Horoscope Today: ఆ రాశుల వారు శుభవార్త వింటారు.. 12 రాశుల వారికి బుధవారం దినఫలాలు ఇదిగో..

Horoscope – దిన ఫలాలు (జనవరి 7, 2026): మేషం రాశి వారి వృత్తి, వ్యాపారాలు నిలకడగా సాగిపోతాయి. ఉద్యోగంలో ఒకటి రెండు శుభవార్తలు వింటారు. వృషభం రాశి వారి ఉద్యోగంలో ప్రాధాన్యం పెరుగుతుంది. వ్యాపారంలో కొద్దిపాటి శ్రమతో అత్యధిక లాభాలు గడిస్తారు. మిథునం రాశి వారి ఉద్యోగంలో హోదా పెరగడానికి బాగా అవకాశం ఉంది. మేష రాశి మొదలు మీన రాశి వరకు 12 రాశుల వారికి బుధవారం నాటి రాశిఫలలు ఎలా ఉన్నాయో ఈ కథనంలో తెలుసుకోండి..

బుధవారం దిన ఫలాలు – జ్యోతిషవాణి..

మేషం (అశ్విని, భరణి, కృత్తిక 1): వృత్తి, వ్యాపారాలు నిలకడగా సాగిపోతాయి. ఉద్యోగంలో ఒకటి రెండు శుభవార్తలు వింటారు. అధి కారులు మీ సలహాలు, సూచనల వల్ల లబ్ది పొందుతారు. ఉద్యోగ ప్రయత్నాలకు సానుకూల స్పందన లభిస్తుంది. ఆశించిన పెళ్లి సంబంధం ఖాయమవుతుంది. ఆకస్మిక ప్రయాణాలు తప్పక పోవచ్చు. మిత్రుల వల్ల కొద్దిగా నష్టపోయే సూచనలున్నాయి. స్వల్ప అనారోగ్య అవకాశాలు న్నాయి. పిల్లల నుంచి ఆశించిన సమాచారం అందుతుంది. కుటుంబ జీవితం సాఫీగా సాగిపో తుంది.

వృషభం (కృత్తిక 2,3,4, రోహిణి, మృగశిర 1,2): ఉద్యోగంలో ప్రాధాన్యం పెరుగుతుంది. వ్యాపారంలో కొద్దిపాటి శ్రమతో అత్యధిక లాభాలు గడిస్తారు. వృత్తి జీవితం బాగా బిజీగా సాగిపోతుంది. ఆదాయానికి లోటుండదు. కుటుంబ జీవితం చాలా వరకు సానుకూలంగా, సంతోషంగా గడిచిపోతుంది. చిన్ననాటి మిత్రులతో ఎంజాయ్ చేస్తారు. ప్రముఖులతో పరిచయాలు ఏర్పడతాయి. కొందరు బంధువులతో సఖ్యత పెరుగుతుంది. ముఖ్య మైన వ్యవహారాలను కుటుంబ సభ్యుల సహకారంతో పూర్తి చేస్తారు. ఆరోగ్యం బాగానే ఉంటుంది.

మిథునం (మృగశిర 3,4, ఆర్ద్ర, పునర్వసు 1,2,3): ఉద్యోగంలో హోదా పెరగడానికి బాగా అవకాశం ఉంది. వృత్తి, వ్యాపారాల్లో విశ్రాంతి దొరకని పరిస్థితి ఏర్పడుతుంది. ఇంటా బయటా ఒత్తిళ్లు పెరిగే అవకాశం ఉంది. ముఖ్యమైన వ్యవహారాలలో శ్రమ, తిప్పట ఎక్కువగా ఉంటాయి. ఆరోగ్యం అనుకూలంగా ఉంటుంది. ఆదాయం కూడా ఆశాజనకంగా ఉంటుంది. కొత్త ఉద్యోగ ప్రయత్నాల్లో సానుకూల స్పందన లభిస్తుంది. కుటుంబసమేతంగా ఆల యాల సందర్శన చేసుకుంటారు. బంధువర్గంలో ఆశించిన పెళ్లి సంబంధం కుదిరే అవకాశం ఉంది.

