ప్రేమిస్తే చావేనా?ఓ తండ్రి పరువు కోసం..వీడియో

రామంజినేయులుకు నలుగురు కుమార్తెలు. ఇంకా ఎవరికీ పెళ్లి కాలేదు. ఆఖరి అమ్మాయి భారతి బీటెక్ చదువుతోంది. కొద్దిరోజుల క్రితం తాను ఓ అబ్బాయి ప్రేమించానని అతడినే వివాహం చేసుకుంటానని తండ్రికి చెప్పింది. ఐతే కూతురు ప్రేమించిన యువకుడిది వేరే కులం కావటంతో తండ్రి అంగీకరించలేదు. ప్రేమ పెళ్లికి నిరాకరించాడు. తాను చెప్పిన వ్యక్తిని పెళ్లి చేసుకోవాలని నచ్చజెప్పే ప్రయత్నం చేశాడు తండ్రి. అయితే అందుకు భారతి అంగీకరించలేదు. దీంతో కూతురిపై కోపం పెంచుకున్న ఆ తండ్రి.. కూతురి ప్రేమ విషయం బయటకు తెలిస్తే పరువు పోతుందేమో, మిగతా కూతుళ్లకు పెళ్లి కాదేమోననే భయంతో ఆమెను హత్య చేయాలని నిర్ణయించుకున్నాడు. కూతురిని కసాపురం శివార్లలోని తిక్క స్వామి ఆలయం దగ్గరకు తీసుకెళ్లాడు. అక్కడే భారతికి ఉరివేసి హత్య చేశాడు. అనంతరం మృతదేహాన్ని పెట్రోల్ పోసి తగలబెట్టాడు. తన కూతుర్ని తాను హత్య చేశానంటూ ఆ తర్వాత గుంతకల్లు రెండో పట్టణ పోలీస్ స్టేషన్‌లో లొంగిపోయాడు. వెంటనే ఘటనా స్థలిని పరిశీలించిన పోలీసులు ఈ ఘటనపై కేసు నమోదు చేసి దర్యాప్తు చేపట్టారు.

మరిన్ని వీడియోల కోసం :

ఆ ప్లాస్టిక్‌ ఇడ్లీలు తింటున్నారా?ఎంత డేంజర్‌లో ఉన్నారో తెలుసా వీడియో

త్వరలో.. భూమ్మీదకు సునీతా విలియమ్స్‌.. చిన్న పెన్సిల్ ఎత్తాలన్నా కష్టమేనా?

ఒక్క క్లిక్‌తో .. మీ చరిత్ర మొత్తం చెప్పేస్తుంది!