Viral Video: ఫాంటా కూల్ డ్రింక్ పోసి ఆమ్లెట్ వేసాడు.. వీడి క్రియేటివిటీ తగలెయ్యా.. ఇదేమి వెరైటీ ఫుడ్ రా సామి..

వీడి క్రెయేటివిటీ తగలెయ్యా.. బ్రెడ్‌ ఆమ్లెట్‌‌లో ఏకంగా ఫాంటా పోసి వెరైటీ ఫుడ్ తయారు చేశాడు. దీనిని వీడియో తీసి నెట్టింట్లో పెట్టడంతో వైరల్‌గా మారింది.

Fanta Amlet

Venkata Chari |

Updated on: Aug 08, 2021 | 4:34 AM

Viral Video: వీడి క్రియేటివిటీ తగలెయ్యా.. మనం ఆమ్లెట్‌ను ఎలా తయారు చేస్తాం..? ఎగ్‌లో కొద్దిగి కారం, ఉప్పు వేసి ఆమ్లెట్‌లా వేస్తాం. కానీ, ఈ వీడియోలో ఒకతను మాత్రం ఆమ్లెట్‌‌లో ఏకంగా ఫాంటా పోసి వెరైటీ ఫుడ్ తయారు చేశాడు. దీనిని వీడియో తీసి నెట్టింట్లో పెట్టడంతో వైరల్‌గా మారింది. వివరాల్లోకి వెళ్తే.. సాధారణంగా అల్పాహారం కోసం రొట్టె లేదా ఆమ్లెట్ చేసుకుని తినడం చాలా మందికి అలవాటు. ఇవి సిద్ధం చేయడం కూడా చాలా సులభం. అలాగే ఎంతో రుచికరమైనది కూడా. బ్రెడ్, గుడ్లతో సహా పలు రకాల అల్పాహారాలను తయారుచేస్తూ గుజరాత్‌లోని సూరత్ నగరంలోని ఓ దుకాణం ఆకట్టుకుంటోంది. వీళ్ల ప్రత్యేకత ఏంటంటే.. ఆమ్లెట్‌ను ఫాంటాతో కలిపి తయారుచేయడం. అవును, మీరు సరిగ్గానే విన్నారు! సూరత్‌లోని ఒక ఫుడ్ బ్లాగర్ ఫాంటా ఆమ్లెట్‌ను రూ .250 కి విక్రయించే దుకాణానికి వెళ్లి.. పూర్తి వివరాలతో ఓ వీడియోను నెట్టింట్లో విడుదల చేశాడు. ఇండియా ఈట్ మానియాలో ఈ వీడియోను పంచుకున్నాడు. ఈ వీడియోలో ఫాంటా ఆమ్లెట్ తయారు చేసే విధానాన్ని చూపించాడు.

దీంతో ఈ వీడియో సోషల్‌ మీడియాలో వైరల్‌గా మారింది. ‘ఇండియన్‌ ఈట్‌ మానియా’ అనే యూట్యూబ్‌ ఛానల్‌లో పోస్టు చేసిన ఈ వీడియో.. ఇప్పటికే 87,000 మంది చూశారు. కాగా నెటిజన్లు తమ ఫన్నీ కామెంట్లతో ఆకట్టుకుంటున్నారు. ఈ కొత్త కాంబినేషన్‌ను టేస్ట్‌ చేయాల్సిందేనని ఒకరు కామెంట్ చేయగా, ఇంత రేటు పెట్టి ఈ వెరైటీ వంటకాన్ని తినడం అవసరమా అంటూ మరొకరు కామెంట్ చేశారు. అసలు వేడివేడి ఆమ్లెట్‌లో చల్లని ఫాంటా పోయాలన్న నీ ఆలచోనకు దండంరా బాబు అంటూ కొందరు కామెంట్లు చేశారు. మొత్తానికి ఈవీడియో ప్రస్తుతం నెట్టింట్లో దూసుకపోతోంది.

ఈ వీడియోను మీరూ చూడండి..