Ghost Stories: అందమైన ఆ హోటల్ లో డెత్ మిస్టరీలు .. మూసిన తలుపులు వెనుక దెయ్యాల అరుపులు..

Mysteries Springs Hotel: ప్రపంచంలో అనేక వింతలు విశేషాలు.. సైన్స్ సైతం చేదించలేని మిస్టరీలు. ఆ మిస్టరీల హిస్టరీపై ఆసక్తి సర్వత్రా ఆసక్తి … సర్వసాధారణం. అయితే కొన్ని వింతలు గురించి వింటే.. వాటి గురించి పూర్తిగా తెలుసుకునేవరకూ నిద్రకూడా పట్టదు.. అలాంటి వింత హోటల్ గురించి ఈరోజు మనం తెలుసుకుందాం.. అక్కడ ఉన్న హోటల్ లో కొన్ని డోర్లు మూసి.. కొన్నిసంవత్సరాలవుతుంది. ఇప్పటికీ ఆ మూసిన డోర్లను తెరచి సాహసం ఎవరూ చేయలేకపోతున్నారు. ఎందుకంటే దైర్యం చేసి.. ఆ తలపులను తెరిస్తే.. ఏమైనా ప్రమాదం జరిగితే .. అన్న అనుమానంతో ఎవరూ అక్కడ డోర్ల వెనుక ఉన్న మిస్టరీని చేధించే ప్రయత్నం చేయడం లేదు.. ఆ హోటల్ సుందర దేశం కెనడాలో ఉంది.

కెనడాలో విదేశీయులను ఆకట్టుకుని.. టూరిజంను అభివృద్ధి చేయడానికి 1888 లో ఓ హోటల్ కట్టారు. ఈ హోటల్ బాన్ఫ్ నేషనల్ పార్క్‌‌లోని ఓ పెద్ద కొండమీద నిర్మించారు. ఈ హోటల్ పేరు ‘ఫెయిర్మాంట్ బాన్ఫ్ స్ప్రింగ్స్’. అయితే ఈ హోటల్ స్ప్రింగ్స్ హోటల్‌‌ గా ఫేమస్ అయ్యింది. ఈ హోటల్‌‌ లో బస చేసిన ప్రయాణికులు పచ్చని ప్రకృతి అందాలను ఆస్వాదించవచ్చు. ఇక హోటల్ కూడా బయటనుంచి ఎంతో అందంగా కనిపిస్తుంది. అయితే ఇన్నేళ్ళుగా ఈ హోటల్‌‌లో ఇప్పటికీ సాల్వ్‌‌ చేయని ఒక రహస్యం ఉంది.

ఈ హోటల్‌‌లో దెయ్యాలున్నాయని .. ముఖంగా 873 వ రూమ్ లో ఉన్న తాము చాలా ఇబ్బందులు ఎదుర్కొన్నామని చాలా మంది చెప్పారు. ఈ రూమ్ కు దెయ్యాలు ఉన్న రిలేషన్ ఏమిటంటే.. 1928లో ఒక జంట, ఇద్దరు పిల్లలతో ఈ హోటల్ లోని 873 రూమ్ లో బస చేశారు. ఆ ఫ్యామిలీ ఆ రోజంతా సంతోషంగా గడిపారు.. చుట్టుపక్కల ప్రాంతాలను సందర్శించారు. రాత్రి ఆ రూమ్ లో నిద్రపోయారు.. తెల్లవారి లేచి చూసేసరికి ఆ రూమ్ లో ఉన్న ఒక్కరు కూడా ప్రాణాలతో బతికి లేరు.

దీంతో ఈ మరణాలపై దర్యాప్తు చేస్తే.. హోటల్ లో దిగిన వ్యక్తి తన భార్యను, పిల్లలనుచంపి.. తర్వాత తాను ఆత్మహత్య చేసుకున్నట్లు తెలిసింది. ఎందుకు ఆలా చంపాడు అనేది ఇప్పటికీ మిస్టరీనే. కొన్ని రోజుల పాటు ఆ రూమ్‌‌ని మూసేశారు. కొన్నాళ్ల తర్వాత రూమ్ ను యధావిధిగా టూరిస్టులకు ఇచ్చారు.. అయితే ఆ రూమ్ లో దిగిన ప్రతి ఒక్కరికీ ఏదొక సమస్య వచ్చింది. ఆ రూమ్ లో అర్ధరాత్రి సమయంలో అరుపులు వినిపించేవని.. నిద్ర పట్టెది కాదని.. తమను తరిమి కొట్టినట్లు అనిపిస్తుందని 873 రూమ్ లో బస చేసిన పర్యాటకులు చెప్పారు. దీంతో అక్కడ ఆ కుటుంబం దెయ్యాలుగా మారి నివాసం ఉంటున్నారని నమ్మకం అందరిలో బలపడింది. దీంతో ఆ హోటల్ లో ఆ రూమ్ ని క్లోజ్ చేయడమే కాదు.. రూమ్ నెంబర్ కూడా కనిపించకుండా స్టిక్కర్స్ వేశారు. నిజంగా ఆ రూమ్ లో దెయ్యాలున్నా లేవా అనేది ఇంకా మిస్టరీనే.. ఇదే హోటల్ లో మరొక దారుణ ఘటన కూడా జరిగింది.. ఆ హోటల్ లో పెళ్లి చేసుకోవడానికి వచ్చిన ఓ పెళ్లి కూతురు మెట్ల మీద నుంచి జారిపడిపోయింది. అప్పటి నుంచి ఆ ఫంక్షన్ హల లో వింత శబ్దాలు, అరుపులు వినిపిస్తున్నాయని అక్కడ పనిచేస్తున్నవారు చెబుతున్నారు. ఇన్ని దెయ్యాలు కథలున్నా ఈ హోటల్ కు ఆదరణ బాగానే ఉంటుంది. పర్యాటకులు ఈ హోటల్ లో బస చేయడానికి ఆసక్తి చూపిస్తూనే ఉన్నారు.

Also Read: టెన్త్, ఇంటర్ పాసైన నిరుద్యోగులకు గుడ్ న్యూస్.. మంచి జీతంతో ప్రభుత్వ ఉద్యోగానికి నోటిఫికేషన్