Horoscope Today: ఆ రాశి వారికి ఆకస్మిక ధన లాభం.. 12 రాశుల వారికి రాశిఫలాలు
Today Horoscope (January 17, 2026): మేష రాశి వారు ప్రయాణాల్లో జాగ్రత్తలు పాటించాల్సి ఉంటుంది. ఆదాయం బాగానే వృద్ధి చెందుతుంది. వృషభ రాశి వారికి ఉద్యోగంలో కొద్దిగా పని భారం పెరిగే అవకాశం ఉంది. అధికారుల నుంచి ఒత్తిడి పెరుగుతుంది. మిథున రాశి వారి ఆదాయానికి లోటుండని పరిస్థితి ఏర్పడుతుంది. ఉద్యోగ వాతావరణం సానుకూలంగా ఉంటుంది. మేషరాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..?
దిన ఫలాలు (జనవరి 17, 2026): మేష రాశి వారికి ఈ రోజు ఆదాయం బాగానే వృద్ధి చెందుతుంది. వృషభ రాశి వారికి ఉద్యోగంలో కొద్దిగా పని భారం పెరిగే అవకాశం ఉంది. మిథున రాశి వారికి ఉద్యోగ వాతావరణం సానుకూలంగా ఉంటుంది. మేషరాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1)
ఉద్యోగ బాధ్యతల్లో కొద్దిగా శ్రమ, ఒత్తిడి ఉండే అవకాశం ఉంది. అయితే, ఉద్యోగులకు శుభవార్తలు అందుతాయి. వృత్తి, వ్యాపారాలు కొద్దిగా కష్టనష్టాల నుంచి బయటపడతాయి. ముఖ్యమైన పనులు పూర్తి చేస్తారు. చిన్ననాటి మిత్రులతో కాలక్షేపం చేస్తారు. దైవ కార్యాల్లో పాల్గొంటారు. ప్రయాణాల్లో జాగ్రత్తలు పాటించాల్సి ఉంటుంది. ఆదాయం బాగానే వృద్ధి చెందుతుంది. ఖర్చులు తగ్గించుకోవడం, పొదుపు చర్యలు చేపట్టడం చాలా మంచిది. నిరుద్యోగుల ప్రయత్నాలు ఫలిస్తాయి.
వృషభం (కృత్తిక 2,3,4, రోహిణి, మృగశిర 1,2)
రోజంతా చాలావరకు బాగానే గడిచిపోతుంది. అయితే, ఉద్యోగంలో కొద్దిగా పని భారం పెరిగే అవకాశం ఉంది. అధికారుల నుంచి ఒత్తిడి పెరుగుతుంది. బాధ్యతలను, లక్ష్యాలను సకాలంలో పూర్తి చేయడం జరుగుతుంది. వృత్తి, వ్యాపారాల్లో డిమాండ్ పెరుగుతుంది. ఆదాయం స్థిరంగా ఉంటుంది కానీ, కుటుంబ ఖర్చులు పెరిగే అవకాశం ఉంటుంది. కొందరు మిత్రుల వల్ల ఇరకాటంలో పడే అవకాశం ఉంది. కుటుంబ జీవితం ప్రశాంతంగా సాగిపోతుంది. ఆశించిన వ్యవహార జయం ఉంటుంది.
మిథునం (మృగశిర 3,4, ఆర్ద్ర, పునర్వసు 1,2,3)
గురు బలం బాగా అనుకూలంగా ఉంది. ఫలితంగా ఆదాయానికి లోటుండని పరిస్థితి ఏర్పడుతుంది. ఉద్యోగ వాతావరణం సానుకూలంగా ఉంటుంది. ఉద్యోగులకు అధికారులు ప్రత్యేక బాధ్యతలు అప్పగించే అవకాశం ఉంది. ఆకస్మిక ప్రయాణాలకు అవకాశం ఉంది. వృత్తి, వ్యాపారాలు పర వాలేదనిపిస్తాయి. సంతానానికి సంబంధించి విద్య, ఉద్యోగాలు సంతృప్తికరంగా సాగిపోతాయి. కుటుంబం మీద ఖర్చు పెరుగుతుంది. ఎవరితోనైనా కొద్దిగా ఆచితూచి వ్యవహరించడం మంచిది.
