Electric Scooter: ఈ ఎలక్ట్రిక్ స్కూటర్ ధర రూ.32000 వరకు తగ్గింపు.. ఒక్కసారి ఛార్జ్ చేస్తే 165 కి.మీ

హీరో మోటోకార్ప్ తన ఎలక్ట్రిక్ స్కూటర్ విడా V2 ధరను భారీగా తగ్గించింది. దీంతో టీవీఎస్ ఐక్యూబ్, బజాజ్ చేతక్ వంటి ద్విచక్ర వాహనాల కంటే ఇది చౌకగా మారింది. ఇది భారత ఎలక్ట్రిక్ ద్విచక్ర వాహన మార్కెట్లో కొత్త పోటీని తెచ్చిపెట్టింది. విడా V2 లైట్, ప్లస్, ప్రో అనే మూడు వేరియంట్లలో ప్రవేశపెట్టింది కంపెనీ. ఈ మూడింటి ధరలు తగ్గించింది. Vida V2 Lite ధర రూ.22,000 తగ్గింది. దీనితో పాటు, Vida V2 Plus ధర రూ.32,000 తగ్గింది. అదే సమయంలో Vida V2 Pro ధరను రూ.14,700 తగ్గించింది కంపెనీ.

ఫీచర్స్‌, పనితీరు

Vida V2 Lite 2.2 kWh బ్యాటరీని కలిగి ఉంది. అదే సమయంలో దీని పరిధి 94 కి.మీ. (IDC). దీని గరిష్ట వేగం గంటకు 69 కి.మీ. దీనికి 7-అంగుళాల TFT డిస్‌ప్లే, LED ప్రొజెక్టర్ హెడ్‌ల్యాంప్, రీజెనరేటివ్ బ్రేకింగ్, కీలెస్ ఎంట్రీ, రెండు రైడింగ్ మోడ్‌లు (ఎకో, రైడ్) ఉన్నాయి.

విడా V2 ప్లస్ 3.44 kWh బ్యాటరీని కలిగి ఉంది. అదే సమయంలో దీని పరిధి 143 కి.మీ. (IDC). ఇది గంటకు 85 కి.మీ. అదనపు ఫీచర్స్‌లో టర్న్-బై-టర్న్ నావిగేషన్, క్రూయిజ్ కంట్రోల్, వెహికల్ టెలిమాటిక్స్ ఉన్నాయి. విడా V2 ప్రో 3.94 kWh బ్యాటరీతో వస్తుంది. దీని పరిధి 165 కి.మీ. (IDC). అదే సమయంలో దీని గరిష్ట వేగం గంటకు 90 కి.మీ.

Vida V2 కొత్త ధర TVS iQube, Bajaj Chetak వంటి స్కూటర్ల కంటే చౌకగా ఉంటుంది. వీటి ధర 1.20 లక్షల నుండి 1.35 లక్షల మధ్య ఉంటుంది. ఇది Vida V2 ను భారతీయ మార్కెట్లో ఆకర్షణీయమైన ఎంపికగా మార్చింది.

వారంటీ:

Vida V2 5 సంవత్సరాలు లేదా 50,000 కి.మీ. వాహన వారంటీ, 3 సంవత్సరాలు లేదా 30,000 కి.మీ. బ్యాటరీ వారంటీతో వస్తుంది. ఇది వినియోగదారులకు దీర్ఘకాలిక హామీని ఇస్తుంది. Vida V2 పై ఈ ధర తగ్గింపు భారతీయ ఎలక్ట్రిక్ స్కూటర్ మార్కెట్లో ఒక పెద్ద మార్పు. ఇప్పుడు ఈ స్కూటర్ సరసమైనది మాత్రమే కాదు, దాని ఫీచర్స్‌, పనితీరుతో దాని పోటీదారులతో పోటీపడుతుంది.

ఇది కూడా చదవండి: Gold Price: వామ్మో.. పుత్తడి రికార్డ్‌ బ్రేక్‌.. లక్ష రూపాయలకు చేరిన బంగారం ధర

మరిన్ని బిజినెస్ వార్తల కోసం ఇక్కడ క్లిక్ చేయండి