అమెరికాలో స్కూల్లో కాల్పుల కలకలం.. ముగ్గురు మృతి, భారత్ పై అణ్వాయుధాలు వేసి ట్రంప్ ను చంపండి..
అమెరికాలో మిన్నియాపాలిస్లోని ఒక పాఠశాలలో ఒక దుండగుడు బీభత్సం సృష్టించాడు. కాల్పులను జరిపాడు. ఈ కాల్పుల్లో ముగ్గురు పిల్లలు మరణించగా.. చాలా మంది గాయపడ్డారు. కాల్పుల తర్వాత దాడి చేసిన వ్యక్తి ఆత్మహత్య చేసుకున్నాడు. అతని తుపాకీపై యూదు వ్యతిరేక, ట్రంప్ వ్యతిరేక సందేశంతో పాటు ఇతర రెచ్చగొట్టే సందేశాలు వ్రాయబడ్డాయి. సంఘటనకు ముందు అతను సోషల్ మీడియాలో ఆయుధాల గురించి, రెచ్చగొట్టే సందేశాలు కనిపించే వీడియోలను కూడా పోస్ట్ చేశాడు.
Updated on: Aug 28, 2025 | 11:11 AM
అమెరికాలోని మిన్నియాపాలిస్లోని ఒక పాఠశాలలో బుధవారం జరిగిన కాల్పుల ఘటనలో ముగ్గురు పిల్లలు మరణించారు. దీనితో పాటు చాలా మంది గాయపడ్డారు. గాయపడిన వారిలో 14 మంది 6 నుంచి 15 సంవత్సరాల వయస్సు గల పిల్లలని, వారు బతికే అవకాశం ఉందని పోలీసులు తెలిపారు. 80 ఏళ్లు పైబడిన ముగ్గురు పర్షియన్లు కూడా గాయపడ్డారు. ఈ కాల్పుల ఘటన తర్వాత నిందితుడు ఆత్మహత్య చేసుకున్నాడు, అతని నుంచి స్వాధీనం చేసుకున్న తుపాకీ గురించి షాకింగ్ సమాచారం వెలుగులోకి వచ్చింది. దీనితో పాటు ఈ సంఘటనకు ముందు.. అతను సోషల్ మీడియాలో అనేక వీడియోలను పోస్ట్ చేసినట్లు అధికారులు గుర్తించారు.
మిన్నియాపాలిస్లో కాల్పులు జరిపిన యువకుల తుపాకిపై ‘న్యూక్ ఇండియా’ , ‘మాషా అల్లా’ అని రాసి ఉంది. కాల్పులు జరిపిన వ్యక్తిని రాబిన్ వెస్ట్మన్గా గుర్తించారు. న్యూయార్క్ పోస్ట్ ప్రకారం దాడి చేసిన వ్యక్తి ఈ సంఘటనకు ముందు సోషల్ మీడియాలో కొన్ని వీడియోలను విడుదల చేశాడు.
తుపాకీపై ట్రంప్ గురించి మిన్నియాపాలిస్ కాల్పులు జరిపిన వ్యక్తి తుపాకీ మ్యాగజైన్ పై అమెరికన్ వ్యతిరేక పదాలు కూడా రాసి ఉన్నాయి. అందులో ‘డోనాల్డ్ ట్రంప్ ను చంపండి’ అనే సందేశంతో పాటు ‘ఇజ్రాయెల్ పతనం తప్పదు’ అనే సందేశాలు కూడా ఉన్నాయి. మిన్నియాపాలిస్ దాడికి కొన్ని గంటల ముందు విడుదలైన వీడియోలో.. షూటర్ రాబిన్ వెస్ట్మన్కు చెందినదిగా భావిస్తున్న తుపాకీ మ్యాగజైన్లో యూదు వ్యతిరేక, ట్రంప్ వ్యతిరేక సందేశాలు కనిపిస్తున్నాయి. నివేదికల ప్రకారం ఈ వీడియో వెస్ట్మన్ యూదు వ్యతిరేక భావజాలాన్ని కూడా హైలైట్ చేస్తుంది. అతని పరికరాలపై యూదు వ్యతిరేక సందేశాలు Kill Donald Trump, kill Trump now, Israel must fall, Burn Israel, అని రాసి ఉన్నట్లు గుర్తించారు. మరో గన్ పై Nuke India అని రాసి ఉన్నట్లు గుర్తించారు.
దాడి చేసిన వ్యక్తి స్వయంగా వీడియోను విడుదల చేశాడు. పాఠశాలలోని విద్యార్థులపై కాల్పులు జరిపిన వ్యక్తి దాడికి ముందు కొన్ని వీడియోలను విడుదల చేశాడు. అవి ఇప్పుడు సోషల్ మీడియాలో ఎక్కువగా వైరల్ అవుతున్నాయి. వైరల్ వీడియోలో వెస్ట్మన్ తుపాకీ మ్యాగజైన్ను చూపిస్తున్నాడు. దానిపై “పిల్లల కోసం”, “డోనాల్డ్ ట్రంప్ను చంపండి”, “మీ దేవుడు ఎక్కడ?” వంటి పదాలు వ్రాయబడ్డాయి. న్యూయార్క్ పోస్ట్ ప్రకారం దాడికి కొన్ని గంటల ముందు నిందితుడు రకరకాల వీడియోలను రిలీజ్ చేశాడు. మరొక వీడియో ఆయుధాల నిల్వను చూపిస్తుంది. దానిలో అనేక రైఫిల్స్ , షాట్గన్ కనిపిస్తున్నాయి.
ఆడమ్ లాంజా కూడా గన్ గురించి ప్రస్తావించాడు దాడి చేసిన వ్యక్తి విడుదల చేసిన వీడియోలో ఆడమ్ లాంజా పేరు కూడా ప్రస్తావించబడింది. డిసెంబర్ 2012లో కనెక్టికట్లోని శాండీ హుక్ ఎలిమెంటరీ స్కూల్లో విచక్షణారహితంగా కాల్పులు జరిపి 6 నుంచి 8 సంవత్సరాల వయస్సు గల 20 మంది పిల్లలు, 6 మంది పెద్దలను చంపిన వ్యక్తి ఆడమ్ లాంజా. ఇది ఇప్పటివరకు అమెరికన్ పాఠశాలల్లో జరిగిన అత్యంత భయంకరమైన సంఘటనలలో ఒకటిగా పరిగణించబడుతుంది. తాజా కాల్పుల్లో ఆడమ్ లాంజా ప్రస్తావన తర్వాత.. దర్యాప్తు సంస్థలు అప్రమత్తమయ్యాయి.
మరిన్ని అంతర్జాతీయ వార్తల కోసం ఇక్కడ క్లిక్ చేయండి..
