Travel: ఆ ఎయిర్ పోర్టులో ప్రయాణీకులకు సరికొత్త రూల్స్.. ఇకపై నో పాస్ పోర్టు, టికెట్.. ఎందుకంటే
ఆ దేశంలో పాస్ పోర్టు, టికెట్ వంటివి వాటితో పని లేకుండానే ఎంచక్కా ప్రయాణించేయవచ్చట. అక్కడ మీ ముఖమే ఒక బోర్డింగ్ పాస్ అట. అవునండీ మీరు చదువుతున్నది నిజమే.
Updated on: Dec 21, 2022 | 6:39 PM
సాధారణంగా ఒక దేశం నుంచి మరో దేశానికి ప్రయాణం చేయాలంటే పాస్ పోర్ట్, వీసా, కావాలి విమాన టికెట్ వంటివి తప్పనిసరి. అయితే ఆ దేశంలో పాస్ పోర్టు, టికెట్ వంటివి వాటితో పని లేకుండానే ఎంచక్కా ప్రయాణించేయవచ్చట. అక్కడ మీ ముఖమే ఒక బోర్డింగ్ పాస్ అట. అవునండీ మీరు చదువుతున్నది నిజమే. యూఏఈ లోని అబుదాబీ ఎయిర్ పోర్టులో బయోమెట్రిక్ సేవలు అందుబాటులోకి వచ్చాయి. దీంతో ప్రయాణికులు వారి ముఖాలు చూపిస్తే చాలు ఎయిర్ పోర్టులో బోర్డింగ్ పాస్ వచ్చేస్తుంది.
ఎయిర్ పోర్టులో పలు చోట్ల..
అబుదాబీ ఎయిర్ పోర్టులో దీని కోసం పలు చోట్ల ఫేస్ రికగ్నైజేషన్ మిషన్లను ఏర్పాటు చేశారు. సెల్ఫ్ సర్వీస్ బ్యాగేజ్ టచ్ పాయింట్లు, ఇమ్మిగ్రేషన్ ఈ గేట్స్, బోర్డింగ్ గేట్స్ వద్ద ఇవి అందుబాటులో ఉంచారు. ఆయా చోట్ల ప్రయాణికుల ముఖాలను క్యాప్చర్ చేయడానికి హైటెక్ బయోమెట్రిక్ కెమెరాలు ఎయిర్ పోర్టులో అమర్చారు.
మొదటి పూర్తి స్థాయి ఎయిర్ పోర్టు..
ఈ అడ్వాన్స్ డ్ ఆర్టిఫీషియల్ ఇంటెలిజెన్స్ టెక్నాలజీ ని అబుదాబీలోని ఎన్ఈఎక్స్ టీ50 టెక్ కంపెనీ తయారు చేసింది. ఐడీఈఎంఐఏ, ఎస్ఐటీఏ సహకారంతో ఆ కంపెనీ దీనిని ఎయిర్ పోర్టుతో దీనిని లాంచ్ చేసింది. దీంతో ఈ వ్యవస్థ కలిగి తొలి అంతర్జాతీయ విమానాశ్రయంగా అబుదాబీ ఎయిర్ పోర్టు నిలిచింది. ఈ సందర్భంగా ఎన్ఈఎక్స్ టీ50 సీఈఓ ఇబ్రహీం అల్ మన్నే మాట్లాడుతూ ఎమిరేట్స్ డిజిటల్ ట్రాన్స్ ఫర్మేషన్ విజన్ లో భాగంగా తాము ఈ ఆర్టిఫీషియల్ ఇంటెలిజెన్స్ కూడిన బయోమెట్రిక్ వ్యవస్థకు రూపకల్పన చేసి అందుబాటులోకి తీసుకొచ్చినట్లు చెప్పారు. ఇది పూర్తి స్థాయిలో అందుబాటులో వస్తే ప్రయాణికులకు మరింత ప్రయోజనం చేకూరుతుందని చెప్పారు.
మరిన్ని అంతర్జాతీయ వార్తల కోసం క్లిక్ చేయండి..
