Srikakulam: రోడ్డుపై వెళుతున్న ఆటోపై పడ్డ భారీ తాటి చెట్టు…తర్వాత

ప్రమాదాలు ఎవరికి ఎప్పుడూ ఎలా వస్తాయో తెలియదు. కొందరయితే పెద్ద ప్రమాదాల నుంచి అదృష్టవశాత్తు రెప్పపాటులో తప్పించుంటారు. శ్రీకాకుళం జిల్లాలో ఇలాంటి ఘటనే చోటు చేసుకుంది. జిల్లాలోని రణస్థలం, జి. సిగడాం మండలాల్లో సోమవారం సాయంత్రం గాలి,వాన భీభత్సం సృష్టించింది. భారీ వర్షానికి గాలి కూడ తోడవ్వడంతో రణస్థలం హైస్కూల్ సమీపంలో రామతిర్థం కూడలి వైపుకు వెళ్తున్న ఆటోపై ఒక్కసారిగా ఓ భారీ తాటి చెట్టు పడింది. అయితే ఆ సమయంలో ఆటోలో ప్రయాణికులు ఎవరు లేకపోవడంతో భారీ ప్రాణ నష్టం తప్పింది. ఆటోపై బారి తాటి చెట్టు అకస్మాత్తుగా పడటంతో ఆటో పాక్షికంగా దెబ్బతింది. ఆటోలో ఉన్న ఆటో డ్రైవర్ ప్రాణాలతో బయటపడ్డాడు. సమీపంలోని విద్యుత్ వైర్లు దెబ్బతిన్నాయి. వెంటనే స్పందించిన విద్యుత్ శాఖ సిబ్బంది అక్కడ విద్యుత్ సరఫరాను నిలిపివేశారు.