Multibagger Stock Tips: ఈ స్టాక్లపై ఓ కన్నేయండి.. స్టాక్ మార్కెట్ నష్టాల్లో ఉన్నా లాభాలు పండిస్తున్నాయి..!
స్టాక్ మార్కెట్లు గురువారం చివరి నాలుగు ట్రేడింగ్ సెషన్ల నుంచి ఊపందుకోవడం కొనసాగించాయి. BSE సెన్సెక్స్ 621 పాయింట్లు పడిపోయింది. యూఎస్ ఫెడరల్ రిజర్వ్ సమావేశ..
Multibagger stocks: స్టాక్ మార్కెట్లు గురువారం చివరి నాలుగు ట్రేడింగ్ సెషన్ల నుంచి ఊపందుకోవడం కొనసాగించాయి. BSE సెన్సెక్స్ 621 పాయింట్లు పడిపోయింది. యూఎస్ ఫెడరల్ రిజర్వ్ సమావేశ వివరాలలో, పాలసీ రేటును ముందుగా పెంచే సూచనలతో గ్లోబల్ మార్కెట్లలో అమ్మకాలు జరిగాయి. ఇది దేశీయ మార్కెట్ను కూడా ప్రభావితం చేసింది.
30 షేర్ల బీఎస్ఈ సెన్సెక్స్ 621.31 పాయింట్లు లేదా 1.03 శాతం క్షీణించి 59,601.84 పాయింట్ల వద్ద ముగిసింది. అలాగే నేషనల్ స్టాక్ ఎక్స్ఛేంజ్ నిఫ్టీ కూడా 179.35 పాయింట్లు లేదా ఒక శాతం నష్టపోయి 17,745.90 వద్ద ముగిసింది. ఆసియాలోని ఇతర మార్కెట్లలో చైనాలోని షాంఘై కాంపోజిట్ ఇండెక్స్, దక్షిణ కొరియాకు చెందిన కోస్పి, జపాన్కు చెందిన నిక్కీ నష్టాల్లో ఉన్నాయి. హాంకాంగ్కు చెందిన హ్యాంగ్సెంగ్ లాభాల్లో ఉంది. మధ్యాహ్న ట్రేడింగ్లో ప్రధాన యూరోపియన్ స్టాక్ మార్కెట్లలో అమ్మకాల ఒత్తిడి నెలకొంది. కాగా, అంతర్జాతీయ చమురు బెంచ్మార్క్ బ్రెంట్ క్రూడ్ బ్యారెల్కు 0.25 శాతం పెరిగి 81 డాలర్లకు చేరుకుంది. డాలర్తో రూపాయి మారకం విలువ నాలుగు పైసలు క్షీణించి 74.42 వద్ద ముగిసింది.
శుక్రవారం ఈ స్టాక్స్పై దృష్టి పెడితే మంచిది.. గుజరాత్ గ్యాస్ : గుజరాత్ గ్యాస్ స్టాక్ చార్ట్లో ప్రస్తుతం గ్రీన్ మార్క్నే చూపిస్తుంది. మునుపటి ట్రేడింగ్ సెషన్లతో పోలిస్తే వాల్యూమ్లలో గణనీయమైన పెరుగుదల కనిపిస్తోంది. మునుపటి ట్రేడింగ్ సెషన్లలో MACD ఇప్పటికే క్రాస్ఓవర్ను అందించగా RSI సానుకూల బ్రేక్అవుట్ ఇచ్చే అవకాశం ఉంది. తదుపరి ట్రేడింగ్ సెషన్ల కోసం ఈ స్టాక్పై నిఘా ఉంచితే బెటర్.
టెలికాం స్టాక్ : స్టాక్ మార్కెట్లకు రెడ్ డే మధ్య BSE టెలికాం ఇండెక్స్ 1.31 శాతం పెరిగింది. బీఎస్ఈ టెలికాం ఇండెక్స్లో టాటా టెలిసర్వీసెస్ (మహారాష్ట్ర), ఎంటీఎన్ఎల్, జీటీఎల్ ఇన్ఫ్రా, ఇండస్ టవర్స్, హెచ్ఎఫ్సీఎల్ షేర్లు టాప్ గెయినర్లుగా కొనసాగుతున్నాయి.
అప్పర్ సర్క్యూట్ స్టాక్స్ – జైన్ ఇరిగేషన్ సిస్టమ్స్, శ్రీ రేణుకా షుగర్స్, సుజ్లాన్ ఎనర్జీ, MTNL, బజాజ్ హిందుస్థాన్ షుగర్ గురువారం ట్రేడింగ్ సెషన్లో అప్పర్ సర్క్యూట్లో ముగిశాయి.
Also Read: Income Tax: ఆదాయపు పన్ను శాఖకు నోటీసులు ఇచ్చిన ఆ రాష్ట్ర ట్యాక్స్ అడ్వకేట్స్ అసోసియేషన్.. ఎందుకంటే..
EPFO UAN: మీకు పీఎఫ్ ఖాతా ఉందా..? ఇంట్లోనే ఉండి బ్యాంకు ఖాతా వివరాలను అప్డేట్ చేసుకోండిలా..!