Viral: ఓర్నీ.! భక్తితో గుడికొచ్చాడనుకుంటే.. దేవుడికే ఎసరు పెట్టాడు.. ఏం చేశాడో చూస్తే

తమ కోరికలు నేరవేర్చమని, లేదా చిన్న చిన్న కానుకలు దేవుడికి సమర్పించుకునేందుకు గుడికి వస్తుంటారు భక్తులు. కానీ ఈ కేటుగాడు కాస్త సెపరేటు.. అందరూ నడిచిన దారిలో నడవడు. గుడికి వచ్చిన ఇతడు.. పట్టుమని పదిహేను నిమిషాలు దేవుడికి మొక్కుకున్నాడు. కట్ చేస్తే.. ఆ తర్వాత ఏం చేశాడో చూస్తే మీరు షాక్ కావడం ఖాయం. వివరాల్లోకి వెళ్తే.. ఆంజనేయస్వామి వెండి కీరటాన్ని దొంగలించిన ఘటన ఉత్తరప్రదేశ్‌లోని మిర్జాపూర్‌ జిల్లాలో చోటు చేసుకుంది. వీడియో ప్రకారం.. ఓ దొంగ భక్తి కొద్దీ గుడిలో కీర్తనలు లాంటివి పాడుతున్నట్టు మీరు చూడవచ్చు. కానీ అదంతా కల్లబొల్లి నాటకమే.. సరైన సమయం చూసి గర్భగుడిలోకి వెళ్లి.. దేవుడి వెండి కీరటాన్ని ఎత్తుకెళ్లాడు దొంగ. ఈ ఘటన సీసీటీవీ కెమెరాలలో రికార్డు కాగా.. క్షణాల్లో ఇంటర్నెట్‌లో వైరల్ అయింది. కాగా, ఈ ఘటనపై పోలీసులు కేసు నమోదు చేసి దర్యాప్తు చేపట్టారు.

మరిన్ని ట్రెండింగ్ న్యూస్ కోసం క్లిక్ చేయండి