Ramam Raghavam Review: రామం రాఘవం మూవీ రివ్యూ.. జబర్దస్త్ ఫేమ్ ధన్‌రాజ్ డైరెక్ట్ చేసిన ఈ సినిమా ఎలా ఉందంటే?

దశరథ రామం (సముద్రఖని) రిజిస్టర్ ఆఫీసులో పనిచేసే ఓ సిన్సియర్‌ అధికారి. నీతి, న్యాయంగా ఉంటాడు. లంచం తీసుకోడు, ఎలాంటి ప్రలోభాలకు లొంగడు. ఆయనకు ఉన్న ఒక్కగానొక్క కొడుకు రాఘవ (ధన్‌రాజ్‌). చిన్నప్పటి నుంచి కొడుకు అంటే ప్రాణం. కానీ రాను రాను పెరుగుతున్న కొద్దీ పరమ బేవార్స్‌గా మారిపోతాడు కొడుకు రాఘవం. అది చూసి తండ్రిగా బాధ పడుతుంటాడు రామం. అంతే కాదు పెళ్లి చేసుకుంటే చాలు కట్నం వస్తుంది.. అలా లైఫ్ సెటిల్ అవుతుంది అనుకునే మెంటాలిటీ రాఘవది. దాంతో పాటు జీవితంలో ఒకదాని వెంట మరో తప్పులు చేస్తూనే ఉంటాడు రాఘవ. కొడుకు తీరు చూసి రామం కూడా విసిగిపోతాడు. కొడుకును మార్చాలని తిడతాడు, కొడతాడు కానీ బుద్ది రాదు. చివరికి తండ్రి సంతకాన్నే పోర్జరీ చేసి దొరికిపోతాడు. దీంతో తండ్రే కొడుకును పోలీసులకు అప్పగిస్తాడు. అయినా మారకపోగా.. ఏకంగా తన తండ్రినే చంపాలనుకుంటాడు రాఘవ. లారీ డ్రైవర్‌ అయిన స్నేహితుడు (హరీష్‌ ఉత్తమన్‌)తో కలిసి తండ్రిని చంపేందుకు ప్లాన్‌ చేస్తాడు. అసలు తన తండ్రి అంటే ఎందుకు రాఘవకు అంత కోపం.. చంపేంత తప్పు ఆ తండ్రి ఏం చేసాడు..? చివరికి తండ్రి గొప్పతనం కొడుకు తెలుసుకున్నాడా లేదా అనేది మిగిలిన కథ..