FD Interest Rates: ఎఫ్‌డీ ఖాతాదారులకు ఆ బ్యాంకు శుభవార్త.. రెండేళ్ల ఎఫ్‌డీ పథకంపై అదిరే వడ్డీ ఆఫర్‌

భారతదేశంలో పొదుపు చేసే వాళ్లు ఎక్కువగా ఫిక్స్‌డ్ డిపాజిట్ పథకాల్లో పెట్టుబడి పెడుతూ ఉంటారు. ఫిక్స్‌డ్ డిపాజిట్ ఇన్వెస్ట్‌మెంట్‌లు సురక్షితమైనవి, హామీతో కూడిన రాబడిని ఇస్తాయని నమ్మకం. అయితే తాజాగా ఎఫ్‌డీల్లో పెట్టుబడి పెట్టేవారికి శుభవార్త చెబుతూ సెంట్రల్ బ్యాంక్ ఆఫ్ ఇండియా రూ. 2 కోట్ల కంటే తక్కువ ఫిక్స్‌డ్ డిపాజిట్లపై వడ్డీ రేట్లను సవరించింది. ఈ వడ్డీ రేటు సవరణను అనుసరించి 7 రోజుల నుంచి 10 సంవత్సరాల వరకు ఉండే నిబంధనలతో ఎఫ్‌డీలపై బ్యాంక్ తన రెగ్యులర్ క్లయింట్‌లకు 3.5 శాతం నుంచి 7 శాతం వడ్డీని అందిస్తుంది. అదనంగా, బ్యాంక్ సీనియర్ సిటిజన్ ఖాతాదారులకు అదే సమయ వ్యవధిలో 4 శాతం నుంచి 7.50 శాతం వరకు వడ్డీ రేట్లను చెల్లిస్తుంది. కాబట్టి ప్రస్తుతం వడ్డీ రేట్లు విషయంలో సెంట్రల్‌ తీసుకున్న చర్యల గురించి ఓ సారి తెలుసుకుందాం.

సెంట్రల్ బ్యాంక్ ఆఫ్ ఇండియా తన రెగ్యులర్ కస్టమర్లకు ఎఫ్‌డీలను గరిష్టంగా 7 శాతం వడ్డీ రేటుతో రెండు సంవత్సరాల నుండి మూడు సంవత్సరాల కంటే తక్కువ కాల వ్యవధితో అందిస్తుంది. అయితే దాని సీనియర్ కస్టమర్‌లు అదే గరిష్ట వడ్డీ రేటు 7 శాతాన్ని పొందుతారు. అధిక కొత్త వడ్డీ రేట్లు జనవరి 10 నుంచి అమల్లోకి వస్తాయని బ్యాంక్ అధికారిక వెబ్‌సైట్‌లో పేర్కొంది. వడ్డీ రేట్లలో ఈ మార్పు తర్వాత బ్యాంక్ తన సాధారణ కస్టమర్లకు 7 రోజుల నుంచి 14 రోజుల ఎఫ్‌డీలపై 3.5 శాతం, 15 రోజుల నుంచి 45 రోజుల ఎఫ్‌డీలపై 3.75 శాతం, 46 రోజుల ఎఫ్‌డీలపై 4.50 శాతం ఆఫర్ చేస్తోంది. 59 రోజులు. 60 రోజుల నుండి 90 రోజుల ఎఫ్‌డీపై 4.75 శాతం వడ్డీ ఇస్తారు. 

సెంట్రల్‌ బ్యాంక్‌ 91 రోజుల నుంచి 179 రోజుల వరకు ఎఫ్‌డీపై 5.50 శాతం వడ్డీని, 180 నుంచి 270 రోజుల వరకు ఎఫ్‌డీపై 6 శాతం వడ్డీని ఇస్తుంది. అలాగే 271-364 రోజుల్లో మెచ్యూరయ్యే డిపాజిట్లపై 6.25 శాతం రాబడికి హామీ ఇస్తోంది. సెంట్రల్ బ్యాంక్ ఆఫ్ ఇండియా ఇప్పుడు ఒక సంవత్సరం నుంచి రెండేళ్ల లోపు కాలపరిమితి కలిగిన డిపాజిట్లపై అత్యధిక వడ్డీ రేటును  ఆఫర్‌ చేస్తుంది. బ్యాంక్ ప్రస్తుతం ఆఫర్ చేస్తున్న వడ్డీ రేట్లు 2-3 సంవత్సరాల మధ్య ఉన్న డిపాజిట్లపై 7 శాతం, 3 నుండి 5 సంవత్సరాల కంటే తక్కువ డిపాజిట్లపై 6.50 శాతంగా ఉన్నాయి. అలాగే ఐదు నుంచి పదేళ్లలో మెచ్యూర్ అయ్యే డిపాజిట్లపై వడ్డీ రేటు ఇప్పుడు 6.25 శాతంగా ఉంటుంది.

ఇవి కూడా చదవండి

ఓలా ఈవీ స్కూటర్స్‌లో నయా అప్‌డేట్‌.. ఇకపై ఆ సమస్యలు ఫసక్‌..!

లీప్‌ ఇయర్‌లో ఎఫ్‌డీ లెక్కలు మారతాయని తెలుసా..?

ఇంట్లో ఉండే వ్యాపారం చేద్దామనుకుంటున్నారా? బెస్ట్ ఆప్షన్‌ ఇదే..

మార్కెట్‌లో తక్కువ ధరకే సూపర్‌ కార్స్‌..!

మరిన్ని బిజినెస్ వార్తల కోసం క్లిక్ చేయండి..