కర్కాటకం (పునర్వసు 4, పుష్యమి, ఆశ్లేష): వృత్తి, ఉద్యోగాల్లో ప్రాభవం, ప్రాధాన్యం బాగా పెరుగుతాయి. వ్యాపారాలు బాగా బిజీగా సాగిపో తాయి. ఇంటా బయటా మీ మాటకు విలువ ఉంటుంది. ఒకటి రెండు శుభవార్తలు వింటారు. నిరుద్యోగులు ఆశించిన సమాచారం అందుకుంటారు. పెళ్లి ప్రయత్నాలు సఫలం అవుతాయి. రుణ భారం తగ్గించుకునే ప్రయత్నం చేస్తారు. దూర ప్రాంతంలో స్థిరపడిన పిల్లలు ఇంటికి వచ్చే అవకాశం ఉంది. జీవిత భాగస్వామి పురోగతి చెందుతారు. ప్రస్తుతానికి ఎవరికీ వాగ్దానాలు చేయవద్దు.

సింహం (మఖ, పుబ్బ, ఉత్తర 1): ఉద్యోగంలో అధికారులు మీ పనితీరుతో సంతృప్తి చెందుతారు. వృత్తి, వ్యాపారాలు లాభసాటిగా సాగుతాయి. ఇంటా బయటా అనుకూలతలు పెరుగుతాయి. ఆరోగ్యం బాగానే ఉంటుంది. ఆదా యానికి ఇబ్బందేమీ ఉండదు. ఇతరులకు సహాయం చేసే స్థితిలో ఉంటారు. జీవిత భాగస్వామితో కలిసి వస్త్రాభరణాలు కొనుగోలు చేస్తారు. పిల్లలు వృద్ధిలోకి వస్తారు. ఆస్తి వివాదం కొలిక్కి వస్తుంది. ఆధ్యాత్మిక విషయాల మీద ఆసక్తి పెరుగుతుంది. ఉద్యోగ, పెళ్లి ప్రయత్నాల్లో శుభవార్తలు వింటారు.

కన్య (ఉత్తర 2,3,4, హస్త, చిత్త 1,2): వృత్తి, ఉద్యోగాల్లో మీ సలహాలు, సూచనలకు విలువ పెరుగుతుంది. వ్యాపారాలు పురోగతి చెందు తాయి. ఒకటి రెండు ఆర్థిక, వ్యక్తిగత సమస్యలు పరిష్కారం అయ్యే అవకాశం ఉంది. అనుకున్న పనులు అనుకున్న విధంగా పూర్తవుతాయి. కొత్త ఉద్యోగాలు, కొత్త ఆదాయ మార్గాల గురించి చేసే ప్రయత్నాలు సానుకూలపడతాయి. బంధువులతో కొద్దిగా ఓర్పు సహనాలతో వ్యవహరిం చాల్సి ఉంటుంది. కుటుంబ సభ్యులతో వివాదాలకు అవకాశం ఉంది. ఆరోగ్యం అనుకూలంగా ఉంటుంది.

తుల (చిత్త 3,4, స్వాతి, విశాఖ 1,2,3): వృత్తి, ఉద్యోగాల్లో ప్రత్యేక బాధ్యతలను నిర్వర్తించాల్సి వస్తుంది. వ్యాపారాలు బాగా బిజీగా సాగిపో తాయి. ఆర్థిక విషయాల్లో రోజంతా సానుకూలంగా గడిచిపోతుంది. ముఖ్యమైన పనులను తేలికగా పూర్తి చేస్తారు. ఇతరులకు మేలు జరిగే పనులు చేస్తారు. ఆదాయం బాగానే ఉంటుంది. అదనపు ఆదాయ మార్గాలు సఫలం అవుతాయి. దైవ కార్యాల్లో పాల్గొంటారు. కుటుంబంతో ఇష్ట మైన ఆలయాలు సందర్శిస్తారు. విదేశాల్లో ఉన్న పిల్లల నుంచి ఆశించిన శుభవార్తలు వింటారు.

వృశ్చికం (విశాఖ 4, అనూరాధ, జ్యేష్ట): వృత్తి, ఉద్యోగాల్లో బాధ్యతలు పెరుగుతాయి. పని ఒత్తిడి కాస్తంత ఎక్కువగా ఉంటుంది. వ్యాపారాల్లో కూడా ఎక్కువగా శ్రమపడాల్సి వస్తుంది. ఏ పని తలపెట్టినా ఒత్తిడి, శ్రమ తప్పకపోవచ్చు. ఒకరిద్దరు మిత్రుల్ని ఆర్థికంగా ఆదుకుంటారు. ఆదాయానికి లోటుండదు కానీ, వృథా ఖర్చుల్ని వీలైనంతగా తగ్గించుకోవడం మంచిది. సామాజిక సేవా కార్యక్రమాల్లో పాల్గొంటారు. ఆరోగ్యం బాగా అనుకూలంగా ఉంటుంది. సమయస్ఫూర్తితో ఆర్థిక, వ్యక్తిగత సమస్యలను పరిష్కరించుకుంటారు.

