News9 Global Summit : వ్యవసాయ రంగంలో AI వినియోగాన్ని విశ్లేషించిన జర్మనీ మంత్రి సెమ్ ఓజ్డెమిర్‌

Cem Ozdemir

భారతదేశంలోని ప్రముఖ న్యూస్ నెట్‌వర్క్ టీవీ9 నిర్వహిస్తున్న న్యూస్9 గ్లోబల్ సమ్మిట్ రెండవ రోజు శుక్రవారం ప్రారంభమైంది. రెండవ రోజు జర్మనీ ఆహార, వ్యవసాయ మంత్రి సెమ్ ఓజ్డెమిర్‌తో సెషన్ ప్రారంభమైంది. ఆయన పలు విషయాలపై తన అభిప్రాయాన్ని వ్యక్తం చేశారు. ఆర్టిఫిషియల్ ఇంటెలిజెన్స్ సహాయంతో వ్యవసాయ రంగాన్ని ముందుకు తీసుకువెళ్లడంపై ఆయన మాట్లాడారు. ఏఐతో వ్యవసాయ రంగంలో ఇరు దేశాలు పరస్పరం సహకరించుకోవచ్చని ఆయన అన్నారు. అతను తన ఇండో-జర్మన్ సంబంధాలతో పాటు ఏయే విషయాల గురించి మాట్లాడారో ఇప్పుడు తెలుసుకుందాం…

వ్యవసాయ రంగంలో AI సహాయం

న్యూస్9 గ్లోబల్ సమ్మిట్‌లో జర్మనీ ఆహార, వ్యవసాయ మంత్రి సెమ్ ఓజ్డెమిర్ మాట్లాడుతూ.. భారతదేశం ప్రపంచంలోనే బలమైన ఆర్థిక శక్తిగా  ముందుకెళ్తోందని చెప్పారు. ఇప్పుడు టెక్నాలజీ పరంగా భారతదేశం చాలా అభివృద్ధి చెందిందన్నారు. భారత్, జర్మనీ మధ్య చాలా మంచి సంబంధాలు ఉన్నాయని చెప్పారు. అంతేకాకుండా పలు రంగాల్లో పరస్పరం సహకరించుకుంటున్నామన్నారు. రానున్న రోజుల్లో భారత్, జర్మనీలు మరెన్నో రంగాల్లో పరస్పరం సహకరించుకోగలవని ఆయన అన్నారు. ఆర్టిఫిషియల్ ఇంటెలిజెన్స్ గురించి మాట్లాడుతూ, వ్యవసాయ రంగంలో రెండు దేశాలు AIని ఉపయోగించుకోవచ్చని చెప్పారు. అలా చేయడం వల్ల మెరుగైన ఫలితాలు ఉంటాయన్నారు. రెండు దేశాల మధ్య వ్యవసాయ వాణిజ్యాన్ని విస్తరించడంపై ఆయన ప్రముఖుంగా మాట్లాడారు.

ఈ అంశాలపై కూడా

భారతదేశం, యూరప్ మధ్య ఇప్పుడు స్వేచ్ఛా వాణిజ్య ఒప్పందం జరగాలని ఆహార, వ్యవసాయ మంత్రి సెమ్ ఓజ్డెమిర్ అన్నారు. ఇది రెండు ప్రాంతాలకు చాలా ముఖ్యమైన పనిగా చెప్పారు. మరోవైపు, పునరుత్పాదక ఇంధనంపై భారత్, జర్మనీ రెండూ పరస్పరం సహకరించుకోవచ్చన్నారు. తద్వారా వాతావరణ సంబంధిత సమస్యలను పరిష్కరించుకోవచ్చని చెప్పారు. గ్రీన్ హైడ్రోజన్ గురించి మాట్లాడుతూ, భారతదేశం దానిపై చాలా కృషి చేస్తోందని అన్నారు. ఇది కాకుండా, జర్మనీ ఇమ్మిగ్రేషన్ ప్రోగ్రామ్ కింద భారతదేశంలోని నైపుణ్యం కలిగిన కార్మికులకు వీసాలు ఇవ్వడం ద్వారా.. రెండు దేశాలకు ఎంతో ప్రయోజనం చేకూరుస్తుందని ఆయన అన్నారు.