రియల్ స్పైడర్ మ్యాన్.. గంటలో 58 అంతస్తుల బిల్డింగ్ అవలీలగా ఎక్కేశాడు.. వీడియో వైరల్..

యావత్ ప్రపంచవ్యాప్తంగా ఎక్కువ అభిమానులను సొంతం చేసుకుంది స్పైడర్ మ్యాన్ సీరిస్. చిన్న పిల్లల నుంచి పెద్దవాళ్ళ వరకు ఈ సీరిస్‏కు ఉన్న క్రేజ్ మాములు కాదు. అయితే తాజాగా ఓ యూట్యూబర్ చేతులతో గంటల వ్యవధిలో 58 అంతస్తుల బిల్డింగ్‏ను చకచక ఎక్కేశాడు. ప్రస్తుతం దీనికి సంబంధించిన వీడియోలో సోషల్ మీడియాలో తెగ వైరల్ అవుతున్నాయి. ఈ వీడియో చూసిన నెటిజన్స్ రియల్ స్పైడర్ మ్యాన్ అంటూ కామెంట్స్ చేస్తున్నారు. వివరాల్లోకెళితే.. అథ్లెట్ లియో అర్బన్ శనివారం ఎలాంటి భద్రతా సామాగ్రి లేకుండా కేవలం తన చేతులతో పారిస్ మోంట్ పార్నాస్సేలోని 58 అంతస్తుల భవనాన్ని ఎక్కాడు. అర్బన్ ఆ బిల్డింగ్‏ను కేవలం గంటలోపే సులువుగా ఎక్కేశాడు. అతడు చేసిన ఈ సాహసాన్ని అక్కడున్నవాళ్ళు వీడియో తీసి సోషల్ మీడియాలో షేర్ చేసారు.

కాగా అర్బన్ గతంలో ఈఫిల్ టవర్, టూర్ టీ1, అరియాన్ ఆకాశహర్మ్యాలు అధిరోహించాడు. తాజాగా ఫ్రెంచ్ రాజధాని పారిస్‏లో 210 మీటర్ల ఎత్తైన భవనాన్ని ఎక్కిన చిత్రాలను ఇన్‏స్టాగ్రామ్‏లో పోస్ట్ చేశాడు. ఈ ఫీట్ చేయడానికి ముందు తాను ఎన్నో వారాల నుంచి ప్రాక్టీస్ చేస్తున్నానని.. తన జీవితంలో అత్యంత క్లిష్టమైన ఫీట్ ఇదేనని అర్బన్ తెలిపాడు.

Il y a quelqu’un sur #Montparnasse pic.twitter.com/dsIjtbQ76f

— Jérémy Descours (@JeremyDescours) December 5, 2020