పాక్ రాజకీయాల్లో మరోసారి సంచలనం.. జైలులో ఉండే కొత్త స్కెచ్ వేసిన ఇమ్రాన్ ఖాన్!

జైలు శిక్ష అనుభవిస్తున్న పాకిస్తాన్ మాజీ ప్రధాని ఇమ్రాన్ ఖాన్, మరోసారి పాక్ రాజకీయాల్లో చట్రం తిప్పేందుకు సిద్ధమయ్యారు. ప్రధానమంత్రి షాబాజ్ షరీఫ్‌ తోపాటు ఆర్మీ చీఫ్ అసిమ్ మునీర్‌పై పెద్ద ఎత్తుగడ వేశారు. భారతదేశం పేరుతో ఇమ్రాన్ ఈ ట్రిక్ ప్లే చేశాడు. ఇమ్రాన్ ఖాన్ ఈ చర్య విజయవంతమైతే పాకిస్తాన్ రాజకీయాల్లో ఇది పెద్ద ఆట అవుతుందని చెబుతున్నారు రాజకీయ విశ్లేషకులు.

పాకిస్తాన్ వార్తాపత్రిక ఎక్స్‌ప్రెస్ ట్రిబ్యూన్ ప్రకారం, ఇమ్రాన్ ఖాన్ అడియాలా జైలు నుండి ఒకేసారి రెండు సందేశాలను పంపారు. అతను మొదటి సందేశాన్ని ప్రస్తుతం లండన్‌లో ఉన్న తన ఇద్దరు కుమారులకు పంపాడు. రెండవ సందేశం ఇమ్రాన్ ప్రకటనలపై వార్తలు రాసే పాకిస్తాన్ జర్నలిస్టులకు పంపారు.

ఇమ్రాన్ సందేశాలు రెండూ ఏమిటో తెలుసుకోండి?

1. పాకిస్తాన్ ప్రభుత్వం కాల్పుల విరమణను సంబరాలు జరుపుకుంటోందని, కానీ ఉద్రిక్తతలో మానసిక యుద్ధం చేయడంలో ప్రభుత్వం విఫలమైందని ఇమ్రాన్ ఖాన్ ఆరోపించారు. యుద్ధ పరిస్థితిలో 60 శాతం యుద్ధం మానసికంగా జరుగుతుందని ఇమ్రాన్ ఖాన్ గుర్తు చేశారు. ఇందులో భారతదేశం ముందంజలో ఉందని మాజీ ప్రధాని అంటున్నారు. భారతదేశం మళ్ళీ దాడికి సిద్ధమవుతోంది. ఈ విషయం తెలిసినా, పాకిస్తాన్ పాలకులు సంబరాలు చేసుకుంటున్నారు. ఈ ప్రభుత్వానికి వ్యతిరేకంగా ప్రజలు బలంగా ముందుకు రావాల్సిన అవసరం ఉందని ఇమ్రాన్ పేర్కొన్నారు.

2. ఇమ్రాన్ ఖాన్ తన రెండవ సందేశాన్ని లండన్‌కు పంపారు. ఇందులో, తన విడుదల కోసం తన ఇద్దరు కుమారులు తమ స్వరాన్ని పెంచాలని ఆయన కోరారు. ఇమ్రాన్ సందేశం అందిన తరువాత, లండన్‌లో కూర్చున్న అతని ఇద్దరు కుమారులు చురుగ్గా మారారు. ఇమ్రాన్ కుమారులు ఇద్దరూ ఇంటర్వ్యూలు ఇచ్చి, పాకిస్తాన్‌లో ప్రజాస్వామ్యం విషయంలో జోక్యం చేసుకోవాలని ప్రపంచ దేశాలను కోరారు.

ఇమ్రాన్ ఖాన్ జైలుకు వెళ్ళిన తర్వాత మొదటిసారిగా, అతని ఇద్దరు కుమారులు చురుకైన పాత్ర పోషిస్తున్నారు. ఇమ్రాన్ కుమారులు ఇద్దరూ తమ తండ్రి కోసం సుదీర్ఘ పోరాటం చేస్తామని చెప్పారు. పాకిస్తాన్‌లో ప్రజాస్వామ్యం లేదని ఇమ్రాన్ కుమారులు ఇద్దరూ ఇంటర్వ్యూలో అన్నారు. తన తండ్రిని జైలు నుండి బయటకు తీసుకురావాలనుకుంటున్నానని, మేము అన్ని దేశాల నుండి సహాయం కోరుతున్నామన్నారు. ప్రపంచం నుండి పాకిస్తాన్ ముసుగును తొలగించడానికి మేము కృషి చేస్తామన్నారు.

రాబోయే కాలంలో, ఇమ్రాన్ కుమారులు ఒక ప్రచారాన్ని నిర్వహిస్తారని,తన మద్దతుదారులను సోషల్ మీడియాలో కనెక్ట్ చేస్తారని, తద్వారా ప్రభుత్వానికి వ్యతిరేకంగా తిరుగుబాటు తలెత్తుతుందని విశ్లేషకులు చెబుతున్నారు. జైలులో ఉన్నప్పటికీ, ఇమ్రాన్ మద్దతుదారుల సంఖ్యలో ఏమాత్రం తగ్గుదల లేదు. ఖైబర్, సింధ్, గిల్గిట్ వంటి ప్రాంతాలలో ఇమ్రాన్ పార్టీ చాలా ప్రభావవంతంగా పని చేస్తోంది. పాక్‌పై భారత్ దాడి తర్వాత వీధుల్లోకి వచ్చిన నిరసన ర్యాలీలు సైతం నిర్వహించారు.

 మరిన్ని అంతర్జాతీయ వార్తల కోసం ఇక్కడ క్లిక్ చేయండి..