YV Subba Reddy: అమర్ భావోద్వేగం పై స్పందించిన వైవీ సుబ్బా రెడ్డి..
ఆంధ్రప్రదేశ్లో వైఎస్ఆర్సీపీ అధినేత, సీఎం జగన్ అసెంబ్లీ ఎన్నికల్లో గెలుపే లక్ష్యంగా పావులు కదుపుతున్నారు. అందులో భాగంగానే ఏపీలో వైసీపీ అధిష్టానం కొత్త ఇన్చార్జ్లను నియమిస్తూ ముందుకు సాగుతోంది. అనకాపల్లిలో కూడా ఇన్చార్జ్లను మార్పు చేశారు. గతంలో ఉన్న గుడివాడ అమర్నాధ్ని తొలగించి అతని స్థానంలో భరత్ ను నియోజకవర్గ ఇన్చార్జిగా నియమించింది.
Updated on: Jan 04, 2024 | 2:40 PM
ఆంధ్రప్రదేశ్లో వైఎస్ఆర్సీపీ అధినేత, సీఎం జగన్ అసెంబ్లీ ఎన్నికల్లో గెలుపే లక్ష్యంగా పావులు కదుపుతున్నారు. అందులో భాగంగానే ఏపీలో వైసీపీ అధిష్టానం కొత్త ఇన్చార్జ్లను నియమిస్తూ ముందుకు సాగుతోంది. అనకాపల్లిలో కూడా ఇన్చార్జ్లను మార్పు చేశారు. గతంలో ఉన్న గుడివాడ అమర్నాధ్ని తొలగించి అతని స్థానంలో భరత్ ను నియోజకవర్గ ఇన్చార్జిగా నియమించింది. ఈ సందర్భంగా ఏర్పాటు చేసిన వైసీపీ కొత్త ఇన్చార్జ్ పరిచయ కార్యక్రమంలో మంత్రి గుడివాడ అమర్నాధ్ కంటతడి పెట్టుకున్నారు. అనకాపల్లి ప్రజలు తనకు రాజకీయంగా పునర్జన్మ ఇచ్చారన్నారు. భరత్ను గెలిపించి సీఎం జగన్కు కానుకగా ఇవ్వాలన్నారు.
ఇదిలా ఉంటే అమర్నాధ్ భావోద్వేగంపై వైపీ సుబ్బారెడ్డి స్పందించారు. ఉత్తరాంధ్ర ఇన్చార్జ్గా విశాఖ చేరుకున్న వైవీ సుబ్బారెడ్డి మంత్రి అమర్నాధ్ కు ధైర్యం చెప్పేందుకు వెళ్లారు. పదేళ్లుగా అనకాపల్లిని అంటి పెట్టుకుని ఉన్నారు కాబట్టి భావోద్వేగం ఉంటుందన్నారు. అందుకే ఇంటికి వెళ్ళి అమర్ భావోద్వేగాన్ని పంచుకున్నా అని వైవీ సుబ్బారెడ్డి స్పష్టం చేశారు. అమర్కు ఇంతకంటే మంచి భవిష్యత్ ఉంటుందని కుటుంబ సభ్యులకు మాటిచ్చినట్లు తెలిపారు. సీఎం జగన్ అమర్నాధ్కు సముచిత స్థానం కల్పించినట్లు వెల్లడించారు. త్వరలోనే అపోహలకు తెరపడుతుందని చెప్పారు.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..
