Watch: హై స్పీడ్‌లో దూసుకొచ్చిన మృత్యువు.. క్షణాల్లో గాల్లో కలిసిన ప్రాణాలు.. నెల్లూరులో ఘోర రోడ్డు ప్రమాదం!

నెల్లూరులో లారీ బీభత్సానికి ముగ్గురి ప్రాణాలు పోయాయి. మరో ముగ్గురు ఆస్పత్రిలో చావుబతుకుల మధ్య చికిత్స పొందుతున్నారు. NTR నగర్‌ దగ్గర జాతీయ రహదారిపై చేపల లోడ్‌తో వెళ్తున్న లారీ.. అతి వేగంతో అదుపుతప్పి ఓ ఆటోను, కొన్ని బైక్‌లను ఢీ కొట్టింది. ఆ తర్వాత రోడ్డు పక్కన మొక్కజొన్న పొత్తులు అమ్ముకుంటున్న వ్యక్తి పైకి దూసుకుపోయింది. ఈ ఘటనలో ముగ్గురు అక్కడికక్కడే ప్రాణాలు కోల్పోయారు. మరో ముగ్గురు తీవ్ర గాయాలతో ఆస్పత్రిలో ఉన్నారు. మరికొందరు ఈ ప్రమాదం నుంచి స్వల్ప గాయాలతో బయటపడ్డారు.

ప్రమాదాన్ని గమనించిన స్థానికుల వెంటనే పోలీసులకు సమాచారం ఇచ్చారు. సమాచారంలో అందుకున్న పోలీసులు హుటాహుటీనా ఘటనాస్థలికి చేరుకున్నారు. గాయపడిన వారిని తొలుత హాస్పిటల్‌కు తరలించారు. తర్వాత మృతదేహాలను వెలికి తీసి పోస్ట్‌ మార్టం నిమిత్తం హాస్పిటల్‌కు తరలించారు. అలాగే రోడ్డుకు అడ్డంగా పడపోయిన వాహనాలను తొలగించింది. ట్రాఫిక్ క్లియర్ చేశారు. ఈ మేరకు ఘనటపై కేసు నమోదు చేసి దర్యాప్తు చేస్తున్నారు.

అయితే అక్కడున్న సీసీ కెమెరాల్లో ఈ ప్రమాదానికి సంబంధించిన దృశ్యాలు రికార్డైయ్యాయి. ప్రస్తుతం ఆ వీడియోలు సోషల్‌ మీడియాలో వైరల్‌గా మారింది. ఈ వీడియో ప్రకారం.. అతివేగం కారణంగానే ప్రమాదం జరిగి ఉండవచ్చని పోలీసులు అనుమానం వ్యక్తం చేస్తున్నారు. అతివేగం కారణంగా తరచూ ఇలాంటి ప్రమాదాలు ఎన్ని జరుగుతున్న వాహనాలు నడిపేవారిలో మాత్రం ఎలాంటి మార్పు రావట్లేదు. ఇలా రోజూ ఏదో ఒక దగ్గర ప్రమాదాలు జరుగుతూనే ఉన్నాయి. ఇలాంటి ఘటనలను నివారించేలా పోలీసులు చర్యలు తీసుకోవాలని స్థానికులు కోరుతున్నారు.

వీడియో చూడండి..

నెల్లూరులోని శ్రీ వేణుగోపాలస్వామి కళాశాల మైదానం సమీపంలోని హైవేపై జరిగిన ఘోర రోడ్డు ప్రమాదంలో పలువురు ప్రాణాలు కోల్పోవడం అత్యంత విషాదకరం. నేను తరచుగా ప్రయాణించే ఈ మార్గంలో ఇలాంటి దుర్ఘటన జరగడం హృదయవిదారకం. మొక్కజొన్న కంకులు అమ్ముకునే వారితో పాటు వాటిని కొనుగోలు చేసేందుకు వచ్చిన… pic.twitter.com/g966cy0jSt

— Polamreddy Dineshreddy (@PolamReddyOffl) November 11, 2025

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి.