ATM నుంచి డబ్బులు విత్‌డ్రా చేస్తున్నారా..? ఈ విషయాలు తప్పకుండా గుర్తించుకోండి.. లేకపోతే మీ బ్యాంకు అకౌంట్‌ ఖాళీయే..
నేటి కాలంలో చాలా మంది తమ బ్యాంకు ఖాతా నుండి డబ్బు విత్‌డ్రా చేసుకోవడానికి ATMని ఉపయోగిస్తున్నారు. ఏటీఎం ద్వారా ప్రజలు వారి అవసరాలకు అనుగుణంగా కొన్ని..
Updated on: Mar 11, 2023 | 11:08 AM
నేటి కాలంలో చాలా మంది తమ బ్యాంకు ఖాతా నుండి డబ్బు విత్‌డ్రా చేసుకోవడానికి ATMని ఉపయోగిస్తున్నారు. ఏటీఎం ద్వారా ప్రజలు వారి అవసరాలకు అనుగుణంగా కొన్ని సెకన్లలో సులభంగా డబ్బు పొందుతారు. అయితే ఏటీఎంను ఉపయోగించేటప్పుడు కూడా జాగ్రత్త అవసరం. ఎందుకంటే, ఈ రోజుల్లో నేరస్థులు కూడా ఏటీఎంలకు సంబంధించిన మోసాలను అమలు చేస్తున్నారు. నేరస్థులు దీని కోసం స్కిమ్మింగ్‌ను కూడా ఉపయోగిస్తారు. స్కిమ్మింగ్ అంటే ఏమిటి ? దానిని ఎలా నివారించవచ్చో తెలుసుకుందాం.
స్కిమ్మింగ్ అంటే ఏమిటి?
స్కిమ్మింగ్‌లో ఏటీఎం కార్డ్‌లో ఉన్న మాగ్నెటిక్ స్ట్రిప్ ద్వారా సమాచారం దొంగిలించబడుతుంది. నేరస్థులు క్రెడిట్ లేదా డెబిట్ లేదా ఏటీఎం కార్డ్‌ల నుంచి కార్డు వెనుక భాగంలో ఇచ్చిన మాగ్నెటిక్ స్ట్రిప్‌ను చదవడం ద్వారా సమాచారాన్ని పొందుతారు. దీన్ని చేయడానికి వారు ఏటీఎం లేదా వ్యాపారి చెల్లింపు టెర్మినల్‌కు చిన్న పరికరాన్ని అటాచ్ చేస్తారు. ఈ పరికరం కార్డు వివరాలను స్కాన్ చేసి నిల్వ చేస్తుంది. ఇది కాకుండా పిన్‌ను క్యాప్చర్ చేయడానికి చిన్న కెమెరా కూడా ఉపయోగించబడుతుంది. ఏటీఏంలు, రెస్టారెంట్లు, దుకాణాలు లేదా ఇతర ప్రదేశాలలో కూడా స్కిమ్మింగ్ జరుగుతుంది.
ఈ విషయాలను గుర్తుంచుకోండి:
- ఏటీఎం దగ్గర నిలబడి మీ పిన్‌ని కాపాడుకోండి. పిన్ నంబర్‌ నమోదు చేస్తున్నప్పుడు మీ మరో చేత్తో కీప్యాడ్‌ను కవర్ చేయండి.
- మీరు అసాధారణమైన, అనుమానాస్పదమైన వాటిని చూస్తే, ఏటీఎంలో ఏదైనా తప్పుగా కనిపించినా లేదా కీప్యాడ్ సరిగ్గా జోడించబడకపోయినా, లావాదేవీని ఆపివేసి, బ్యాంకుకు తెలియజేయండి.
- కార్డ్ స్లాట్ లేదా కీప్యాడ్‌లో ఏదైనా చిక్కుకుపోయిందని మీరు అనుమానించినట్లయితే దాన్ని ఉపయోగించవద్దు. లావాదేవీని రద్దు చేసి వదిలివేయండి.
- అనుమానాస్పదంగా ఏదైనా తొలగించడానికి ఎప్పుడూ ప్రయత్నించవద్దు.
- ఏటీఎంలో తెలియని వ్యక్తి మీకు ఫోన్ చేసి సహాయం కోరితే, అప్రమత్తంగా ఉండండి. వ్యక్తి మీ బ్యాంక్ నుంచి వచ్చినట్లు లేదా పోలీసుల నుంచి క్లెయిమ్ చేసుకున్నా.. మీ దృష్టిని మరల్చడానికి ఎవరినీ అనుమతించవద్దు.
- మీ పిన్‌ను ఎవరితోనూ పంచుకోవద్దు.
మరిన్ని బిజినెస్ వార్తల కోసం ఇక్కడ క్లిక్ చేయండి
