స్పీడ్‌గా ఉన్న కారుపై కొండ చిలువ.. ఆ జంట చేసిన పనిని చూసి తీవ్రంగా తప్పుబడుతున్న నెటిజన్లు.. వీడియో వైరల్‌

కారులో ప్రయాణిస్తున్న ఓ జంటకు కొండ చిలువ ఊహించని షాక్‌ ఇచ్చింది. కారు కదులుతుండగానే అది కారు ముందు అద్దం మీదకు వచ్చేసింది. దీంతో ఆ పామును చూసిన డ్రైవర్‌ ఒక్కసారిగా భయపడిపోయాడు. విండ్‌ స్క్రీన్‌ వైపర్‌ (అద్దం మీద నీటిని శుభ్రం చేసే పరికరం)తో ఆ కొండ ఆ కొండ చిలువను కారు మీద నుంచి తొలగించాలని భావించాడు. కానీ ఆ పాము మరోలా స్పందించింది. ఒక్కసారిగా డ్రైవర్ విండో వైపు వచ్చింది.

ఆస్ట్రేలియాలోని క్వీన్‌ల్యాండ్‌లో గల బ్రూస్‌ హైవే మీద ఈ ఘటన చోటు చేసుకుంది. మెలిస్సా హడ్సన్‌, ఆమె పార్టనర్‌ డోడ్నే గ్రిగ్స్‌ కారులో అలిగేటర్‌క్రీక్ కు బయలుదేరారు. అయితే కారు వేగంగానే ప్రయాణిస్తుండగా, ఓ కొండ చిలువ కారు అద్దం ముందు ప్రత్యక్షమైంది. అది కారు ముందు అద్దం మీదకు పాకింది. వారు కారును ఆపకుండా వైపర్‌తో తొలగించాలని అనుకున్నారు. చివరికి అది కారు మీదన ఉంచి కింద పడకుండా డ్రైవర్‌ విండో మీదకు వచ్చింది. ఆ తర్వాత వారు కారును రోడ్డు పక్కకు ఆపి పొదల్లోకి వదిలారు.

అయితే వారు కొండ చిలువను వైపర్‌తో తొలగించాలని ప్రయత్నించడాన్ని నెటిజన్లు తీవ్ర స్థాయిలో మండిపడుతున్నారు. అలా చేయడం వన్య ప్రాణులను హింసించడం కిందకే వస్తుందని తప్పుబడుతున్నారు. ఆ కొండ చిలువ గాయపడినా, చనిపోయినా వారు నేరం చేసినట్లేనని నెటిజన్లు చెబుతున్నారు. అయితే వైపర్‌తో తొలగించడానికి బదులు… కారును పక్కన నిలిపివేసి వదిలిపెట్టాల్సిందని పలువురు నెటిజన్లు వ్యాఖ్యానిస్తున్నారు.

దీనిపై మెలిస్సా హడ్సన్‌ ఓ మీడియాతో మాట్లాడుతూ.. ట్రాఫిక్‌ కంట్రోలర్‌ నిఘా ఉండటం వల్ల కారును అప్పటికప్పుడు ఆపడం సాధ్యం కాలేదు. ఆ కారు వేరే మార్గం ద్వారా కారు లోపలికి ప్రవేశించే అవకాశం ఉంది. ఆ భయంతోనే దానిని వైపర్‌తో తొలగించాలని ప్రయత్నించాం.. లేకపోతే ప్రమాదంలో పడే అవకాశం ఉండేది అంటూ చెప్పుకొచ్చారు.