Credit Card: క్రెడిట్ కార్డ్ పరిమితి ఎలా నిర్ణయిస్తారు?.. బిల్లింగ్‌ విధానం అంటే ఏంటి?

రాజీవ్ తన మొదటి జీతం అందుకుని చాలా సంతోషంగా ఉన్నాడు. అదే సమయంలో తాను నో చెప్పలేని ఆఫర్ ఒకటి బ్యాంక్ నుంచి వచ్చింది. అది జీరో ఫీజులతో కొత్త క్రెడిట్ కార్డ్ ఆఫర్. దీనికి రాజీవ్ నో చెప్పలేకపోయాడు. కొత్త క్రెడిట్ కార్డ్ వచ్చినందుకు చాలా హ్యాపీ అయ్యాడు. అయితే.. ఆ సంతోషం అతనికి ఎంతో కాలం నిలవలేదు. క్రెడిట్ కార్డ్ ఖర్చులను అతను నీయంత్రించుకోలేకపోయాడు. బిల్లు తడిసి మోపెడు అయింది. అది చాలా భారంగా మారింది. క్రెడిట్ కార్డ్ బిల్ మినిమం చార్జెస్ కట్టడానికి కూడా నెల నెలా స్నేహితుల వద్ద నుంచి డబ్బు తీసుకోవాల్సిన పరిస్థితి వచ్చింది. ఇది విన్న ఎవరికైనా రాజీవ్ తన క్రెడిట్ కార్డు ఉపయోగించడం మానేయాలా? అనే డౌట్ వస్తుంది. నిజానికి.. క్రెడిట్ కార్డ్ ఉపయోగించడంలో ఎటువంటి తప్పూ లేదు. కానీ.. అవగాహన లేకుండా ఉపయోగిస్తే రాజీవ్ కి ఎదురైన పరిస్థితే ఎదురావుతుంది.

క్రెడిట్ కార్డ్ అనేది స్వల్పకాలిక క్రెడిట్‌ను అందిస్తుంది. అంటే మీ ఎకౌంట్‌లో డబ్బు ఉన్నా లేకపోయినా మీ కార్డ్‌కు కేటాయించిన క్రెడిట్ పరిమితిని ఉపయోగించి కొనుగోళ్లు చేయడానికి ఇది మిమ్మల్ని అనుమతిస్తుంది. అయితే, ఇది ఒక రకమైన లోన్. మీరు దానిని తిరిగి చెల్లించవలసి ఉంటుందని గుర్తుంచుకోవాలి. అలా చేయడంలో విఫలమైతే మీరు వాడిన మొత్తంపై భారీగా వడ్డీలు.. ఛార్జీలు కట్టుకోవాల్సిన పరిస్థితి ఉంటుంది.

ముందుగా బిల్లింగ్ సైకిల్ గురించి తెలుసుకుందాం.. ప్రతి క్రెడిట్ కార్డ్ బిల్లింగ్ సైకిల్‌ను కలిగి ఉంటుంది. ఈ సైకిల్ పీరియడ్ లోనే కార్డ్ బిల్లు రెడీ అవుతుంది. మీరు కార్డ్‌తో చేసిన అన్ని లావాదేవీలు మీ తదుపరి నెల స్టేట్‌మెంట్‌లో చేర్చడానికి ఉండే టైమ్ ఇది. ఉదాహరణకు మీ కార్డ్ స్టేట్‌మెంట్ ప్రతి నెల 5వ తేదీన జనరేట్ అయితే, మీరు ఫిబ్రవరి 6వ తేదీన కొన్ని లావాదేవీలు చేశారనుకుందాం.. ఆ లావాదేవీలన్నీ మార్చి 5 వ తేదీన జనరేట్ అయ్యే స్టేట్మెంట్ లో కనిపిస్తాయి. బిల్లింగ్ సైకిల్ సాధారణంగా 30 లేదా 31 రోజుల పాటు కొనసాగుతుంది.

ఇవి కూడా చదవండి

Reliance Jio: ఎయిర్‌టెల్‌, వోడాఫోన్‌ ఐడియాలకు షాకిచ్చిన రిలయన్స్‌ జియో

GST Collection: జీఎస్టీ ద్వారా ప్రభుత్వాలకు భారీ ఆదాయం.. జూలై నెలలో ఎంతో తెలుసా..?