కర్కాటకం (పునర్వసు 4, పుష్యమి, ఆశ్లేష)
గ్రహ బలం చాలావరకు అనుకూలంగా ఉంది. ఉద్యోగ జీవితం సాఫీగా, హ్యాపీగా సాగిపోతుంది. వృత్తి, వ్యాపారాల్లో ఆటంకాలు, అవరోధాలు తొలగిపోతాయి. ఉద్యోగ, పెళ్లి ప్రయత్నాలు అనుకూలంగా సాగుతాయి. నిరుద్యోగులకు దూర ప్రాంతంలో మంచి ఉద్యోగానికి ఆఫర్ వచ్చే అవకాశం ఉంది. బంధుమిత్రులు సహాయ సహకారాలు అందిస్తారు. ఆదాయం బాగానే వృద్ధి చెందుతుంది. భాగస్వామ్య వ్యాపారంలో లాభాలు బాగాపెరుగుతాయి. పిల్లల నుంచి శుభవార్తలు అందుతాయి.
సింహం (మఖ, పుబ్బ, ఉత్తర 1)
వృత్తి, ఉద్యోగాల్లో ఆశించిన ప్రోత్సాహకాలు లభిస్తాయి. కొత్త ఉద్యోగ ప్రయత్నాలు సఫలం అవుతాయి. కొద్దిపాటి ధన యోగానికి అవకాశం ఉంది. ఆకస్మిక ధన లాభం కలుగుతుంది. రాదనుకుని వదిలేసుకున్న డబ్బు కూడా చేతికి అందుతుంది. ముఖ్యమైన వ్యవహారాల్లో కుటుంబ సభ్యుల సలహాలు, సూచనలు బాగా కలిసి వస్తాయి. గృహ, వాహనాల కొనుగోలు మీద దృష్టి పెడతారు. ఆరోగ్యంలో మెరుగుదల కనిపిస్తుంది. ఇతరుల విషయాల్లో తలదూర్చకపోవడం మంచిది.
కన్య (ఉత్తర 2,3,4, హస్త, చిత్త 1,2)
సప్తమ శని కారణంగా వృత్తి, ఉద్యోగాల్లో పని ఒత్తిడి బాగా పెరుగుతుంది. ముఖ్యమైన పనులు, వ్యవహారాలు సానుకూలంగా పూర్తవుతాయి. వ్యాపారాలు లాభదాయకంగా సాగిపోతాయి. ప్రయా ణాలను వాయిదా వేయడం మంచిది. ఆర్థిక పరిస్థితిలో మెరుగుదల ఉంటుంది. ఆధ్యాత్మిక విషయాల మీద శ్రద్ధ పెరుగుతుంది. ఆర్థిక వ్యవహారాల్లో తొందరపాటు నిర్ణయాలు తీసుకోవద్దు. ఆవేశకావేషాలకు ఇది సమయం కాదు. కుటుంబ సభ్యుల నుంచి సహాయ సహకారాలు లభిస్తాయి.
తుల (చిత్త 3,4,స్వాతి, విశాఖ 1,2,3)
గ్రహ సంచారం అనుకూలంగా ఉన్నందువల్ల ఆదాయ ప్రయత్నాలన్నీ ఫలిస్తాయి. కొద్ది ప్రయత్నంతో అనుకున్న పనుల్ని అనుకున్నట్టు పూర్తి చేస్తారు. రాజకీయ ప్రముఖులతో పరిచయాలు పెరుగుతాయి. మిత్రుల సహాయంతో వ్యక్తిగత సమస్య ఒకటి పరిష్కారం అవుతుంది. ఆర్థిక పరిస్థితి గణనీయంగా మెరుగుపడుతుంది. మొండి బాకీలు, బకాయిలు వసూలవుతాయి. సేవా కార్యక్రమాల్లో పాల్గొంటారు. ఇంటా బయటా మీ మాటకు, చేతకు బాగా విలువ పెరుగుతుంది.
వృశ్చికం (విశాఖ 4, అనూరాధ, జ్యేష్ఠ)
చతుర్ధ రాహువు కారణంగా ఇంటా బయటా ఒత్తిడి ఉంటుంది. కుటుంబ సమస్యలు ఉండే అవకాశం కూడా ఉంది. ముఖ్యమైన వ్యవహారాల్లో శ్రమ, తిప్పట ఉంటాయి. ఉద్యోగ బాధ్యతల్ని సంతృప్తికరంగా నెరవేరుస్తారు. అదనపు ఆదాయ ప్రయత్నాలు అనుకూలంగా ఉంటాయి. కొద్దిగా అనారోగ్య సమస్యలు ఇబ్బంది పెడతాయి. వృత్తి, వ్యాపారాల్లో బాధ్యతలు పెరుగుతాయి. నిరుద్యోగులకు శుభవార్త అందే అవకాశం ఉంది. కొందరు మిత్రులకు ఆర్థికంగా సాయం చేయడం జరుగు తుంది.
