Withdraw EPF Funds: పీఎఫ్ డబ్బులను ఎన్ని రోజుల తర్వాత డ్రా చేయాలి..! ఎలా డ్రా చేయాలి..!

Epf Balance

ఉద్యోగాలు చేసే వ్యక్తుల కోసం పిఎఫ్ ఖాతా ( Provident Fund) వారి భవిష్యత్ భద్రతకు చాలా సహాయకారిగా ఉంటుంది. మీ డబ్బును అవసరమైతే ఉపసంహరించుకోవచ్చు. కానీ చాలా సార్లు పిఎఫ్ ఖాతా నుండి డబ్బు ఎలా ఉపసంహరించుకోవాలో తెలియదు. ఉద్యోగం చేశారికి పెద్ద ప్రశ్న ఏమిటంటే జాబ్ వదిలి పెట్టిన తర్వాత ఎన్ని రోజులకు ఈ పిఎఫ్ కోసం దరఖాస్తు చేసుకోవాలి. ఇలాంటి చాలా ప్రశ్నలు ఉద్యోగుల్లో ఉంటాయి.

ఎన్ని రోజుల తర్వాత దరఖాస్తు చేసుకోవచ్చు…

EPFO, వినియోగదారులకు చివరి PF కోసం దరఖాస్తు చేయడానికి 60 రోజులు సమయం ఉంటుంది. ఆన్ లైన్ లో పీఎఫ్ అమౌంట్ విత్ డ్రా కోసం ఎలా దరఖాస్తు చేసుకోవాలో ఇప్పుడు తెలుసుకుందాం.

1. ఉద్యోగం వదిలి రెండు నెలల తర్వాత లేదా పదవీ విరమణ చేసిన తరువాత మాత్రమే ఫైనల్ పిఎఫ్ కోసం ఫారం పూర్తి చేయాల్సి ఉంటుంది.
2. చివరి పరిష్కారం కోసం ముందుగా తన మొబైల్ నంబర్‌ను అందించాలి.
3. ఫారమ్‌ను ఆన్‌లైన్‌లో (ఇపిఎఫ్ సభ్యుల పోర్టల్‌లో) ఆఫ్‌లైన్‌లో కూడా నింపవచ్చు.

4. తుది పరిష్కారం కోసం పాన్ తప్పనిసరి.

5. ఆఫ్‌లైన్ సెటిల్మెంట్ ప్రక్రియ కోసం పని చేసిన సంస్థ సంతకం మరియు సంస్థ యొక్క స్టాంప్ తప్పనిసరి.

ఆన్‌లైన్‌లో ఎలా దరఖాస్తు చేయాలి…..

మీరు ఉద్యోగాన్ని విడిచిపెట్టిన తర్వాత మీరు మీ పిఎఫ్ ఖాతాను పరిష్కరించుకోవచ్చు లేదా క్రొత్త సంస్థలో కొత్త ఇపిఎఫ్ ఖాతాకు బదిలీ చేసుకోవచ్చు. మీరు తుది పరిష్కారం చేయాలనుకుంటే మీరు ఫారం 19 ని ఆన్‌లైన్ మరియు ఆఫ్‌లైన్‌లో నింపవచ్చు. ఆన్‌లైన్ ఫారమ్‌ను పూరించడానికి మీరు క్రింద ఇచ్చిన దశలను అనుసరించాలి.

1. EPF సభ్యుల పోర్టల్‌లో మీ UAN ఖాతాకు లాగిన్ అవ్వండి.
2. ఆన్‌లైన్ సేవల విభాగంలో దావా (ఫారం 31, 19 & 10 సి) పై క్లిక్ చేయండి.
3. మీ లింక్డ్ బ్యాంక్ ఖాతా యొక్క చివరి 4 అంకెలను నమోదు చేసి… ధృవీకరించినట్లుగా(accepted) పై క్లిక్ చేయండి.
4. అండర్టేకింగ్ సర్టిఫికేట్(undertaking certificate)పై సంతకం చేయడానికి అవును క్లిక్ చేయండి.
5. డ్రాప్-డౌన్ మెను నుంచి పిఎఫ్ ఉపసంహరణ (ఫారం -19) మాత్రమే ఎంపికను ఎంచుకోండి.
6. ఇక్కడ మీ పూర్తి చిరునామాను ఇవ్వాలి. నిరాకరణను టిక్ చేసి, GET AADHAAR OTP పై క్లిక్ చేయండి.

7. UIDAI (ఆధార్) తో నమోదు చేయబడిన నంబర్‌కు OTP పంపబడుతుంది.
8. అందించిన స్థలంలో ఈ OTP ని నమోదు చేసి.. మీ దరఖాస్తును సమర్పించండి.
9. మీ దరఖాస్తును విజయవంతంగా సమర్పించిన తర్వాత మీకు OTP సంఖ్య వస్తుంది.
10. ఉపసంహరణ మొత్తం 15-20 రోజులలోపు మీ UANతో అనుసంధానించబడిన బ్యాంక్ ఖాతాకు జమ అవుతుంది.

ఇవి కూడా చదవండి : కేంద్రం హెచ్చరిక: అలాంటి ఫోన్‌ కాల్స్‌, మెసేజ్‌లు వస్తే జాగ్రత్త.. లేదంటే మోసపోవాల్సిందే..!

ప్ర‌కాశం జిల్లాలో బ‌య‌ట‌ప‌డ్డ పురాత‌న‌ వెండి నాణేలు.. ఎగ‌బ‌డ్డ స్థానికులు.. వ‌చ్చిప‌డ్డ పోలీసులు