Indian Railways: వెయిటింగ్ టికెట్ కన్ఫర్మ్ చేయబడిందో.. లేదో ఇలా తెలుసుకోండి.. పూర్తి వివరాలు మీ కోసం..

మీరు తరచుగా రైలులో ప్రయాణిస్తుంటే.. టికెట్ కన్ఫర్మ్ అవుతుందనే ఆశతో తొందరపడి వెయిటింగ్ టికెట్ తీసుకోవాల్సి వస్తే ఈ వార్తను జాగ్రత్తగా చదవండి. మీరు రైలు ప్రయాణం కోసం వెయిటింగ్ టికెట్ తీసుకున్నట్లయితే.. వెయిటింగ్ టికెట్ కన్ఫర్మ్ అయ్యే అవకాశాలు ఏంటో మీరు సులభంగా తెలుసుకోవచ్చు. దీని గురించి ఐఆర్‌సిటిసి వెబ్‌సైట్ ద్వారా వెయిటింగ్ టికెట్ కన్ఫర్మ్ అయ్యే అవకాశాలు ఎన్ని ఉన్నాయో తెలుస్తుంది. భారతీయ రైల్వేలు భారతదేశానికి వెన్నెముక.. దీని ద్వారా రోజూ లక్షల మంది ప్రయాణిస్తున్నారు. దేశంలో వేల సంఖ్యలో రైళ్లు నడుస్తున్నప్పటికీ.. కన్ఫర్మ్ చేసిన టిక్కెట్లు పొందడంలో చాలాసార్లు సమస్యలు తలెత్తడానికి ఇదే కారణం. ప్రయాణికుల సౌకర్యార్థం రైల్వేశాఖ అనేక ఆన్‌లైన్ సౌకర్యాలను కల్పిస్తోంది.

ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC) వెబ్‌సైట్, యాప్ నుంచి ప్రయాణికులు టిక్కెట్ బుకింగ్ నుంచి రైలు అప్‌డేట్‌ల వరకు సౌకర్యాలను పొందుతారు. రైల్వే సౌకర్యాలు చాలా వరకు ఆన్‌లైన్‌లో ఉండటంతో ప్రయాణికులతో పాటు ఉద్యోగులకు ఎంతో మేలు జరిగింది. అదే సమయంలో, IRCTC వినియోగదారుల కోసం ఆన్‌లైన్ టిక్కెట్ బుకింగ్ పరిమితిని ఒక నెలలో రెట్టింపు చేసింది.

IRCTC IDతో మీ ఆధార్‌ని లింక్ చేయడం ద్వారా మీరు నెలలో 24 టిక్కెట్‌లను బుక్ చేసుకునే ప్రయోజనాన్ని పొందవచ్చు. రైల్వే వెబ్‌సైట్‌ను సందర్శించడం ద్వారా రైలు నడుస్తున్న స్థితిని కూడా తనిఖీ చేయవచ్చు.

వెయిటింగ్ టికెట్ కన్ఫర్మ్ అవుతుందా.. లేదా?

వెయిటింగ్ రైలు టిక్కెట్‌ను బుక్ చేసుకోవడం అంటే వెయిటింగ్ టికెట్ కన్ఫర్మ్ అవుతుందని కాదు. అటువంటి సమయంలో, మీ టిక్కెట్‌ను నిర్ధారించడానికి ఎన్ని అవకాశాలు ఉన్నాయని మీరు సులభంగా తెలుసుకోవచ్చు..? వెయిట్‌లిస్ట్ చేసిన టికెట్ నిర్ధారణ సంభావ్యతను తెలుసుకోవడానికి మీకు కావలసింది PNR నంబర్.

టికెట్ నిర్ధారించబడిందో లేదో ఇలా చెక్ చేసుకోండి..

• ముందుగా IRCTC వెబ్‌సైట్‌కి వెళ్లండి.
• ఇప్పుడు మీ ID, పాస్‌వర్డ్‌ను నమోదు చేయడం ద్వారా లాగిన్ అవ్వండి.
• ఇప్పుడు మీ ముందు ఒక పేజీ తెరుచుకుంటుంది. దానిపై PNR నంబర్‌ను నమోదు చేసి, స్టేటస్ ని పొందడంపై క్లిక్ చేయండి.
• కిందకి జరుపండి.
• నిర్ధారణ అవకాశాలను పొందడానికి ఇక్కడ క్లిక్ చేయండి.
• మీ ముందు కొత్త పాప్-అప్ విండో తెరవబడుతుంది.
• ఇందులో, మీరు మీ టిక్కెట్‌ను ధృవీకరించే అవకాశాన్ని తెలుసుకోవచ్చు.

మరిన్ని బిజినెస్ న్యూస్ కోసం