Medicines QR Code: మీరు తీసుకునే ఔషధాలు నిజమైనవా? నకిలీవా? తెలుసుకోవడం ఎలా? ఆగస్టు 1 నుంచి కొత్త నిబంధనలు

Multiple Bank Accounts: మీకు ఒకటి కంటే ఎక్కువ బ్యాంకు ఖాతాలు ఉన్నాయా? ఈ విషయాలను తెలుసుకోండి

బిల్లులను చెల్లించడానికి ఇంటరెస్ట్ లెస్ టైమ్ ఉంటుంది కాబట్టి అందరూ క్రెడిట్ కార్డ్‌లను ఇష్టపడతారు. వడ్డీ రహిత కాలం అంటే క్రెడిట్ కార్డ్ కంపెనీ కార్డు ద్వారా చేసే ఖర్చులపై ఎలాంటి వడ్డీని వసూలు చేయదు. ఈ వ్యవధి సాధారణంగా బిల్లు అయిన తేదీ నుంచి 21- 25 రోజుల వరకు ఉంటుంది. ఉదాహరణకు, మీరు ఫిబ్రవరి 6న కార్డ్‌పై కొనుగోలు చేస్తే, ఎలాంటి వడ్డీ లేకుండా బిల్లును చెల్లించడానికి మీకు మార్చి 27 లేదా మార్చి 31 వరకు గడువు ఉంటుంది. ఈ 27 లేదా 31 మార్చి మీ చెల్లింపు గడువు తేదీ అవుతుంది. చెల్లింపు గడువు తేదీకి ముందే మీ క్రెడిట్ కార్డ్ బిల్లు చెల్లింపును చేయడానికి ఎప్పుడూ ప్రయత్నించడం చాలా అవసరం. మీరు ఈ తేదీని మిస్ అయితే, మీరు లేట్ పేమెంట్ ఫీజ్ అలాగే ఇతర ఛార్జీలను చెల్లించవలసి ఉంటుంది. అంతేకాకుండా మీ క్రెడిట్ కార్డ్‌పై సకాలంలో చెల్లింపులు చేయకపోతే నెలకు 3% నుంచి 4% వరకు వడ్డీ రేటును కూడా విధించవచ్చు. ఇది సంవత్సరానికి 36% నుంచి 48%కి సమానం.

ఇప్పుడు మీ బిల్లులో పేర్కొన్న ఇతర నిబంధనలను అర్థం చేసుకుందాం. “మొత్తం బకాయి” అనేది స్టేట్‌మెంట్ జనరేషన్ తేదీ నాటికి మీరు చెల్లించాల్సిన మొత్తాన్ని సూచిస్తుంది. ఇది ఆ తేదీ వరకు ఉన్న అన్ని బాకీలు కలిగి ఉంటుంది. మరోవైపు, “కనీస బకాయి మొత్తం” అనేది మీ క్రెడిట్ కార్డ్ ఎకౌంట్ ను నిర్వహించేందుకు మీ చెల్లింపు గడువు తేదీలో లేదా అంతకు ముందు మీరు చేయగలిగే కనీస చెల్లింపు. ఈ మొత్తం సాధారణంగా మీ మొత్తం బకాయి బ్యాలెన్స్‌లో చిన్న భాగం అయి ఉంటుంది. సాధారణంగా దాదాపు 5%. అయితే, మీరు చెల్లించాల్సిన కనీస మొత్తాన్ని మాత్రమే చెల్లించాలని దీని అర్థం కాదు. మీరు అలా చేస్తే, మీరు ఇప్పటికీ మిగిలిన బ్యాలెన్స్‌పై వడ్డీని చెల్లించాలి. పూర్తి బిల్లును చెల్లించడం వలన మీరు మంచి క్రెడిట్ స్కోర్‌ను నిర్మించడంలో లేదా దానిని నిర్వహించడంలో సహాయం చేస్తుంది. భవిష్యత్తులో లోన్స్ తీసుకోవడం సులభతరం చేస్తుంది. “క్రెడిట్ లిమిట్” అనేది మీ క్రెడిట్ కార్డ్‌ని ఉపయోగించి మీరు ఖర్చు చేయగల గరిష్ట మొత్తం. క్రెడిట్ కార్డ్ కంపెనీ మీ ఆదాయ స్థాయి, క్రెడిట్ స్కోర్, మీ చెల్లింపు చరిత్ర వంటి అంశాల ఆధారంగా మీ క్రెడిట్ పరిమితిని నిర్ణయిస్తుంది.

