Floating Restaurant: సముద్రంలో మునిగిపోయిన ఫ్లోటింగ్ రెస్టారెంట్.. 50 ఏళ్ల చరిత్ర కలిగిన చాలా ఫేమస్ రెస్టారెంట్‌..

చైనాలో చరిత్రత్మాకమైన అతిపెద్ద రెస్టారెంట్ మునిగిపోయింది. హాంకాంగ్‌లోని 50 ఏళ్లుగా ఐకానిక్ మైలు రాయిగా నిలిచిన ఫ్లోటింగ్ రెస్టారెంట్ దక్షిణ చైనా సముద్రంలో మునిగిపోయింది.

Anil kumar poka

|

Jul 01, 2022 | 8:52 AM


చైనాలో చరిత్రత్మాకమైన అతిపెద్ద రెస్టారెంట్ మునిగిపోయింది. హాంకాంగ్‌లోని 50 ఏళ్లుగా ఐకానిక్ మైలు రాయిగా నిలిచిన ఫ్లోటింగ్ రెస్టారెంట్ దక్షిణ చైనా సముద్రంలో మునిగిపోయింది. దీంతో దాని మాతృ సంస్థ అబెర్డీన్ రెస్టారెంట్ ఎంటర్‌ప్రైజెస్ తీవ్ర విచారం వ్యక్తం చేసింది. ఈ ఘటనలో సిబ్బంది ఎవరూ గాయపడలేదని వెల్లడించింది. ప్రతికూల పరిస్థితులు కారణంగా ఓడ మునిగిపోయిందని రెస్టారెంట్ యజమానులు తెలియజేశారు.దక్షిణ చైనా సముద్రంలోని పారాసెల్ దీవులను దాటుతున్న సమయంలో నౌకలోకి నీరు ప్రవేశించడం ప్రారంభమైందని కంపెనీ తెలియజేసింది. “ఓడను రక్షించడానికి టోయింగ్ కంపెనీ ప్రయత్నాలు చేసినప్పటికీ, దురదృష్టవశాత్తు ఆదివారం అది బోల్తా పడింది” అని కంపెనీ తెలిపింది. కాగా కరోనా వైరస్ ప్రభావం ఈ ఫ్లోటింగ్ రెస్టారెంట్‌పై కూడా పడింది. కోవిడ్ కారణంగా 2020 నుంచి దీనిని క్లోజ్ చేయాల్సి వచ్చింది. దాంతో ఈ రెస్టారెంట్ నష్టాలను చవిచూసింది. తర్వాత రెస్టారెంట్ వాటా దారులకు ఇది ఆర్థిక భారంగా మారింది. అయితే 2013 నుంచి వ్యాపారం లాభదాయకంగా లేదని, పెద్ద మొత్తంలో నష్టాలను చవిచూస్తోందని ఆపరేటర్ మెల్కో ఇంటర్నేషనల్ డెవలప్‌మెంట్ కూడా గత నెలలో వెల్లడించింది.అయితే ఈ రెస్టారెంట్‌కు చాలా చరిత్ర ఉంది. సెలబ్రిటీలు ఇందులో ఆతిథ్యం పొందారు. ఈ రెస్టారెంట్‌కు ఇంకో ప్రత్యేకత కూడా ఉంది. జేమ్స్‌బాండ్ సినిమాతో సహా పలు సినిమాల్లో కనిపించింది. చాలా కళాత్మకంగా అలంకరించడంతో ఈ నౌకా రెస్టారెంట్‌ అందరిని ఆకర్షించేది.

మరిన్ని వీడియోస్ కోసం:
Videos

Employee: ఎంప్లాయి అంకితభావానికి సంస్థ సత్కారం.. ఒక్క ఆఫ్ లేకుండా 27 ఇయర్స్..

Omelette challenge: ఈ ఆమ్లెట్‌ తిన్న వారికి.. రూ. 21వేలు గెలుచుకోండి.! ఎక్కడో తెలుసా..?

Kacha Badam on flute: వేణువుపై కచ్చాబాదం సాంగ్‌ పాడిన యువకుడు.! నెట్టింట రచ్చ లేపుతున్న వీడియో..

Follow us on

Click on your DTH Provider to Add TV9 Telugu