Horoscope Today: ఆ రాశుల వారికి బంధుమిత్రుల నుంచి సాయం.. శుక్రవారం రాశి ఫలాలు..

Today Horoscope: మనం ముందు వెనుక ఆలోచించకుండా తీసుకునే నిర్ణయాలతో పలుమార్లు ఇబ్బందుల్లో పడుతుంటాం. అందుకే కొత్త పనులను మొదలు పెట్టాలన్నా, శుభకార్యాలు నిర్వహించాలన్నా.. జాతకాలు, రాశిఫలాలను అనుసరించేవారు చాలామంది ఉన్నారు. అందుకే పనులను మొదలుపెట్టే ముందు కొంతమంది తమ జాతకం, దినఫలాలపై దృష్టిసారిస్తుంటారు. ఈ నేపథ్యంలో ఈరోజు (నవంబర్ 5న ) శుక్రవారం రాశి ఫలాలు ఎలా ఉన్నాయో.. ఓసారి తెలుసుకుందాం..

మేషరాశి: ఈ రాశి వారు ఈ రోజు ప్రారంభించిన పనుల్లో పురోగతి ఉంటుంది. బంధు, మిత్రులను కలుస్తారు. ఆదాయ మార్గాలు పెరిగే సూచనలు కనిపిస్తున్నాయి. ప్రయాణాల్లో జాగ్రత్త వహించాలి.

వృషభరాశి: ఈ రాశివారు ఒక శుభవార్తను అందుకుంటారు. మనోధైర్యంతో ముందడుగు వేస్తే.. విజయం వరిస్తుంది. అవసరానికి బంధుమిత్రుల నుంచి సాయం అందుకుంటారు.

మిథున రాశి: ఈ రాశివారికి మిశ్రమకాలం. ఇబ్బందులు, ఒత్తిడి పెరగినా.. మనోధైర్యంతో ముందుకు సాగితే అనుకున్నది సాధిస్తారు. అవసరానికి సహాయం అందుతుంది. బంధుమిత్రలతో జాగ్రత్తగా ఉండాలి.

కర్కాటక రాశి: ఈ రాశి వారు ప్రారంభించే పనుల్లో ఆటంకాలు ఎదురుకాకుండా ముందుస్తు జాగ్రత్తలు తీసుకోవాలి. కుటుంబంలో చిన్నపాటి సమస్యలు తలెత్తే అవకాశముంది. జాగ్రత్తలు తీసుకుంటే మంచిది.

సింహ రాశి: ఈ రాశి వారు ఒక శుభవార్తను అందుకుంటారు. మానసిక ప్రశాంతతకు భంగం కలగకుండా ముందుకుసాగాలి. పెద్దలను, బంధుమిత్రులను కలుస్తారు. విందు, వినోదాల్లో పాల్గొంటారు.

కన్య రాశి: ఈ రోజు చేపట్టే పనుల్లో ఇబ్బందులు తలెత్తే అవకాశముంది. జాగ్రత్తగా వ్యవహరిస్తే సమస్యలను అధిగమించవచ్చు. భవిష్యత్తును అనుసరించి ముందడుగు వేయాలి. ఆదాయానికి తగినట్టు ఖర్చులు ఉంటాయి. బంధుమిత్రుల సహకారం అందుతుంది.

తుల రాశి: ఈ రాశి వారు కాలానుగుణంగా ముందుకు సాగితే మంచి ఫలితాలు వస్తాయి. ఆర్థిక ఇబ్బందులను అధిగమిస్తారు. కొన్ని పనుల్లో జాప్యం జరిగే సూచనలు కనిపిస్తున్నాయి. విందు, వినోదాల్లో పాల్గొంటారు.

వృశ్చిక రాశి: చేపట్టిన పనుల్లో అనుకూలమైన వాతావరణం కనిపిస్తుంది. శారీరక శ్రమ పెరిగినప్పటికీ.. ధైర్యంతో ముందుకుసాగాలి. బంధువులతో జాగ్రత్తగా వ్యవహరించాలి. వాదనలు మానుకుంటే మంచిది.

ధనుస్సు రాశి: ఈ రాశివారు చేపట్టిన పనులను పట్టుదలతో పూర్తిచేస్తారు. సమాజంలో గౌరవం లభిస్తుంది. పెద్దల సూచనలు తప్పనిసరిగా తీసుకుంటే మంచిది.

మకర రాశి: ఈ రోజు అనుకూలమైన వాతావరణం ఉంటుంది. చేపట్టిన పనులు సకాలంలో పూర్తవుతాయి. ఆర్థిక ఇబ్బందులు తలెత్తే అవకాశముంది. జాగ్రత్తలు తీసుకోవడం మంచిది.

కుంభరాశి: ఈ రాశి వారు చేపట్టిన కార్యక్రమాలు పూర్తయ్యేందుకు కొంచెం ఆలస్యం జరిగే సూచనలు ఉన్నాయి. ముందస్తు జాగ్రత్తలు తీసుకోవడం మంచిది. శ్రమకు తగిన గుర్తింపు కోసం కష్టపడాల్సి వస్తుంది.

మీన రాశి: ఇబ్బందులు ఎదురైనప్పటికీ.. ఈ రాశి వారు మనోధైర్యంతో సాగాలి. మధ్యమ ఫలితాలు ఉన్నాయి. అందరినీ కలుపుకొనిపోవడం మంచిది. గొడవలకు దూరంగా ఉండాలి.

Also Read:

Indian Railway: రైళ్లు నిత్యం తిరిగే దూరం ఎంత..? దేశంలో ఎక్కువ దూరం ప్రయాణించే రైలు.. ఎన్నో ఆసక్తికర విషయాలు..!

Post Office: పోస్టాఫీసులో అదిరిపోయే స్కీమ్‌.. రోజు రూ.50 పెట్టుబడితో రూ.35 లక్షల బెనిఫిట్‌.. ఎలాగంటే..