Multibagger: అదృష్టం అంటే వీళ్లదే.. రెండేళ్లకే 1 లక్షను రూ.1.75 కోట్లు చేసిన మల్టీబ్యాగర్ స్టాక్.. 24న బోనస్ ట్రేడింగ్!
Multibagger Stock: స్టాక్ మార్కెట్లోని స్మాల్ క్యాప్ విభాగంలో అద్భుతాలు సృష్టిస్తున్న వేగా జువెలర్స్ లిమిటెడ్ (Vega Jewellers Limited) తన ఇన్వెస్టర్లకు మరో తీపి కబురు అందించింది. జువెలరీ రంగంలో దూసుకుపోతున్న ఈ కంపెనీ తాజాగా బోనస్ షేర్లను ప్రకటించి అందరి..
Updated on: Apr 20, 2026 | 8:50 AM
Multibagger Stock: స్టాక్ మార్కెట్లోని స్మాల్ క్యాప్ విభాగంలో అద్భుతాలు సృష్టిస్తున్న వేగా జువెలర్స్ లిమిటెడ్ (Vega Jewellers Limited) తన ఇన్వెస్టర్లకు మరో తీపి కబురు అందించింది. జువెలరీ రంగంలో దూసుకుపోతున్న ఈ కంపెనీ తాజాగా 4:1 రేషియోలో బోనస్ షేర్లను ప్రకటించి అందరి దృష్టిని ఆకర్షించింది. బోనస్ షేర్ల వివరాలను అందించింది. కంపెనీ బోర్డు డైరెక్టర్ల నిర్ణయం ప్రకారం, రికార్డు తేదీ నాటికి మీ దగ్గర ఒక షేరు ఉంటే, అదనంగా 4 బోనస్ షేర్లు లభిస్తాయి. బోనస్ నిష్పత్తి: 4:1 (ప్రతి 1 షేరుకు 4 ఉచిత షేర్లు). రికార్డ్ డేట్: ఏప్రిల్ 24, 2026. ఒకవేళ మీరు 100 షేర్లు కలిగి ఉంటే బోనస్ తర్వాత మీ ఖాతాలో మొత్తం 500 షేర్లు ఉంటాయి.
ఇది కూడా చదవండి: Personal Loan: మీరు ఏడాది కాలానికి 1 లక్ష రూపాయల పర్సనల్ లోన్ తీసుకుంటే నెలకు EMI ఎంత? వడ్డీ?
రెండేళ్లలో కళ్లు చెదిరే లాభాలు:
ఈ స్టాక్ గత రెండేళ్ల కాలంలో ఏకంగా 17,442 శాతం లాభాన్ని అందించి అసలైన మల్టీబ్యాగర్గా నిలిచింది. రెండేళ్ల క్రితం ఎవరైనా ఈ షేరులో రూ. 1 లక్ష పెట్టుబడి పెట్టి ఉంటే నేడు దాని విలువ సుమారు రూ. 1.75 కోట్లు అయ్యేది. గత ఏడాది కాలంలోనే ఈ షేరు 560 శాతం వృద్ధిని నమోదు చేయడం విశేషం. ప్రస్తుత మార్కెట్ పరిస్థితి ప్రకారం.. గత శుక్రవారం ట్రేడింగ్ సెషన్లో ఈ షేరు రూ. 312.25 వద్ద ముగిసి, తన 52 వారాల గరిష్ఠ స్థాయిని తాకింది. 52 వారాల గరిష్ఠ ధర: రూ. 312.25, 52 వారాల కనిష్ఠ ధర: రూ. 46.36, మార్కెట్ క్యాప్: సుమారు రూ. 317.75 కోట్లు.
ఇన్వెస్టర్లు గమనించాల్సింది:
ఏప్రిల్ 24వ తేదీన ఈ స్టాక్ ఎక్స్ బోనస్ ట్రేడింగ్ నిర్వహించనుంది. అంటే, బోనస్ ప్రయోజనం పొందాలనుకునే వారు ఈ లోపే షేర్లను కొనుగోలు చేసి ఉండాలి.
గమనిక: స్టాక్ మార్కెట్ పెట్టుబడులు రిస్క్తో కూడుకున్నవి. గతంలో వచ్చిన లాభాలు భవిష్యత్తులోనూ వస్తాయని చెప్పలేము. అందుకే పెట్టుబడి పెట్టే ముందు సర్టిఫైడ్ ఆర్థిక నిపుణుల సలహా తీసుకోవడం ఉత్తమం.
ఇది కూడా చదవండి: Aadhaar Card Alert: మిత్రమా బిగ్ అలర్ట్.. ముందు ఈ పని చేసుకో.. జూన్ 14 వరకే గడువు..!
మరిన్ని బిజినెస్ వార్తల కోసం ఇక్కడ క్లిక్ చేయండి
