LIC Jeevan Dhara II Plan: ఎల్‌ఐసీ నుంచి మరో అద్భుతమైన పాలసీ.. పూర్తి వివరాలు
కరోనా తర్వాత హెల్‌ పాలసీలతో పాటు, వివిధ రకాల బీమా పాలసీలను ఎంచుకుంటున్నారు. ఇక జీవిత బీమా దిగ్గజం భారతీయ జీవిత బీమా కార్పొరేషన్‌ (ఎల్‌ఐసీ) కూడా వినియోగదారుల కోసం రకరకాల పాలసీలను అందుబాటులోకి తీసుకువస్తోంది. వినియోగదారులకు ఉపయోగకరమైన పాలసీలను ప్రవేశపెడుతోంది. ఇక ఎల్‌ఐసీ తాజాగా మరో పాలసీని తీసుకువచ్చింది. అదే 'జీవన్‌ ధార 2 ప్లాన్'..
Updated on: Jan 20, 2024 | 9:53 AM
ప్రస్తుతం హెల్త్‌ ఇన్సూరెన్స్‌ పాలసీలు తీసుకునేవారి సంఖ్య పెరిగిపోతోంది. గతంలో ఆరోగ్యంపై పెద్దగా పట్టించుకోని జనాలు.. కరోనా తర్వాత తమతమ ఆరోగ్యంపై ప్రత్యేక శ్రద్ద వహిస్తున్నారు. కరోనా తర్వాత హెల్‌ పాలసీలతో పాటు, వివిధ రకాల బీమా పాలసీలను ఎంచుకుంటున్నారు. ఇక జీవిత బీమా దిగ్గజం భారతీయ జీవిత బీమా కార్పొరేషన్‌ (ఎల్‌ఐసీ) కూడా వినియోగదారుల కోసం రకరకాల పాలసీలను అందుబాటులోకి తీసుకువస్తోంది. వినియోగదారులకు ఉపయోగకరమైన పాలసీలను ప్రవేశపెడుతోంది. ఇక ఎల్‌ఐసీ తాజాగా మరో పాలసీని తీసుకువచ్చింది. అదే ‘జీవన్‌ ధార 2 ప్లాన్’.
ఇది వ్యక్తిగత, సేవింగ్స్‌, డిఫర్డ్‌ యాన్యుటీ ప్లాన్. ఈ పాలసీ తీసుకోవాలంటే కనీస వయసు 20 ఏళ్లు. గరిష్ఠ వయసు 80, 70, 65 సంవత్సరాలు. ప్రారంభం నుంచి యాన్యుటీకి అనుమతిస్తారు. అయితే ఈ ప్లాన్ జనవరి 22వ తేదీ నుంచి వినియోగదారులకు అందుబాటులో ఉంటుంది. ఈ ప్లాన్ కింద 11 యాన్యుటీ ఆప్షన్లు అందుబాటులో ఉంటాయి. ఈ మేరకు ఎల్‌ఐసీ చైర్మన్‌ సిద్ధార్థ మొహంతి దీన్ని ఆవిష్కరించారు. డిఫర్మెంట్ సమయంలో జీవిత బీమా కవరేజీ కూడా కల్పిస్తారు.
అధిక వయసుకి అధిక యాన్యుటీ రేట్లు వర్తించేలా ఈ పాలసీ ప్లాన్‌ను రూపొందించారు. రెగ్యులర్‌ ప్రీమియం, సింగిల్‌ ప్రీమియం అందుబాటులో ఉంటాయి. డిఫర్మెంట్ అంటే పాలసీదారుడు ఎంచుకున్న మేరకు భవిష్యత్తులో బీమా పాలసీ ప్రయోజనాలు అందుకునే విధంగా రూపొందించారు. కాలపరిమితి రెగ్యులర్‌ ప్రీమియంలో 5-15 సంవత్సరాలు. కాగా సింగిల్‌ ప్రీమియంలో 1-15 సంవత్సరాలు ఉంటుంది. డిఫర్మెంట్ సమయంలోను, ఆ తర్వాత కూడా రుణ సదుపాయం అందుబాటులో ఉంటుందని మొహంతి తెలిపారు.
నాన్ పార్టిసిపేటింగ్ ప్లాన్ డిఫర్మెంట్ పీరియడ్‌లో లైఫ్ కవరేజీని అందిస్తుంది. అధిక వయస్సులో ఎక్కువ యాన్యుటీ రేటును అందిస్తుంది. ఆ పాలసీ ప్లాన్‌లో లోన్ సదుపాయం అందుబాటులో ఉంటుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
