లేట్‌గా చూసినా.. లేటెస్ట్ గా ఉంది -కేటీఆర్

ది బిగ్గెస్ట్ హిట్ మూవీ బాహుబలి సినిమా తర్వాత అంత భారీ బడ్జెట్ తో రూపొందిన సినిమా కేజీఎఫ్. ఈ సినిమాలో కన్నడ రాక్ స్టార్ యష్ హీరోగా నటించారు. ఈ సినిమా తెలుగుతో సహా అన్ని భాషల్లోనూ విడుదలై ఘన విజయం సాధించింది. కాగా.. తాజాగా ఆ సినిమాను చూసిన మాజీ మంత్రి కేటీఆర్ ఈ సినిమా యూనిట్ ప్రశంసలతో ముంచెత్తారు. ఈ సినిమాపై ట్విట్టర్ లో స్పందిస్తూ.. ఆలస్యంగా చూసినా.. కానీ కేజీఎఫ్ సినిమా చూశాను. సినిమా చాలా అద్భుతంగా ఉంది. కథపరంగా, సాంకేతికంగా సినిమా బాగా తీశారు. డైరెక్టర్ ప్రశాంత్ నీల్ సినిమాను అద్భుతంగా రూపొందించారు. బ్యాగ్రౌండ్ స్కోర్ చాలా బావుంది. ఇక రాక్ స్టార్ యష్ నటన అదిరిపోయిందంటూ కేటీఆర్ ట్వీట్ చేశారు.