బుడ్డోడు కిడ్నాప్ వెనుక అసలు కథ ఇదే..!

గతనెలలో జషిత్ కిడ్నాప్ కేసు తెలుగు రాష్ట్రాల్లో తీవ్ర సంచలనం రేపింది. తూర్పు గోదావరి జిల్లా మండపేటలో నాలుగేళ్ల బాలుడు జషిత్ కిడ్పాప్‌కు గురైయ్యాడు. కాగా.. కొన్ని గంటల వ్యవధిలోనే జషిత్ జాడ తెలుసుకున్నారు పోలీసులు. అయితే.. బాలుడి కిడ్నాప్ వెనుక అసలు నిజాన్ని బయటపెట్టారు జిల్లా ఎస్పీ అద్నాన్ నయీమ్. క్రికెట్ బెట్టింగ్ నేపథ్యంలోనే ఈ కిడ్నాప్ సాగిందని పేర్కొన్నారు. అంతర్‌ రాష్ట్ర దొంగలను అరెస్ట్ చేసిన సందర్భంగా మీడియా సమావేశం ఏర్పాటు చేశారు. జషిత్ కిడ్నాప్ వెనుక బంధువుల హస్తం కూడా ఉన్నట్టు అనుమానాలు ఉన్నాయని తెలిపారు. వారిని త్వరలోనే పట్టుకుంటామని స్పష్టం చేశారు. కాగా.. ఈ కేసులో క్రికెట్ బెట్టింగ్‌లో సంబంధమున్న 17 మంది బుకీలను అరెస్ట్ చేశామన్నారు. అన్ని కోణాల్లో కేసును దర్యాప్తు చేస్తున్నామని.. బాలుడిని మూడు రోజుల పాటు ఎక్కడ దాచివుంచారన్న విషయాన్ని త్వరలోనే వెల్లడిస్తామన్నారు ఎష్పీ నయీమ్ అస్మీ.