EPFO: కొత్తగా ఉద్యోగం వచ్చిన వారికి అలెర్ట్‌… మీ యూఏఎన్‌తో మొబైల్ లింక్ చేయాల్సిందే..!
ఈపీఎఫ్‌ సంబంధిత లావాదేవీలకు యూఏఎన్‌ నంబర్ తప్పనిసరి. అలాగే ఒక ఉద్యోగి జారీ చేసిన బహుళ సభ్యుల ఐడీలు ఒక యూఏఎన్‌ కింద పనిచేస్తాయి. కొత్త ఉద్యోగానికి మారడంతో ఈఎఫ్‌పీ సబ్‌స్క్రైబర్‌ల సభ్యుల ఐడీలు మారతాయి కానీ యూఏఎన్‌ నంబర్ అలాగే ఉంటుంది. కాబట్టి జీవితాంతం ఉండే ఈ నెంబర్‌కు మొబైల్‌తో లింకింగ్‌ ఉండడం తప్పనిసరి.
Srinu | Edited By: Ram Naramaneni
Updated on: Sep 30, 2023 | 10:26 PM
యూనివర్సల్ అకౌంట్ నంబర్ (యూఏఎన్‌) అనేది ఉద్యోగుల భవిష్య నిధి పథకం కింద నమోదు చేసుకున్న ప్రతి సభ్యునికి ఉద్యోగుల ప్రావిడెంట్ ఫండ్ ఆర్గనైజేషన్ (ఈపీఎఫ్‌ఓ) జారీ చేసిన 12 అంకెల సంఖ్య. అన్ని ఈపీఎఫ్‌ సంబంధిత లావాదేవీలకు యూఏఎన్‌ నంబర్ తప్పనిసరి. అలాగే ఒక ఉద్యోగి జారీ చేసిన బహుళ సభ్యుల ఐడీలు ఒక యూఏఎన్‌ కింద పనిచేస్తాయి. కొత్త ఉద్యోగానికి మారడంతో ఈఎఫ్‌పీ సబ్‌స్క్రైబర్‌ల సభ్యుల ఐడీలు మారతాయి కానీ యూఏఎన్‌ నంబర్ అలాగే ఉంటుంది. కాబట్టి జీవితాంతం ఉండే ఈ నెంబర్‌కు మొబైల్‌తో లింకింగ్‌ ఉండడం తప్పనిసరి. యూఏఎన్‌ మొబైల్ లింకింగ్‌ ఎందుకు తప్పనిసరో?ఓసారి తెలుసుకుందాం.
ఈపీఎఫ్‌ఓ మార్గదర్శకాల ప్రకారం మీ మొబైల్ నంబర్‌తో యూఏఎన్‌తో లింక్ చేయడం తప్పనిసరి. ఈపీఎఫ్‌ సభ్యులు వారి రిజిస్టర్డ్ మొబైల్ నంబర్ ద్వారా వారి ప్రావిడెంట్ ఫండ్ ఖాతా గురించిన అన్ని అప్‌డేట్‌లను పొందుతారు. మీరు ఉద్యోగుల ప్రావిడెంట్ ఫండ్‌లో కొత్త సభ్యులైతే మీరు మీ మొబైల్ నంబర్‌ను వీలైనంత త్వరగా లింక్ చేయాలి. అలాగే ఒకవేళ మీ మొబైల్ నంబర్ మారితే వెంటనే మీ ఈపీఎఫ్‌ఓ ప్రొఫైల్‌లో దానిని అప్‌డేట్ చేయాలి. ఈపీఎఫ్‌ సబ్‌స్క్రైబర్‌లు వారి మొబైల్ నంబర్‌లలో వారి యజమాని సహకారం, నెలవారీ ఈపీఎఫ్‌ బ్యాలెన్స్ గురించి ఎస్‌ఎంఎస్‌ అప్‌డేట్‌లను కూడా పొందుతారు. మీరు మీ మొబైల్ ఫోన్‌లో ఈపీఎఫ్‌ఓ పోర్టల్‌కి లాగిన్ చేయడానికి ఓటీపీను కూడా అందుకుంటారు. ఈపీఎఫ్‌ చందాదారులు ఈపీఎఫ్‌ఓ వెబ్‌సైట్‌లో వారి ఆధార్ కార్డ్‌కి లింక్ చేయబడిన మొబైల్ నంబర్‌ను మాత్రమే నమోదు చేసుకోవాలనే విషయాన్ని మాత్రం మర్చిపోకూడదు.
మొబైల్ లింకింగ్‌ ఇలా
- ముందుగా అధికారిక ఈపీఎఫ్‌ఓ వెబ్‌సైట్‌కి వెళ్లండి
- హోమ్‌పేజీలో, ‘ఉద్యోగుల కోసం’ ఎంపికపై క్లిక్ చేయాలి.
- అనంతరం లాగిన్ పేజీని తెరవడానికి సభ్యుడు యూఏఎన్‌/ఆన్‌లైన్ సేవలు ఎంచుకోవాలి.
- లాగిన్ చేయడానికి మీ యూఏఎన్‌ నంబర్, పాస్‌వర్డ్, ఓటీపీను నమోదు చేయాలి.
- తర్వాత మేనేజ్ కింద ‘సంప్రదింపు వివరాలు’ ఎంపికపై క్లిక్ చేయాలి.
- వెరిఫై ఆప్షన్, చేంజ్ మొబైల్ నంబర్‌పై క్లిక్ చేయాలి.
- మీ ఆధార్ లింక్ అయిన మొబైల్ నంబర్‌ను నమోదు చేసి, ‘ఓటీపీను పొందండి’పై క్లిక్ చేసి, అభ్యర్థనను సమర్పిస్తే చాలు. మీ మొబైల్ నెంబర్‌ మీ యూఏఎన్‌కు లింక్ అవుతుంది.
మరిన్ని బిజినెస్ వార్తల కోసం ఇక్కడ క్లక్ చేయండి
