భూమికి దగ్గరగా దూసుకువస్తున్న మరో గ్రహాశకలం..!

అదిగో యుగాంతం… ఇదిగో మహా ప్రళయం.. మరికొన్ని రోజుల్లో అండ పిండ బ్రహ్మాండమంతా మటాష్‌ అంటూ చెప్పిందే చెప్పుకొస్తున్నారని అని విసుక్కోకపోతే తాజాగా నాసా ఏం చెప్పిందో ఓసారి తెలుసుకుందాం! ఓ ఆస్టరాయిడ్‌ భూమ్మీదకు రయ్యిమంటూ వస్తున్నదట! రెండేళ్ల కిందటే ఈ గ్రహశకలాన్ని నాసా గుర్తించిందట! అన్నట్టు దీనికి 2018VP1 అన్న పేరు కూడా ఉంది.. వచ్చే నవంబర్‌లో భూమిని తాకబోతున్నదట! ఈ ‘ట’లు ఎందుకంటే నాసాకే క్లారిటీ లేదు.. నవంబర్‌ రెండున భూమికి అత్యంత దగ్గరగా.. అంటే 482 కిలోమీటర్ల దూరం నుంచి వెళుతుందని చెబుతోంది నాసా. అలా భూమి నుంచి అల్లంత దూరం నుంచి వెళితే మట్టుకు ఏ ప్రమాదమూ లేదు.. సపోజ్‌ పర్‌ సపోజ్‌ భూమిని తాకితే మట్టుకు ప్రళయమేనని అంటోంది నాసా. భూమిని ఢీకొట్టే ఛాన్స్‌ పాయింట్‌ 41 శాతమేనని కూడా చెప్పింది.. ఇలాగే కొన్ని రోజుల కిందట కూడా ఓ గ్రహశకలం భూమికి దగ్గరగా వచ్చేసి తన మానాన తను వెళ్లిపోయింది.. ఇప్పుడూ అదే జరగవచ్చు…