Andhra Pradesh: పెళ్లిలో అపశృతి.. మండపంలో మంటలు.. బాణాసంచా పడి పెళ్లి మండపం దగ్ధం
ఓ వైపు పెళ్లి జరుగుతోంది. ముహూర్తం సమంలో వరుడు తాళికడుతుండగా స్నేహితులు బాణాసంచా కాల్చారు. దాంతో బాణసంచా పూరిపాకపై పడడంతో మంటలు ఎగసిపడ్డాయి. ఆ మంటలు కాస్తా క్షణాల్లో పక్కనే ఉన్న పెళ్లి మండపంలోకి వ్యాపించాయి.
అల్లూరి జిల్లా పెళ్ళి వేడుకలో అపశ్రుతి చోటుచేసుకుంది. పెళ్లిలో కాల్చిన బాణాసంచా కాల్చుతుండగా అగ్నిప్రమాదం సంభవించింది. కొయ్యూరు మండలం చిట్టెంపాడులో ఈ ఘటన జరిగింది. స్థానిక సర్పంచ్ నూకాలమ్మ కుమారుడి వివాహం సందర్భంగా పెళ్లి మండపం సెట్టింగ్ వేశారు. ఓ వైపు పెళ్లి జరుగుతోంది. ముహూర్తం సమంలో వరుడు తాళికడుతుండగా స్నేహితులు బాణాసంచా కాల్చారు. దాంతో బాణసంచా పూరిపాకపై పడడంతో మంటలు ఎగసిపడ్డాయి. ఆ మంటలు కాస్తా క్షణాల్లో పక్కనే ఉన్న పెళ్లి మండపంలోకి వ్యాపించాయి.
వివాహ సెట్టింగ్ మొత్తం మంటలు వ్యాపించడంతో దగ్ధమైంది. దీంతో పెళ్లికొచ్చిన పెద్దలంతా పరుగులు తీశారు. ఈ ప్రమాదంలో పూరిపాక, టెంట్ హౌస్ సామాగ్రి మొత్తం బుగ్గిపాలయ్యాయి. మంటలు చెలరేగగానే జనం అంతా అప్రమత్తమయ్యారు. అందరూ కలిసి మంటలు ఆర్పే ప్రయత్నం చేశారు. ఈ ప్రమాదంలో ఎవరికీ ఎలాంటి ప్రాణ నష్టం జరగకపోవడంతో అంతా ఊపిరి పీల్చుకున్నారు.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..
