PIB Fact Check: నిరుద్యోగులకు కేంద్రం రూ. 6 వేల నిరుద్యోగ భృతి ఇస్తోందా.? వైరల్‌ అవుతోన్న ఈ వార్తలో నిజమెంత.
సోషల్ మీడియా అందుబాటులోకి వచ్చిన తర్వాత సమాచారం ఎంత వేగంగా బదిలీ అవుతుందో నకిలీ సమాచారం అంతే వేగంగా బదిలీ ట్రాన్స్‌ఫర్‌ అవుతోంది. ముఖ్యంగా ప్రభుత్వ పథకాల పేరుతో నెటిజన్లను మోసం చేస్తున్న సంఘటనలను రోజుకోకి వెలుగులోకి వస్తున్నాయి. ఈ నేపథ్యంలో...
Updated on: Dec 09, 2022 | 11:13 AM
సోషల్ మీడియా అందుబాటులోకి వచ్చిన తర్వాత సమాచారం ఎంత వేగంగా బదిలీ అవుతుందో నకిలీ సమాచారం అంతే వేగంగా బదిలీ ట్రాన్స్‌ఫర్‌ అవుతోంది. ముఖ్యంగా ప్రభుత్వ పథకాల పేరుతో నెటిజన్లను మోసం చేస్తున్న సంఘటనలను రోజుకోకి వెలుగులోకి వస్తున్నాయి. ఈ నేపథ్యంలో తాజాగా ఇలాంటి ఓ మోసపూరిత న్యూస్‌ వైరల్‌ అవుతోంది. కేంద్ర ప్రభుత్వం నిరుద్యోగ యువతకు నెలకు రూ. 6000 భృతి ఇస్తోందనేది సదరు వార్త సారంశం. ప్రస్తుతం ఈ న్యూస్‌ వాట్సాప్‌లో తెగ వైరల్‌ అవుతోంది.
ప్రధాన మంత్రి బెరోజ్‌గర్‌ భట్‌ యోజన పథకం కింద ఈ భృతి ఇస్తున్నారని అర్హత ఉన్న అభ్యర్థులు లింక్‌ ద్వారా రిజిస్ట్రేషన్‌ చేసుకోవాలని సదరు మెసేజ్‌లో పేర్కొన్నారు. ఇందుకోసం ఓ లింక్‌ను కూడా షేర్‌ చేస్తున్నారు. అయితే సోషల్ మీడియాలో వైరల్‌ అవుతోన్న ఈ వార్తలో ఏమాత్రం నిజం లేదని అధికారులు చెబుతున్నారు. ప్రెస్‌ ఇన్ఫర్మేషన్‌ బ్యూరో ఈ విషయాన్ని ట్విట్టర్‌ ద్వారా అధికారికంగా తెలిపింది. భారత ప్రభుత్వం ఇలాంటి పథకాన్ని అమలు చేయడం లేదని ఈ మెసేజ్‌ను ఫార్వర్డ్‌ చేయవద్దని సూచించింది.
एक वायरल #Whatsapp मैसेज में दावा किया जा रहा है कि प्रधानमंत्री बेरोजगारी भत्ता योजना के तहत सरकार बेरोजगार युवाओं को हर महीने ₹6,000 का भत्ता दे रही है #PIBFactCheck
▶️यह मैसेज फर्जी है
▶️भारत सरकार ऐसी कोई योजना नहीं चला रही
▶️कृपया ऐसे मैसेज फॉरवर्ड ना करें pic.twitter.com/eQVz5nYtLk
— PIB Fact Check (@PIBFactCheck) December 7, 2022
ఇదిలా ఉంటే పీఐబీ ఫ్యాక్ట్ చెక్‌ ద్వారా నకిలీ పథకాల గురించి తెలియజేయడం ఇదే తొలిసారి కాదు. గతంలోనూ ‘ప్రధాన్ మంత్రి నారీ శక్తి యోజన’ కింద కేంద్ర ప్రభుత్వం మహిళలందరికీ 2 లక్షల 20 వేల రూపాయలు ఇవ్వనుందని వైరల్‌ అయిన వార్తను పీఐబీ ఖండించింది. ఈ వార్తలో ఏమాత్రం నిజం లేదని ట్విట్టర్‌ వేదికగా ప్రకటించింది. సోషల్ మీడియాలో వైరల్‌ అయ్యే ప్రతీ వార్తను గుడ్డిగా నమ్మకూడదని, నిజా నిజాలు తెలియకుండా ఇతరులకు ఫార్వర్డ్‌ చేయకూడదని అధికారులు సూచిస్తున్నారు.
మరిన్ని బిజినెస్ వార్తల కోసం క్లిక్ చేయండి..
