Chinna Jeeyar Swami: ఘనంగా శ్రీ చిన్న జీయర్ స్వామి పుట్టినరోజు వేడుకలు.. వీడియో

విశిష్ట అద్వైత గురువు శ్రీ త్రిదండి శ్రీమన్నారాయణ చిన్న జీయర్ స్వామి 69వ పుట్టినరోజు వేడుకలు మల్దకల్ క్షేత్రంలో భక్త సమూహం సమక్షంలో ఘనంగా జరిగాయి. జోగులాంబ గద్వాల్ జిల్లా మల్దకల్ మండల కేంద్రంలో వెలిసిన ఆదిశిలా క్షేత్రం మల్దకల్ శ్రీ స్వయంభూ లక్ష్మీ వెంకటేశ్వర స్వామి దేవాలయం ఆవరణలో శ్రీ చిన్న జీయర్ స్వామి చిత్రపటాన్ని ఉంచి వికాస తరంగిణి శిష్య బృందం ఆధ్వర్యంలో పూజలు నిర్వహించారు. ముందుగా ఆలయం చుట్టూ ప్రదర్శన నిర్వహించి పూజ కార్యక్రమం నిర్వహించారు. ఈ సందర్భంగా చిన్న జీయర్ స్వామి సేవలను ప్రశంసించారు.

ఈ కార్యక్రమంలో దేవాలయ చైర్మన్ పట్వారి ప్రహ్లాద రావు, ఈవో సత్య చంద్రారెడ్డి ఆధ్వర్యంలో బూడిదపాడు నారాయణరెడ్డి దంపతులు పాల్గొని బ్రాహ్మణులకు వస్త్రదానం చేశారు. అనంతరం అన్నదాన కార్యక్రమం జరిగింది. ఈ కార్యక్రమంలో వికాస తరంగిణి జిల్లా అధ్యక్షుడు వెంకటేశ్వర రెడ్డి పూజారి నర్సింహులు మలకల్ పెద్దోడి టైలర్ నరసింహులు వివిధ గ్రామాలకు చెందిన మహిళ సభ్యులు తదితరులు పాల్గొన్నారు.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..