మీకు ఇచ్చిన క్రెడిట్ పరిమితి నుంచి మీరు ఖర్చు చేసే మొత్తం మొదట తీసి వేస్తారు. ఆపై మునుపటి లావాదేవీల నుంచి వచ్చిన వడ్డీతో పాటుగా మిగిలిన బ్యాలెన్స్ మరింత తగ్గిస్తారు. ఫలితంగా వచ్చే మొత్తాన్ని “అందుబాటులో ఉన్న క్రెడిట్ పరిమితి” అంటారు. ఉదాహరణకు మీ క్రెడిట్ కార్డ్‌కు 1 లక్ష రూపాయల పరిమితి ఉంది. మీరు 25,000 రూపాయలు ఖర్చు చేశారని అనుకుందాం. మిగిలిన బ్యాలెన్స్ 75,000 రూపాయలు, కానీ మునుపటి బిల్లుల నుంచి 4,000 రూపాయల వడ్డీ ఉంటే, అప్పుడు మీ అందుబాటులో ఉన్న క్రెడిట్ పరిమితి 71,000 రూపాయలుగా ఉంటుంది.

“అందుబాటులో ఉన్న నగదు పరిమితి” అనేది మీరు ATMని ఉపయోగించి విత్‌డ్రా చేయగల మొత్తం. చాలా బ్యాంకులు లేదా కార్డ్ కంపెనీలు మొత్తం క్రెడిట్ పరిమితిలో 20% నుంచి 40% వరకు నగదు పరిమితిని అందిస్తాయి. ఉదాహరణకు, మీ కార్డ్ పరిమితి 1 లక్ష రూపాయలు అయితే, మీరు ATM నుంచి 20,000 నుండి 40,000 రూపాయల వరకు నగదు తీసుకోవచ్చు.

ఇప్పుడు, రివార్డ్ సారాంశాన్ని తెలుసుకుందాం.. ఇది క్రెడిట్ కార్డ్‌ని ఉపయోగించి చేసే ప్రతి ఖర్చుతో సంపాదించిన రివార్డ్ పాయింట్‌లను చూపుతుంది. రివార్డ్ సారాంశంలో మీరు చూడవలసిన రెండు ముఖ్యమైన విభాగాలు ఉన్నాయి. మొదటిది “ఓపెనింగ్ బ్యాలెన్స్”, ఇది బిల్లింగ్ సైకిల్ ప్రారంభంలో కనిపిస్తుంది. రెండవది “క్లోజింగ్ బ్యాలెన్స్”, ఇది మీరు నిజంగా ఉపయోగించగల రివార్డ్ బ్యాలెన్స్‌ని సూచిస్తుంది. మీరు షాపింగ్ లేదా ఫ్లైట్ టిక్కెట్ల బుకింగ్‌పై డిస్కౌంట్‌లను పొందడానికి ఈ రివార్డ్ పాయింట్‌లను ఉపయోగించవచ్చు. ప్రతి 30 లేదా 60 రోజులకు కొన్ని పాయింట్‌ల గడువు ముగియవచ్చు. కాబట్టి మీరు రివార్డ్ సారాంశంపై శ్రద్ధ వహించాలి. అందుకే మీరు మీ క్రెడిట్ కార్డ్ బిల్లును అందుకున్న తర్వాత, మీరు చెల్లించాల్సిన చెల్లింపుపై దృష్టి పెట్టడమే కాకుండా దానిని బాగా అర్థం చేసుకుని రివార్డ్‌లను మరింత సమర్థవంతంగా ఉపయోగించుకోవచ్చు.

మరిన్ని బిజినెస్ వార్తల కోసం ఇక్కడ క్లిక్ చేయండి