ధనుస్సు (మూల, పూర్వాషాఢ, ఉత్తరాషాఢ 1): వృత్తి, ఉద్యోగాలు ఉత్సాహంగా సాగిపోతాయి. వ్యాపారాల మీద శ్రద్ధ పెరుగుతుంది. ఇతరులకు ధనపరంగా వాగ్దానాలు చేయకపోవడం మంచిది. లేనిపోని బాధ్యతలను నెత్తికెత్తుకోవడం జరు గుతుంది. ఇంటా బయటా బాగా ఒత్తిడి ఉంటుంది. ఆరోగ్యానికి ఇబ్బందేమీ ఉండదు. ఆదాయానికి సంబంధించి కొత్త మార్గాలు మీ ముందుకు వస్తాయి. రాజకీయ ప్రముఖులతో పరిచయాలు పెరు గుతాయి. కుటుంబంలో సుఖ సంతోషాలు వెల్లివిరుస్తాయి. కొందరు మిత్రులతో జాగ్రత్తగా ఉండాలి.

మకరం (ఉత్తరాషాఢ 2,3,4, శ్రవణం, ధనిష్ట 1,2): వృత్తి, ఉద్యోగాలు సానుకూలంగా సాగిపోతాయి. ఆదాయ వృద్ది ప్రయత్నాలకు సమయం బాగా అనుకూలంగా ఉంటుంది. ఏ ప్రయత్నం చేపట్టినా విజయవంతం అవుతుంది. గతంలో తీసుకున్న నిర్ణయాలు సత్ఫలితాలనివ్వడం ప్రారంభిస్తాయి. ఆదాయం మెరుగ్గా ఉంటుంది. వ్యాపారంలో పెట్టుబడులు పెంచడానికి, వ్యాపారాలు విస్తరించడానికి అవకాశం ఉంది. ఆధ్యాత్మిక కార్యకలా పాల్లో పాల్గొంటారు. స్వల్ప అనారోగ్య సమస్యలుంటాయి. విదేశాల్లో ఉన్న పిల్లల నుంచి శుభవార్త వింటారు.

కుంభం (ధనిష్ట 3,4, శతభిషం, పూర్వాభాద్ర 1,2,3): వృత్తి, వ్యాపారాలు నిలకడగా సాగుతాయి. లక్ష్యాలు, బాధ్యతల విషయంలో ఉద్యోగంలో అధికా రుల నుంచి ఒత్తిడి ఉంటుంది. వ్యయ ప్రయాసలున్నప్పటికీ, కొన్ని ముఖ్యమైన వ్యవహారాలను, పెండింగు పనులను సంతృప్తికరంగా పూర్తి చేస్తారు. మీ నుంచి సహాయం పొందినవారు ముఖం చాటేస్తారు. కుటుంబ వ్యవహారాల్లో జీవిత భాగస్వామిని సంప్రదించడం మంచిది. ఆదాయం బాగానే ఉంటుంది. ఆరోగ్యం అనుకూలంగా ఉంటుంది. ఇరుగు పొరుగు నుంచి సమస్యలు తలెత్తు తాయి.

మీనం (పూర్వాభాద్ర 4, ఉత్తరాభాద్ర, రేవతి): వృత్తి, ఉద్యోగాల్లో హోదా, జీతభత్యాలు పెరిగే అవకాశం ఉంది. వ్యాపారాలు లాభసాటిగా పురోగమిస్తాయి. ఏ పని తలపెట్టినా సునాయాసంగా పూర్తవుతుంది. మిత్రుల నుంచి సహాయ సహకారాలు లభిస్తాయి. కుటుంబసమేతంగా దైవ కార్యాల్లో పాల్గొంటారు. పిల్లల నుంచి శుభవార్తలు వింటారు. అనుకోకుండా ఇష్టమైన బంధువుల్ని కలుసుకుంటారు. మంచి పరిచయాలు ఏర్పడతాయి. కుటుంబ జీవితం సాఫీగా సాగుతుంది. ఆహార, విహారాల్లో జాగ్రత్తగా ఉండడం మంచిది.