Debt Mutual Funds : డెట్ ఫండ్స్ లో పెట్టుబడి పెట్టే వారికి ఏప్రిల్ 1 నుంచి షాక్.. అసలు విషయం ఏంటంటే..

కేంద్ర ప్రభుత్వం తీసుకున్న నిర్ణయంతో డెట్ మ్యూచువల్ ఫండ్స్ పెట్టుబడిదారులకు పెద్ద దెబ్బ తగిలింది. ఏప్రిల్ 1 నుంచి డెట్ ఫండ్స్ లాంగ్ టర్మ్ క్యాపిటల్ గెయిన్ (LTCG)పై పన్ను మినహాయింపు తీసివేస్తున్నారనే వార్తలతో, డెట్ మ్యూచువల్ ఫండ్స్ లలో పెట్టుబడి పెట్టే వారి సంఖ్య భారీగా పడిపోతుందని మ్యూచువల్ ఫండ్స్ హౌస్ లు ఆందోళన చెందుతున్నాయి.

ఇది ఒక రకంగా డెట్ మ్యూచువల్ ఫండ్స్ లో ఇన్వెస్ట్ చేసే వారికి షాక్ అనే చెప్పాలి. బడ్జెట్ ప్రసంగంలోనే డెట్ మ్యూచువల్ ఫండ్లలో పన్నుల నిబంధనలను కేంద్ర ప్రభుత్వం మార్చింది. లోక్‌సభలో ఆమోదించిన ఆర్థిక బిల్లుకు ఆర్థిక మంత్రి నిర్మలా సీతారామన్ సవరణలు తీసుకొస్తూ ఈ నిర్ణయం తీసుకున్నారు. ఈ సవరణ ప్రకారం, డెట్ మ్యూచువల్ ఫండ్లలో లాంగ్ టర్మ్ క్యాపిటల్ గెయిన్ పన్ను ప్రయోజనం అందుబాటులో ఉండదని ప్రకటించింది. దీని ప్రకారం ఏప్రిల్ 1, 2023 నుండి అమల్లోకి రానుంది. దీంతో డెట్ మ్యూచువల్ ఫండ్లలో పెట్టుబడి పెట్టడం పట్ల ఇన్వెస్టర్లు అంతగా ఆసక్తి చూపరనే వాదన మొదలైంది. ఏప్రిల్ 1, 2023 నుండి, డెట్ మ్యూచువల్ ఫండ్స్‌లో పెట్టుబడి ఇప్పుడు పెట్టుబడిదారుడికి వర్తించే ఆదాయపు పన్ను రేట్ల ప్రకారం పెట్టుబడి లాభాలపై పన్ను చెల్లించాలి.

ప్రభుత్వం తీసుకున్న ఈ నిర్ణయం తర్వాత డెట్ మ్యూచువల్ ఫండ్స్, బ్యాంక్ ఫిక్స్‌డ్ డిపాజిట్లపై ఏకరూప పన్ను నిబంధన అమల్లోకి వచ్చింది. ప్రస్తుతం, డెట్ మ్యూచువల్ ఫండ్ పథకాలు సెబీ నిబంధనల ప్రకారం తమ కార్పస్‌లో 65 శాతాన్ని డెట్ సెక్యూరిటీలలో ఇన్వెస్ట్ చేయాల్సి ఉంటుంది.

ఇవి కూడా చదవండి

Gold Price Today: వరుసగా రెండోరోజు షాకిచ్చిన గోల్డ్.. ధరలు ఎలా ఉన్నాయంటే?

Bank Holidays April 2023: వచ్చే నెలలో 15 రోజులపాటు బ్యాంకులు బంద్‌.. పూర్తి వివరాలివే..

RBI Orders: మార్చి 31వ తేదీ వరకు అన్ని బ్యాంకులు తెరిచే ఉంటాయి: ఆర్బీఐ కీలక ఆదేశాలు

CNG Cars: రూ. 9 లక్షల కంటే చౌకైన బెస్ట్ CNG కార్లు.. అధిక మైలేజ్‌తో మీకోసమే..

మార్చి 31, 2023 వరకు, హోల్డింగ్ వ్యవధి ఆధారంగా డెట్ మ్యూచువల్ ఫండ్‌లకు ఆదాయపు పన్ను చట్టం వర్తిస్తుంది. 36 నెలల ముందు డెట్ మ్యూచువల్ ఫండ్‌ను రీడీమ్ చేసిన తర్వాత యూనిట్ల విక్రయంపై ఏదైనా లాభం స్వల్పకాలిక మూలధన లాభంగా ఛార్జ్ చేయబడుతుంది. అయితే, 36 నెలల కంటే ఎక్కువ హోల్డింగ్ వ్యవధి తర్వాత యూనిట్ల విక్రయం దీర్ఘకాలిక మూలధన లాభాలను ఆకర్షిస్తుంది. ఇండెక్సేషన్ ప్రయోజనంతో దీర్ఘకాలిక మూలధన లాభాలపై 20% పన్ను విధిస్తారు.

కానీ ఏప్రిల్ 1, 2023 తర్వాత, మ్యూచువల్ ఫండ్ పథకం ఈక్విటీలో పెట్టుబడి 35 శాతానికి మించని డెట్ మ్యూచువల్ ఫండ్‌లపై ఆదాయపు పన్ను రేట్ల ప్రకారం పన్ను విధింపు అమల్లో ఉంటుంది. అయితే, ఇండెక్సేషన్ ప్రయోజనాన్ని పొందాలనుకునే పెట్టుబడిదారులు మార్చి 31, 2023 వరకు డెట్ మ్యూచువల్ ఫండ్లలో పెట్టుబడి పెట్టడం ద్వారా ప్రయోజనాన్ని పొందవచ్చు.

మరిన్ని బిజినెస్ వార్తల కోసం ఇక్కడ క్లిక్ చేయండి..