Sher Bahadur Deuba: నేపాల్‌ కొత్త ప్రధానిగా షేర్‌ బహదూర్‌ డ్యూబా.. శుభాకాంక్షలు తెలిపిన మోదీ

Nepal PM Sher Bahadur Deuba: నేపాల్‌ ప్రధానమంత్రిగా షేర్‌ బహదూర్‌ డ్యూబా అధికారికంగా ఎన్నికయ్యారు. నేపాల్ కోర్టు ఆదేశాల అనంతరం ఈ నెల 12న నేపాల్ కాంగ్రెస్ చీఫ్ షేర్ బహదూర్ డ్యూబాను ప్రధానిగా నియమితులయ్యారు. దీంతోపాటు కేపీ శర్మ ఓలి మే 21న రద్దు చేసిన ప్రతినిధుల సభను కూడా నేపాల్ కోర్టు పునరుద్ధరించింది. ఈ క్రమంలో ఆదివారం ఖాట్మాండులోని ఆ దేశ పార్లమెంట్‌లో జరిగిన విశ్వాస పరీక్షలో ఆయన నెగ్గారు. మొత్తం 275ఓట్లలో ఈ పరీక్షలో ఉత్తీర్ణత సాధించడానికి 136ఓట్లు సాధించాల్సి ఉంది.

అయితే.. షేర్‌ బహదూర్‌ డ్యూబా 165 ఓట్లను గెలుచుకున్నారు. 83 ఓట్లు మాత్రమే ఆయనకు వ్యతిరేకంగా వచ్చాయి. 249 మంది ఎంపీలు ఈ ఓటింగ్‌లో పాల్గొన్నారు. నేపాలీ కాంగ్రెస్, సిపిఎన్ మావోయిస్ట్ సెంటర్, జనతా సమాజ్ వాదీ పార్టీ-నేపాల్ ఎంపీలు డ్యూబాకు అనుకూలంగా ఓటు వేశారు. కాగా.. గతంలో షేర్ బహదూర్ డ్యూబా నేపాల్‌ ప్రధానిగా నాలుగుసార్లు పని చేశారు. 75 షేర్ బహదూర్ డ్యూబా ఈ పదవీ చేపట్టడం ఐదోసారి.

ఇదిలాఉంటే.. నేపాల్ ప్రధానిగా ఎన్నికైన షేర్‌ బహదూర్‌ డ్యూబాను భారత ప్రధానమంత్రి నరేంద్రమోదీ శుభాకాంక్షలు తెలియజేశారు. ఈ మేరకు మోదీ ట్విట్ చేశారు. అన్ని రంగాల్లో ఆయనతో కలిసి భాగస్వామ్యాన్ని కొనసాగించడానికి.. రెండు దేశాల మధ్య ప్రజా సంబంధాలను మరింత బలోపేతం చేయడానికి సిద్ధంగా ఉన్నానంటూ ప్రధాని మోదీ ట్వీట్‌ చేశారు.

“I look forward to working with you to further enhance our unique partnership in all sectors, and strengthen our deep-rooted people-to-people ties,” tweets PM Modi as he congratulates Nepal PM Sher Bahadur Deuba for winning vote of confidence pic.twitter.com/9Ptn9i4MxB

— ANI (@ANI) July 18, 2021

Also Read:

ఆఫ్గనిస్తాన్ లో ఇండియా నిర్మిస్తున్న కట్టడాలను టార్గెట్ చేయాలని తాలిబన్లకు పాక్ ఐఎస్ఐ ఆదేశాలు..

Shocking viral video: మొసలి పంటితో బీర్ క్యాన్ ఓపెన్ చేశాడు.. ఈ వీడియో చూస్తే మీరు కూడా షాక్ అవుతారు..