బాత్రూం నుంచి వింత శబ్దాలు.. ఏంటోనని తలుపు తీసి చూడగా ప్రాణం పోయేంతపనైంది.. పరుగో పరుగు..

విశాఖపట్నం జిల్లా దువ్వాడ రసాలమ్మ కాలనీ..! ఓ ఇంట్లో కుటుంబం నివాసం ఉంటోంది. ఇంట్లో.. వింత వింత శబ్దాలు వినిపిస్తున్నాయి. ఇల్లంత వెతికితే ఎక్కడ ఎటువంటి ఆనవాళ్లు కనిపించలేదు. ఇక వాష్ రూమ్ తలుపు దగ్గరకు వెళ్లేసరికి ఆ శబ్దాలు మరింత పెద్దగా వినిపిస్తున్నాయి. దీంతో నెమ్మదిగా వాష్ రూమ్ తలుపు తీసిన వాళ్లకు గుండె ఆగేంత పని అయింది. దీంతో ఒక్కసారిగా పరుగులు తీశారు ఆ ఇంట్లో ఉన్న కుటుంబసభ్యులు.. వాళ్లు చూసినది ఏంటో తెలుసా..? నాలుగున్నర అడుగుల గోధుమ నాగు.. బుసలు కొడుతూ రెప్పపాటులో కాటేసేలా ఉంది. దీంతో అమ్మో అనుకున్న వారు పరుగులు తీశారు.. చివరకు ఈ విషయాన్ని ఇరుగుపొరుగుకు చెప్పారు. వెంటనే పాములు పట్టడంలో నేర్పరి అయిన స్నేక్స్ సేవర్ సొసైటీ కిరణ్ కుమార్ కు సమాచారం అందించారు. తన బృందంతో కలిసి రంగంలోకి దిగిన కిరణ్ కుమార్.. వాష్ రూమ్ కు వెళ్లాడు. అక్కడ తిష్ట వేసి ఉన్న భారీ గోధుమనాగును చాకచక్యంగా పట్టుకున్నాడు. బంధించే క్రమంలో ఎదురు తిరిగేందుకు ప్రయత్నించింది ఆ పాము. చివరకు ఆ పామును గోనెసంచిలో బంధించడంతో అంతా ఊపిరి పీల్చుకున్నారు. అయితే ఈ గోధుమ నాగు అత్యంత విషపూరితమని స్థానికులు తెలిపారు.

గోధుమ నాగు వీడియో..

గోధుమనాగు వయసును బట్టి..

వాస్తవానికి పాముల్లో చాలా రకాలు ఉన్నాయి. రక్త పింజరి, కట్లపాము, జర్రిగొడ్డు, తాచుపాము, కొండచిలువ ఇలా ఎన్నో రకాలు వేర్వేరు చోట్ల కనిపిస్తూ ఉంటాయి. వాటిలో నాగుపాము మూడు వర్ణాల్లో మనకు కనిపిస్తుందని అంటున్నారు. గోధుమ రంగులో ఉండే నాగు పాములు ఎపిలోనే ఉంటాయట..! తలపై నమాకృతిని కలిగి గోధుమ, ముదురు కాఫీ రంగు చారలు కలిగి ఉంటాయి. వయసును బట్టి ఇవి 20 అంగుళాల మొదలుకొని… దాదాపు 9 అడుగుల వరకు పెరుగుతాయి. విశేషమేంటంటే.. వీటికి తోకలో ఉండే చిన్న ముళ్ళలోనూ విషం కలిగి ఉంటుందని చెబుతున్నారు.

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి.