Kurnool: పుల్లారెడ్డి మిఠాయిల దుకాణంలో చోరీ.. నగదుతో పాటు స్వీట్స్‌ కూడా అపహరించుకెళ్లిన దొంగ..

సాధారణంగా దొంగలు విలువైన వస్తువులు, నగలు, డబ్బును అపహరిస్తారు. అయితే ఓ దుకాణంలోకి దూరిన దొంగ మిఠాయిలను దొంగలించాడు

Basha Shek |
Updated on: Dec 28, 2021 | 12:17 PM

సాధారణంగా దొంగలు విలువైన వస్తువులు, నగలు, డబ్బును అపహరిస్తారు. అయితే ఓ దుకాణంలోకి దూరిన దొంగ మిఠాయిలను దొంగలించాడు. నేతి మిఠాయిలకు పేరుగాంచిన కర్నూల్ పుల్లారెడ్డి స్వీట్స్ దుకాణంలో ఈ వింత చోరీ జరిగింది. రాజ్‌విహార్‌ సెంటర్‌లో ఉన్న మిఠాయిల దుకాణంలోకి దూరిన దొంగ అందులోని నగదుతో పాటు స్వీట్లను కూడా అపహరించుకెళ్లాడు. దొంగ దుకాణం షట్టర్స్‌ను పగలగొట్టి ఈ చోరికి పాల్పడినట్లు స్థానికులు చెబుతున్నారు.

కాగా చోరీ విషయం తెలుసుకున్న దుకాణం యజమానులు వెంటనే పోలీసులకు సమాచారం అందించారు. వారు సంఘటనా స్థలానికి చేరుకుని ప్రాథమిక ఆధారాలు సేకరించారు. అనంతరం దర్యాప్తు ప్రారంభించారు.