Gold Vs FD: బంగారం vs బ్యాంక్ ఎఫ్‌డి: మీ డబ్బును డబుల్ చేసే సత్తా దేనికి ఉంది?

బంగారాన్ని ప్రపంచవ్యాప్తంగా సురక్షిత స్వర్గధామంగా పరిగణిస్తారు. దేశాల మధ్య యుద్ధాలు వచ్చినా, కరెన్సీ విలువ పడిపోయినా బంగారం విలువ మాత్రం రాకెట్‌లా దూసుకుపోతుంది. మరోవైపు, బ్యాంకు ఎఫ్‌డిలు మీకు ఒక స్థిరమైన రాబడికి గ్యారెంటీ ఇస్తాయి. కానీ, బ్యాంకు దివాలా తీస్తే మీ డిపాజిట్‌పై ప్రభుత్వం ఇచ్చే ఇన్సూరెన్స్ పరిమితి కేవలం 5 లక్షల రూపాయలే అన్న చేదు నిజాన్ని కూడా మర్చిపోకూడదు. ఈ రెండింటి మధ్య ఉన్న లాభనష్టాలు వ్యత్యాసాలను ఇప్పుడు వివరంగా విశ్లేషిద్దాం.

బంగారం – సురక్షితమైన ఆస్తి:

ధరల పెరుగుదల: ద్రవ్యోల్బణం పెరిగే కొద్దీ బంగారం ధర కూడా పెరుగుతుంది. అంటే మీ డబ్బు విలువ తగ్గకుండా ఇది కాపాడుతుంది.

లిక్విడిటీ: అత్యవసర సమయంలో బంగారాన్ని ఎక్కడైనా, ఎప్పుడైనా అమ్మి తక్షణమే నగదు పొందవచ్చు లేదా తాకట్టు పెట్టి రుణం తీసుకోవచ్చు.

దీర్ఘకాలిక లాభం: స్వల్పకాలంలో ధరలు హెచ్చుతగ్గులకు లోనైనా, దీర్ఘకాలంలో బంగారం ఎప్పుడూ నష్టాన్ని మిగల్చలేదు.

బ్యాంక్ ఎఫ్‌డి – స్థిరమైన రాబడి:

స్థిరత్వం: మీరు ఎఫ్‌డి చేసిన రోజే మెచ్యూరిటీ తర్వాత మీకు ఎంత వడ్డీ వస్తుంది, ఎంత మొత్తం అందుతుందనే దానిపై పూర్తి స్పష్టత ఉంటుంది.

భద్రత: భారత ప్రభుత్వం డీఐసీజీసీ (DICGC) కింద రూ. 5 లక్షల వరకు బీమా అందిస్తుంది. మీ డిపాజిట్ ఎంత ఉన్నా, బ్యాంకు సమస్యల్లో పడితే గరిష్టంగా 5 లక్షలు మాత్రమే సురక్షితంగా అందుతాయి. మార్కెట్ ఒడిదుడుకులతో సంబంధం లేకుండా మీ వడ్డీ మీకు జమ అవుతూ ఉంటుంది.

ఏది ఎంచుకోవాలి?

మీకు నెలవారీ స్థిర ఆదాయం కావాలి, ఎటువంటి రిస్క్ వద్దు అనుకుంటే బ్యాంక్ ఎఫ్‌డి సరైనది. అలా కాకుండా, దీర్ఘకాలికంగా ఆస్తి విలువ పెరగాలి, ద్రవ్యోల్బణాన్ని అధిగమించాలి అనుకుంటే బంగారం మేలైనది. ఆర్థిక నిపుణుల సలహా ప్రకారం.. మీ పెట్టుబడిని ఏదో ఒక దానికే పరిమితం చేయకుండా, కొంత ఎఫ్‌డిలో మరియు కొంత బంగారంలో ఉంచడం అత్యంత తెలివైన పని.

గమనిక: ఇది కేవలం సమాచారం మాత్రమే. సంస్థ దీనికి బాధ్యత వహించదు. పెట్టుబడి పెట్టే ముందు మార్కెట్ నిబంధనలు, వడ్డీ రేట్లను సరిచూసుకోవడం శ్రేయస్కరం.