Lion Pats Duck: ఈతకొట్టలేక ఇబ్బంది పడుతున్న బాతుపిల్లకు సాయం అందించిన మృగరాజు.. Viral Video
Viral Video: అడవికి రారాజు సింహం. మృగరాజు వేటాడటం మొదలెడితే ఎంత పెద్ద జంతువులైనా సరే.. బయపడాల్సిందే. అలవోకగా ఎలాంటి జంతువులైనా...
Updated on: Mar 27, 2021 | 1:37 PM
Lion Pats Duck: అడవికి రారాజు సింహం. మృగరాజు వేటాడటం మొదలెడితే ఎంత పెద్ద జంతువులైనా సరే.. బయపడాల్సిందే. అలవోకగా ఎలాంటి జంతువులైనా మట్టికరిపిస్తోంది. సింహం అంటేనే గాంభీర్యం..దాని అరుపు వింటేనే అడవి దద్దరిల్లుతుంది. మరి ఇంతపెద్ద మాంసాహార జంతువుకు ఓ మంచి మనసు ఉందని ఐఎఫ్ఎస్ అధికారి సుశాంత నంద సోషల్ మీడియా వేదికగా తెలిపారు.. అంతేకాదు నీలో ఉన్న మంచి మనసు ఎంతమందికి తెలుసు అంటూ ప్రశ్నించారు కూడా.
ఓ బాతు పిల్లకు సింహం సాయం చేస్తున్న వీడియో సోషల్ మీడియాలో తెగ వైరల్ అవుతోంది. ఈ వీడియోను ఐఎఫ్ఎస్ అధికారి సుశాంత నంద తన ట్విట్టర్లో పోస్ట్ చేశారు. అవి అడవి మృగాలే.. కానీ క్రూరమైనవి కాదు. అవి రెచ్చగొట్టినప్పుడు మాత్రమే చంపేందుకు తెగబడతాయి. వాటిని గౌరవించి ఆదరించండి అంటూ ఆ వీడియోను ట్విట్టర్ లో షేర్ చేశారు.
ఈ వీడియోలో..బాతుపిల్ల నీటిలో ఈత కొట్టలేక చాలా ఇబ్బందిపడుతోంది. అది గమనించిన సింహం వెంటనే బాతు పిల్ల వద్దకు వచ్చి..తన కాళ్లతో బాతుపిల్లను నీటిలోకి నెట్టింది. ఈ సందర్భంగా తన కాలితో బాతు పిల్లను మెల్లగా నిమురుతూ సముదాయించింది. బాతు పిల్లను రక్షించేందుకు సింహం చేసిన ప్రయత్నంపై నెటిజన్లు హర్షం వ్యక్తం చేస్తున్నారు. చిన్న ప్రాణి పట్ల అది చూపిన దయాగుణం అందరి హృదయాలను గెలుచుకుంది.
How many of you had thought that such large carnivores has a soft heart?
They are wild. But not savages. Respect & adore them. They kill to survive & only when provoked. pic.twitter.com/RwoJ1z1Hjc
— Susanta Nanda IFS (@susantananda3) March 25, 2021
Also Read: Ram Charan-RRR Update: రామరాజు లుక్ ని రిలీజ్ చేసిన చిత్ర యూనిట్.. ఫుల్ ఖుషీలో ఫ్యాన్స్
