Plane Crash: ఢీకొన్న వాయుసేన విమానాలు.. ముగ్గురు మృతి

Plane Crash: రెండు వాయుసేన విమానాలు ఢీకొన్న ఘటన సౌత్ కొరియాలో(South Korea) చోటుచేసుకుంది. ఈ ఘటనలో ముగ్గురు మృతిచెందారు(Dead). ఒకరికి తీవ్ర గాయాలు కావటంతో ప్రస్తుతం చికిత్స పొందుతున్నారు. ఘటన జరిగిన తర్వాత సచియాన్​ నగరానికి సమీపంలోని లోయ ప్రాంతంలో ఈ విమానాలు కూలినట్లు అక్కడి అధికారులు వెల్లడించారు. సహాయక చర్యల కోసం మూడు హెలికాప్టర్లు, 20 వాహనాలతో పాటు కొంతమంది సిబ్బందిని అధికారులు ప్రమాద స్థలానికి తరలించారు. ఈ ప్రమాదం వల్ల ఘటనాస్థలం వద్ద ఎవరైనా స్థానికులు ప్రాణాలు కోల్పోయారా అనే విషయంపై తమకు ఎలాంటి సమాచారం అందలేదని పేర్కొన్నారు.

KT-1 మోడల్​కు చెందిన ఈ విమానాలను శిక్షణ కోసం ఉపయోగిస్తున్నట్లు తెలుస్తోంది. శిక్షణా సమయంలో గాల్లో చెక్కర్లు కొడుతున్న సమయంలో ప్రమాదం సంభవించినట్లు సంబంధిత అధికారులు వెల్లడించారు. ఈ మోడల్ విమానాల్లో కేవలం ఇద్దరు మాత్రమే ప్రయాణించేందుకు అవకాశం ఉంటుంది. అసలు ప్రమాదానికి కారణం ఏమిటి అన్న విషయం తెలియాల్సి ఉంది. ఈ తరుణంలో ఘటనకు సంబంధించిన కారణాలను తెలుసుకునేందుకు వాయుసేన తన దర్యాప్తును కొనసాగిస్తోంది. దీని వెనుక సాంకేతిక కారణాలు ఉన్నాయా లేక ఇతర కారణాల వల్ల ఇలా జరిగిందా అనే కోణంలో దర్యాప్తు చేస్తున్నారు.  ఈ ప్రమాదానికి ముందు జనవరిలో కూడా దక్షిణ కొరియా వాయుసేనకు చెందిన ఓ విమానం ప్రమాదానికి గురైన విషయం మనకు తెలిసిందే. గతంలో F​-5E రకానికి చెందిన విమానం కొండను ఢీకొనడం వల్ల పైలట్​ ప్రాణాలు కోల్పోయాడు. వరుస ప్రమాదాలను సీరియస్ గా తీసుకున్న సౌత్ కొరియన్ అధికారులు పూర్తి స్థాయిలో విచారణ చేస్తున్నట్లు స్పష్టం చేశారు. సాంకేతిక సాక్ష్యాలను సేకరించే పనిలో ఉన్నట్లు వెల్లడించారు.

ఇవీ చదవండి..

Market News: నెల ఆరంభంలో పాజిటివ్ గా ప్రారంభమైన సూచీలు.. స్వల్ప లాభాల మధ్య సాగుతున్న ట్రేడ్..

Mahindra: నూతన సాంకేతికతలోకి అడుగుపెట్టిన మహీంద్రా గ్రూప్.. ఆనంద్ మహీంద్రా ప్రకటన..