LIC Loan: ఎల్‌ఐసీ పాలసీదారులకు గుడ్‌న్యూస్‌.. సులభంగా రుణాలు పొందే సదుపాయం.. ఏఏ పాలసీలపై అంటే..!

LIC Loan: ప్రస్తుతం రుణాలు తీసుకోవడం అనేది సులభతరమైంది. వివిధ రకాల బ్యాంకులు, బీమా సంస్థల రుణాలు పొందాలంటే సులభతరమైన పద్దతులను అందుబాటులోకి వచ్చాయి..

పాలసీ సమయంలో పాలసీదారు మరణించినట్లయితే.. కుటుంబ సభ్యులు లేదా నామినీగా ఉన్నవారికి ప్రతి సంవత్సరం కంపెనీ నుండి రెగ్యులర్‌గా ఆదాయాన్ని పొందుతారు.

Subhash Goud |

Updated on: Jun 29, 2021 | 6:40 AM

LIC Loan: ప్రస్తుతం రుణాలు తీసుకోవడం అనేది సులభతరమైంది. వివిధ రకాల బ్యాంకులు, బీమా సంస్థల రుణాలు పొందాలంటే సులభతరమైన పద్దతులను అందుబాటులోకి వచ్చాయి. అయితే మీకు ఎల్‌ఐసీ పాలసీ ఉందా..? అయితే మీరు సులభంగానే రుణం పొందే వెసులుబాటు ఉంది. ఎల్ఐసీ పాలసీదారులు వారి పాలసీపై వ్యక్తిగత రుణం పొందవచ్చు. అంటే పాలసీని తనఖా పెట్టాలి. వ్యక్తిగత రుణంపై బ్యాంకులు వసూలు చేసే వడ్డీ రేటు కన్నా .. ఎల్‌ఐసీ పాలసీపై పొందే రుణాలపై వడ్డీ రేటు తక్కువగా ఉంటుంది. అయితే అన్ని రకాల పాలసీలపై రుణ సౌకర్యం పొందటానికి వీలు ఉండదు. టర్మ్, హెల్త్ ప్లాన్లపై రుణాలు తీసుకునేందుకు అవకాశం ఉండదు. మనీ బ్యాక్, ఎండోమెంట్, యాన్యుటీ వంటి పలు రకాల పాలసీలపై రుణం పొందేందుకు వీలుంటుంది.

మీ పాలసీ విలువలో 90 శాతం మొత్తం వరకే ఎల్‌ఐసీ రుణం అందిస్తుంది. బ్యాంక్ స్టేట్‌మెంట్, శాలరీ స్లిప్, ఆధార్ కార్డు, క్యాన్సల్ చెక్ వంటి డాక్యుమెంట్లు అందించాల్సి ఉంటుంది. పాలసీ డాక్యుమెంటు కచ్చితంగా ఇవ్వాల్సి ఉంటుంది. ఇకపోతే పాలసీపై లోన్ తీసుకోవడానికి కొన్ని నియమ నిబంధనలు ఉన్నాయి. అయితే ఎల్‌ఐసీ పాలసీ ప్రీమియం కచ్చితంగా మూడేళ్లు చెల్లించి ఉండాలి. కనీసం 6 నెలల టెన్యూర్‌తో రుణం పొందాల్సి ఉంటుంది. లోన్ వడ్డీ డబ్బులను ఏడాదికి రెండు సార్లు కట్టేస్తూ రావాలి. మీరు లోన్ డబ్బులు కట్టకపోతే.. ఎల్‌ఐసీ మీ పాలసీ డబ్బుల్లో లోన్ డబ్బులను కట్ చేసుకుంటుంది. అలాగే మీరు రుణం కోసం ఆన్‌లైన్‌లో దరఖాస్తు చేసుకోవచ్చు. లేదంటే ఎల్‌ఐసీ కార్యాలయానికి వెళ్లి పూర్తి వివరాలు తెలుసుకోవచ్చు.