దలైలామా బర్త్ డే సెలబ్రేషన్స్ కు చైనా అభ్యంతరం.. లడాఖ్ వద్ద బ్యానర్లతో సైనికుల నిరసన

టిబెటన్ల బౌద్ధ గురువు దలైలామా బర్త్ డే సెలబ్రేషన్స్ కి చైనా అభ్యంతరం వ్యక్తం చేసింది. లడాఖ్ లోని డెమ్ ఛుక్ ప్రాంతంలో సింధు నదికి అవతలివైపున చైనా సైనికులు, కొందరు పౌరులు చేత బ్యానర్లు పట్టుకుని నిరసన తెలిపారు. ఈ నెల 6 న జరిగింది ఈ సంఘటన. 5 ట్రక్కుల్లో వచ్చిన వీరు ఓ విలేజ్ కమ్యూనిటీ సెంటర్ వద్ద ఈ ‘హడావుడి’ చేశారు. దలైలామా జన్మదిన వేడుకలు జరుపుకున్న గ్రామం దీనికి సమీపంలోనే ఉంది. చైనా సైనికులు సుమారు అరగంట సేపు అక్కడే ఉన్నారని.. వారు నిలబడిన భూభాగం మన ఇండియాదేనని కోయిల్ అనే గ్రామ పెద్ద సెవాంగ్ తెలిపాడు. కాగా ఈ ఘటనపై భారత ఆర్మీ ఏ కామెంట్ చేయలేదు. సుమారు 10 రోజుల క్రితం కూడా స్థానికులు సోలార్ పంప్ ఏర్పాటు చేస్తుండగా చైనా సైనికులు అభ్యంతరం ప్రకటించినట్టు సేవాంగ్ చెప్పాడు. ఇలా ఉండగా దలైలామా 86 వ జన్మ దినం సందర్బంగా ప్రధాని మోదీ ఆయనను గ్రీట్ చేస్తూ ట్వీట్ చేశారు. 2014 లో ప్రధానిగా బాధ్యతలు చేపట్టిన తరువాత ఆయన దలైలామాకు శుభాకాంక్షలు చెప్పడం ఇదే మొదటిసారి. ఇది చాలా మందికి ఆశ్చర్యం కలిగించింది.

టిబెట్ పట్ల ఇండియూ పాలసీ మారిందా అని వీళ్ళు చెవులు కొరుక్కున్నారు. తాను దలైలామాతో ఫోన్ లో మాట్లాడానని కూడా మోదీ పేర్కొన్నారు. చైనాతో ఇండియాకు గల సంబంధాలపై ఈ కొత్త పరిణామం ప్రభావం చూపుతుందా అని విశ్లేషకులు తర్జన భర్జన పడ్డారు. టిబెట్ పట్ల చైనా వైఖరిని, మన దేశ వైఖరిని ఈ సందర్బంగా పలువురు బేరీజు వేసుకుని చూశారు. ఇక దలైలామా బుద్దుని ఇన్-కార్నేషన్ అన్న అభిప్రాయాన్ని చైనా మొదటి నుంచి వ్యతిరేకిస్తూ వస్తోంది.

మరిన్ని ఇక్కడ చూడండి: Aamir Khan: అమీర్ ఖాన్‏పై వివాదాస్పద వ్యాఖ్యలు చేసిన బీజేపీ ఎంపీ.. అలాంటి వ్యక్తులు దేశ జనాభాలో…

Telangana Corona: తెలంగాణ కరోనా బులిటెన్.. గణనీయంగా తగ్గిన పాజిటివ్ కేసులు, మరణాలు.!