Goa Beach: వామ్మో .. గోవా బీచ్‌లో షాకింగ్ సీన్.. బిత్తరపోయిన లేడీ టూరిస్ట్!

గోవా అనగానే మనకు గుర్తొచ్చేది అందమైన బీచ్‌లు, అలల హోరు, పర్యాటకుల సందడి. కానీ, ఇటీవల గోవా బీచ్‌కు సంబంధించిన ఒక వీడియో సోషల్ మీడియాలో విపరీతంగా వైరల్ అవుతూ, నెటిజన్లను తీవ్ర దిగ్భ్రాంతికి గురిచేస్తోంది. పర్యాటకులు ఎంత అప్రమత్తంగా ఉండాలో హెచ్చరిస్తూ అనురాధ సింగ్ అనే మహిళ పంచుకున్న ఈ వీడియో ప్రస్తుతం ఇంటర్నెట్‌ను కుదిపేస్తోంది.

సాధారణంగా పాములు దట్టమైన అడవులలో, పొదల్లో నివసిస్తాయని మనకు తెలుసు. కానీ, కొన్ని ప్రత్యేక జాతి పాములు సముద్రంలో కూడా జీవిస్తాయి. ఇవి తీర ప్రాంతాలలో సర్వసాధారణంగా కనిపిస్తూ ఉంటాయి. అనురాధ సింగ్ అనే మహిళా టూరిస్ట్ గోవాలోని ప్రసిద్ధ బెనౌలిమ్ బీచ్‌‌ను సందర్శించినప్పుడు ఆమెకు ఒక సముద్రపు పాము తారసపడింది. వెంటనే ఆమె తన మొబైల్‌లో ఆ దృశ్యాలను చిత్రీకరిస్తూ, బీచ్‌కు వచ్చే పర్యాటకులు ఎంత జాగ్రత్తగా ఉండాలో తన ఫాలోవర్స్‌కు వివరించారు.

ఆ వీడియోలో అనురాధ కెమెరాను సముద్ర తీరం వైపు తిప్పి, ఇసుకలో నుండి నెమ్మదిగా నీటి వైపు వెళ్తున్న ఒక చిన్న సముద్రపు పామును చూపించింది. ఆ సమయంలో ఆమె తన అనుభవాన్ని పంచుకున్నారు. “మీరు బెనౌలిమ్ బీచ్‌కు వచ్చినప్పుడు కొన్ని విషయాల పట్ల చాలా జాగ్రత్తగా ఉండాలి. ఇక్కడ సముద్ర తీరంలో పాములు ఉన్నాయి. కొన్ని నిమిషాల క్రితం, కొన్ని కాకులు ఒడ్డున ఉన్న ఒక పాము చుట్టూ చేరి దానిని పరిశీలించడం చూశాను. మొదట అది చనిపోయినట్లే కనిపించింది. కానీ, కొద్దిసేపటికే అది కోలుకుని పూర్తిగా బాగున్నట్లుగా కదులుతూ సముద్రం వైపు వెళ్లడం ప్రారంభించింది. కాబట్టి మీరు సముద్రంలో ఈత కొడుతున్నప్పుడు లేదా ఒడ్డున నడుస్తున్నప్పుడు చాలా జాగ్రత్తగా ఉండండి.” అంటూ పేర్కొన్నారు.

వీడియోను ఇక్కడ చూడండి..

View this post on Instagram

A post shared by Anu | Traveller | Story Teller (@anuradha.singh)

సముద్రపు పాముల స్వభావం – పొంచి ఉన్న ప్రమాదం

సముద్రపు పాములు అత్యంత విషపూరితమైనవి. అయినప్పటికీ, అవి సాధారణంగా మనుషుల పట్ల దూకుడుగా ప్రవర్తించవు. ఈ విషయాన్ని అనురాధ తన వీడియో క్యాప్షన్‌లో స్పష్టంగా పేర్కొన్నారు. “సముద్రపు పాముల కాటు చాలా అరుదు. అవి మనుషులను చూసి దాడి చేయవు. అయితే, ఇక్కడే ఒక పెద్ద ప్రమాదం దాగి ఉంది. ఈ పాములు కాటు వేసినప్పుడు మొదట్లో ఎలాంటి నొప్పి ఉండదు. దీనివల్ల ప్రజలు ఏదో చిన్న ముల్లు గుచ్చుకుందని భావించి చికిత్సను ఆలస్యం చేస్తారు. అదే ప్రాణాంతకంగా మారుతుంది,” అని ఆమె హెచ్చరించారు.

గోవా తీరప్రాంతంలో, ముఖ్యంగా బెనౌలిమ్-సెర్నబాటిమ్ బీచ్‌ల చుట్టూ సముద్రపు పాములు ఎక్కువగా కనిపిస్తాయి. ఇవి తరచుగా సముద్రపు అలల తీవ్రతకు కొట్టుకువస్తాయి. లేదంటే మత్స్యకారుల చేపల వలల్లో చిక్కుకుని ప్రమాదవశాత్తు ఒడ్డుకు చేరుకుంటాయి. పర్యాటకులు, స్థానికులు కూడా ఇక్కడ సముద్రపు పాములు ఎంత సాధారణంగా ఉంటాయో, అవి ఎంత విషపూరితమైనవో గ్రహించరని, అందుకే అందరినీ అప్రమత్తం చేయడానికి ఈ వీడియోను పంచుకున్నట్లు ఆమె తెలిపారు.

బీచ్‌లో పాము కనిపిస్తే ఏం చేయాలి?

1. సముద్ర తీరంలో పర్యాటకులు సురక్షితంగా ఉండటానికి అనురాధ సింగ్ కొన్ని ముఖ్యమైన భద్రతా చిట్కాలను పంచుకున్నారు:
2. పాము నిర్జీవంగా, చనిపోయినట్లు కనిపించినా సరే వాటిని తాకడం కానీ, కదిలించడానికి ప్రయత్నించకూడదు.
3. ముఖ్యంగా అలలు ఎక్కువగా ఉన్నప్పుడు తీరానికి సమీపంలో నడుస్తున్నప్పుడు లేదా ఈదుతున్నప్పుడు సురక్షిత దూరం పాటించాలి.
4. ఒకవేళ పొరపాటున పాము కాటు వేస్తే, ఏమాత్రం ఆలస్యం చేయకుండా వెంటనే ఆసుపత్రికి వెళ్లాలి. ఎందుకంటే కొన్నిసార్లు సముద్రపు పాము కాటుకు సరిపడే విష నిరోధక మందు త్వరగా దొరకడం కష్టం.

ప్రకృతి అందాలను ఆస్వాదించే క్రమంలో ఇటువంటి సహజసిద్ధమైన ప్రమాదాల పట్ల అప్రమత్తంగా ఉండటం ఎంతో అవసరమని ఈ ఘటన మనకు గుర్తుచేస్తోంది.

మరిన్ని ట్రెండింగ్ వార్తల కోసం ఇక్కడ క్లిక్ చేయండి..