PAN Aadhaar link: మీ పాన్ కార్డ్ ఆధార్‌తో లింక్ అయ్యిందో లేదో అనుమానంగా ఉందా.? ఇలా చెక్‌ చేసుకోండి..
పాన్ కార్డును ఆధార్ కార్డుతో లింక్ చేసుకోవడం తప్పనిసరి చేస్తూ కేంద్ర ప్రభుత్వం నిర్ణయం తీసుకున్న విషయం తెలిసిందే. పాన్, ఆధార్ లింక్ చేయకపోతే పాన్ కార్డ్ చెల్లదని ఇప్పటికే స్పష్టం చేసింది...
Updated on: Mar 19, 2023 | 11:40 AM
పాన్ కార్డును ఆధార్ కార్డుతో లింక్ చేసుకోవడం తప్పనిసరి చేస్తూ కేంద్ర ప్రభుత్వం నిర్ణయం తీసుకున్న విషయం తెలిసిందే. పాన్, ఆధార్ లింక్ చేయకపోతే పాన్ కార్డ్ చెల్లదని ఇప్పటికే స్పష్టం చేసింది. మార్చి 31వ తేదీలోపు పాన్-ఆధార్ లింక్ చేయకపోతే ఏప్రిల్ 1వ తేదీ నుంచి పాన్ కార్డ్ చెల్లనిదిగా మారిపోతుందని ప్రభుత్వం ప్రకటించింది. అయితే ఇప్పటికీ కొందరు అవగాహనా లేకో మరే కారణంతోనే పాన్‌ను ఆధార్‌తో లింక్ చేయలేరు. అలాగే కొందరు గతంలో ఎప్పడో లింక్ చేసినా చేశామో లేదో అన్న అనుమానంలో ఉన్నారు.
అయితే సింపుల్‌ స్టెప్స్‌ ద్వారా మీ పాన్-ఆధార్ లింక్ అయ్యిందో లేదో ఇలా తెలుసుకోవచ్చు. ఇందు కోసం ముందుగా ఇన్ కమ్ ట్యాక్స్ అధికారిక వెబ్‌సైట్‌లోకి వెళ్లాలి. అనంతరం క్విక్ లింక్స్‌లో Link Aadhaar Status పైన క్లిక్ చేయాలి. తర్వాత ఓపెన్‌ అయిన పేజీలో మీ పాన్ నెంబర్, ఆధార్ నెంబర్ ఎంటర్ చేయాలి. సబ్మిట్ పైన క్లిక్ చేస్తే మీ పాన్ నెంబర్‌కు ఆధార్ నెంబర్ లింక్ అయిందో లేదో తెలుస్తుంది.
ఒకవేళ మీ పాన్ నెంబర్‌కు ఆధార్ నెంబర్ లింక్ కాకపోతే 2023 మార్చి 31 లోగా ఈ ప్రాసెస్ పూర్తి చేయాలి. ఆదాయపు పన్ను చట్టం 1961 ప్రకారం పాన్ కార్డ్ ఉన్నవారంతా, మినహాయింపు వర్గం కిందకు రాని వారు, తమ పాన్ నెంబర్‌ను ఆధార్‌తో లింక్ చేయాలి. ఇప్పుడు పాన్ నెంబర్, ఆధార్ నెంబర్ లింక్ చేయాలంటే జరిమానా చెల్లించాల్సి ఉంటుంది. 2023 మార్చి 31 లోగా పాన్, ఆధార్ లింక్ చేయాలంటే రూ.1,000 జరిమానా చెల్లించాల్సి ఉంటుంది.
మరిన్ని బిజినెస్ వార్తల కోసం క్లిక్ చేయండి..