ధనుస్సు (మూల, పూర్వాషాఢ, ఉత్తరాషాఢ 1)
ప్రస్తుతం ధన స్థానం ముఖ్యమైన గ్రహాలతో బాగా బలంగా ఉన్నందువల్ల ఆర్థికంగా అనుకూల వాతావరణం ఉంటుంది. ఉద్యోగులు సహోద్యోగుల సహాయంతో లక్ష్యాలను పూర్తి చేస్తారు. వృత్తి, వ్యాపారాలు బిజీగా సాగుతాయి. ముఖ్యమైన పనులు, వ్యవహారాలు విజయవంతంగా పూర్తవుతాయి. మధ్యవర్తుల జోక్యంతో స్థిరాస్తి వివాదం సానుకూలంగా పరిష్కారమవుతుంది. ఇతరులకు సాయం చేయడం జరుగుతుంది. ఇంటా బయటా ఒత్తిడి పెరుగుతుంది. ఆరోగ్యం బాగానే ఉంటుంది.
మకరం (ఉత్తరాషాఢ 2,3,4, శ్రవణం, ధనిష్ఠ 1,2)
రోజంతా సానుకూలంగా గడిచిపోతుంది. వృత్తి, వ్యాపారాలు బిజీగా సాగిపోతాయి. ఉద్యోగంలో మీ సలహాలకు, సూచనలకు ప్రాధాన్యం పెరుగుతుంది. బాధ్యతల్లో సానుకూల మార్పులు చోటు చేసుకుంటాయి. ముఖ్యమైన వ్యవహారాలన్నీ విజయవంతంగా పూర్తవుతాయి. ఉద్యోగ ప్రయత్నాలకు సంబంధించి ఒక శుభవార్త వినే అవకాశం ఉంది. ఆకస్మిక ధన లాభ సూచనలున్నాయి. ఏ ప్రయత్నం తలపెట్టినా తప్పకుండా సఫలం అవుతుంది. కుటుంబ జీవితం సంతోషంగా సాగిపోతుంది.
కుంభం (ధనిష్ఠ 3,4, శతభిషం, పూర్వాభాద్ర 1,2,3)
గురు బలం వల్ల ఒకటి రెండు శుభవార్తలు వింటారు. ఉద్యోగుల ప్రతిభకు, శ్రమకు అధికారుల నుంచి గుర్తింపు లభిస్తుంది. వృత్తి, వ్యాపారాల్లో ఉన్నత ఫలితాలను పొందుతారు. శుభ కార్యాలకు సంబంధించిన ఆలోచనలు చేస్తారు. స్థిరాస్తి కొనుగోలు ప్రయత్నాలు ఒక కొలిక్కి వస్తాయి. గృహ, వాహన కొనుగోలు ప్రయత్నాలు పురోగతి చెందుతాయి. ముఖ్యమైన వ్యవహారాలను కొద్ది శ్రమతో పూర్తి చేస్తారు. కుటుంబ విషయాలు, సొంత పనుల మీద శ్రద్ధ పెట్టడం చాలా మంచిది.
మీనం (పూర్వాభాద్ర 4, ఉత్తరాభాద్ర, రేవతి)
లాభ స్థానంలో శుక్ర, రవుల బలం వల్ల రోజంతా సాఫీగా, హ్యాపీగా గడిచిపోతుంది. అనుకున్న పనులు, వ్యవహారాలు సకాలంలో సంతృప్తికరంగా పూర్తవుతాయి. ఆదాయం పెరగడం, ఖర్చులు తగ్గడం జరుగుతుంది. వ్యాపారులు తమకు అందివచ్చిన అవకాశాలను సద్వినియోగం చేసుకుంటారు. ఉద్యోగంలో అధికారుల నుంచి ఊహించని ప్రతిఫలం లభిస్తుంది. ఒకటి రెండు ముఖ్యమైన వ్యక్తిగత సమస్యలకు పరిష్కారం లభిస్తుంది. బంధువుల్లో పెళ్లి సంబంధం కుదిరే అవకాశం ఉంది.