మై రిపబ్లికా నివేదిక ప్రకారం, మొదటి కేటగిరీలో చరాలి, బిరాట్‌నగర్, జనక్‌పూర్, అమ్లేఖ్‌గంజ్, భల్వారీ, నేపాల్‌గంజ్, ధన్‌గఢి మరియు బిర్‌గంజ్‌లలో పెట్రోల్ ధరలను లీటరుకు రూ.184.50గా నిర్ణయించారు. రెండవ కేటగిరీలో సుర్ఖేత్, డాంగ్‌లలో పెట్రోల్ లీటరుకు రూ.186 చొప్పున లభిస్తుంది. మూడవ కేటగిరీలో కాఠ్మండు, పోఖారా మరియు దీపాయల్‌లలో పెట్రోల్ ధరలను లీటరుకు రూ.187గా నిర్ణయించారు.

ఇది కూడా చదవండి: Fuel Quality: పెట్రోల్ బంకుల్లో మోసాలకు చెక్.. వైరల్ వీడియోలో ఎవ్వరికి తెలియని అసలు నిజాలు!

భారత్‌లో పెట్రోల్, డీజిల్ ధరలు ఎప్పుడు తగ్గుతాయి?: అంతర్జాతీయ ధరలు ఆకస్మికంగా పెరగడం వల్ల ఈ క్లిష్ట పరిస్థితి తలెత్తిందని, అందువల్ల వినియోగదారులందరూ, సంబంధిత వ్యక్తులు సహకరించాలని కార్పొరేషన్ విజ్ఞప్తి చేస్తోంది. పెట్రోలియం ఉత్పత్తులను వివేకవంతంగా ఉపయోగించాలని కూడా సూచిస్తోంది. అంతర్జాతీయ ధరలు తగ్గిన వెంటనే, వాటి స్థానంలో కొత్త వాటిని తక్షణమే ప్రవేశపెడతామని పత్రికా ప్రకటనలో పేర్కొంది. అంటే పెట్రోల్-డీజిల్ ధరలు తగ్గించనుంది.

ఇండియన్ ఆయిల్ కార్పొరేషన్ నుండి అందిన తాజా రేట్ల జాబితా ఆధారంగా కొత్త ధరలను నిర్ణయించినట్లు ఎన్ఓసి పేర్కొంది. దేశీయ ధరల నిర్ణయాన్ని పూర్తిగా స్వయంచాలకం చేయడం ప్రస్తుతం సాధ్యం కాదని కూడా అది తెలిపింది.

ఇది కూడా చదవండి: Gold Loan: గోల్డ్‌ లోన్‌ చెల్లించడంలో విఫలమైతే బ్యాంకు మీ బంగారాన్ని ఎప్పుడు వేలం వేస్తుంది?

మరిన్ని బిజినెస్ వార్తల కోసం ఇక్కడ క్లిక్ చేయండి