Andhra Pradesh News: రాంగ్‌ రూట్‌లో వస్తే ఢీకొడతావా?.. నీకెంత దమ్మురా అంటూ మహిళ వీరంగం.. షాకైన జనాలు..!

Andhra Pradesh News: రాంగ్‌ రూట్‌లో వస్తే ఢీకొడతావా?.. నీకెంత దమ్మురా అంటూ మహిళ వీరంగం.. షాకైన జనాలు..!

Andhra Pradesh News: డ్రైవింగ్ చేసేప్పుడు సరైన దారిలో వెళ్లిన వారికి తప్పు అవుతుందా? రాంగ్ రూట్‌లో వెళ్లిన వారిది తప్పు అవుతుందా?..

Shiva Prajapati

|

Feb 09, 2022 | 8:58 PM

Andhra Pradesh News: డ్రైవింగ్ చేసేప్పుడు సరైన దారిలో వెళ్లిన వారికి తప్పు అవుతుందా? రాంగ్ రూట్‌లో వెళ్లిన వారిది తప్పు అవుతుందా? ఈ విషయం ఎవరిని అడిగి రాంగ్ రూట్‌లో వెళ్లే వారిదే ముమ్మాటికి తప్పు అని కుండబద్దలు కొడతారు. కానీ, ఇక్కడ ఓ మహిళ మాత్రం తాను చేసిన తప్పును పట్టించుకోకుండా.. సరైన మార్గంలో వచ్చిన బస్సు డ్రైవర్‌ను చెడుగుడు ఆడేసుకుంది. అదేంటని ప్రశ్నించిన ప్రజలకు సైతం చుక్కలు చూపింది. రాంగ్ రూట్‌లో రావడమే కాకుండా నానా రభస చేసి.. ఇటు ప్రయాణికులకు, అటు వాహనదారులకు ఇబ్బందులు సృష్టించింది. ఈ ఘనట విజయవాడలో చోటు చేసుకుంది.

వివరాల్లోకెళితే.. విజయవాడ 5 రూట్‌లో ఓ మహిళ వీరంగం సృష్టించింది. స్కూటీపై రాంగ్ రూట్‌లో వచ్చిన మహిళ.. ఆర్టీసీ బస్సును ఢీకొట్టింది. పైగా తన స్కూటీనే గుద్దుతావా అంటూ బస్సు డ్రైవర్‌పై విరుచుకుపడింది. రాంగ్ రూట్‌లో వస్తే గుద్దుతావా? అంటూ బస్సు డ్రైవర్‌పై దాడి చేసింది. తప్పు ఎవరిదో తెలిసిన బస్సులోని ప్రయాణికులు.. ఆమెను అడ్డుకునేందుకు ప్రయత్నించారు. ఫుల్ ఫైర్ మీదున్న మహిళ.. ప్రయాణికులపైనా చిందులేసింది. ఇంజన్ బానిట్ ఎక్కి కాళ్లతో తన్నుతూ బండ బూతులు తట్టింది ఆ మహిళ. దాంతో పలువురు ఆమె వీరంగాన్ని ఫోన్‌లో వీడియో చిత్రీకరిస్తుండగా.. వారిని కూడా బెదిరించింది. డ్యూటీలో ఉన్న డ్రైవర్‌పై దాడి చేయడాన్ని ఆర్టీసీ సిబ్బంది, ప్రజలు తీవ్రంగా ఖండించారు. కాగా, మహిళ దాడిపై ఆర్టీసీ డ్రైవర్ సూర్యారవు పేట పోలీసులకు ఫిర్యాదు చేశారు. డ్రైవర్ ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నారు.

Also read:

వామ్మో.. గోడపైనుంచి ఇంట్లోకి జరజరా పాకుతూ భారీ కొండచిలువ !! వీడియో

Viral News: ఈ జంతువు కళ్లు పుర్రె మధ్యలో.. బాబోయ్‌ ఇది నిజంగా మేకేనా..?

రన్నింగ్ ట్రైన్ వెంట పరుగులు !! కాలు జారడంతో !! వీడియో

Follow us on

Related Stories

Most Read Stories

Click on your DTH Provider to Add TV9 Telugu